Marc 8:31 - Ma Zhiklè

³¹ Te deɓaʼa a hüno man a senda ta, ara man kra-ndo a da si matakwan a vata, ara man ndohi nhalaʼa a ndohi mvi skwi a Zhiklè mbibihiaʼa a malamhai ta da kwolaʼa, a ta da keɗaʼa, aman te deɓ mʼmèn makar a da slambaɗkaɗauda zaʼa.

Mofa New Testament

³¹ Te deɓa'a a hüno man a senda ta, ara man Kra-ndo a da si matakwan a vata, ara man ndohi nhala'a a ndohi mvi skwi a Zhiklè mbibihia'a a malamhai ta da kwola'a, a ta da keƌa'a, aman te deɓ m'mèn makar a da slambaƌkaƌauda za'a.

Marc 8:31 ပူးပေါင်းရင်းမြစ်များ

Psaumes 118:22

Kwa man ndohi ndizlè gai ta kwolaʼa, nʼngaʼa a kwa nte verziaʼa.

Esaie 53:3

A ndara ta ndohai, a ndohi ta jèkeda, ndo man va a dza na, a sun matakwan, ara ndo man nga pizle di nga a pa. A ndara nga holholaʼa, a nga rkaʼa ara ndo ambalai.

Osée 6:2

Te deɓ mʼmèn cèw, a mendko nga nshèffe a pa. Te mʼmèn mamakaraʼa a da slambaɗda nga a nga nzi a nshèffe a sam nengaʼa.

Matthew 12:40

Aman lèmèlèmè ara Jonas a nʼnza a hwaɗ klèf mbiaʼa pats makar, vaɗ makar, lèmèlèmè kra-ndo a da nzi thwaɗ herkeda, pats makar, vaɗ makar.

Matthew 21:42

Yèsu a ngaɗa ta: Kin jongo te ɗèlèwèr Zhiklè bi dè? Kwa man ndohi ndizlè gai ta kwolaʼa, a nge na a kwa nte verziaʼa. Bi-Zhiklè a ngu arsa, a nga rzl nga a pa.

Matthew 27:63

Bai, ma ndo matsa man a pe ta ndohi a wai, a haka nga gèɗ: A ngaɗa, a pats man a nʼnza a nshèffè dai: Te deɓ mʼmèn makar i da slèmbèɗè auda te mʼmetsai.

Marc 12:10

Kin jongo te ɗèlèwèr Zhiklè ɓi dè? Kwa man ndohi nɗizlè gai ta kaldaussa, nʼngaʼa a kwa nte verziaʼa.

Luke 17:25

Aman sèi skwa a dza na a vata nshèlèkuraʼa dai, a ndohi a gèɗ herkeda haha ta da kwolaʼa.

Luke 24:26

Sèi skwa a dza na Kristi di ka ɓi ɗè, ga a dè a sam nʼnjèl nengaʼa?

Luke 24:44

Te deɓaʼa a ngaɗa ta: Ma haha man i gaɗa kinè, man i zhè a sam kinè dai: Aman skwi tèlèba man ta Windo a géɗ ga te ɗèlèwèr Moise, a ndohi nhadka ma, a Psaumes, sèi a gai.

Jean 12:48

Ndo man a kwolyè, a cè ma ga azɓai, kita nengaʼa a zhè ma. Ma man i gèɗèʼa, nengaʼa a gi a kita na, a pats nʼndikèma skwai.

Jean 2:19

Yèsu a mʼmbeɗa ta a ma: Va-mbeɗda gi Zhiklè nkezlaʼa haha aussa, te mʼmèn makar i ɗizlèʼa.

Actes 7:35

Moise haha, man ta kwolaʼa, a ta gaɗa: Nʼnge ka a ndo mbiaʼa a ndo kita te ndev nga wa? Nengaʼa Zhiklè a nzlündo a ndo mbiaʼa, a ndo mʼmbel ndo, man gol Zhiklè a ngudoko na va a dai te ndev vatak.

1 Corinthians 15:4

ta raʼa a vèvèɗ. Aman te mʼmèn mamakaraʼa Zhiklè a nslambaɗda, ara ɗèlèwèr a gaɗa;

I Samuel 10:19

Aman kinè, kin kwola Zhiklè kinè a patsna, nengaʼa man a mpre kinè auda te ri matakwan a skwi mwuɗitpa tèlèba, a kin gaɗa: Aʼai, sèi ka va nga bi nga! Anai, va-zlatsa a sam Ndo nzi pèc pècèk, ara verzi ndohi ngiɗè, ara verzi ndohi ngiɗè, go-zhèm staɗ, gozhèm staɗ, gozhèm staɗ.

I Samuel 8:7

Ndo nzi pèc pècèk a ngaɗa na Samuel: Gau tèlèba ara ma tengaʼa man ta gaɗa ka: ta kwol ka ka ɓai, aman ta kwolyè; ta woyè a bi tengaʼa ɓai.