Marc 16:17 - Ma Zhiklè

¹⁷ Na haha nrkedi man a gi a sam tengaʼa, man ta co a ndav ta: Ta da jèr madzagihi a nzlembaɗ ga, ta da gèɗè ma a nèʼèn mɓuaʼa, ta da pèr zhûzhokihai, ta da si dèrè, a da ga ta skwa azɓai.

Mofa New Testament

¹⁷ Na haha nrkedi man a gi a sam tenga'a, man ta co a ndav ta: Ta da jèr madzagihi a nzlembaƌ ga, ta da gèƌè ma a nè'èn mɓua'a, ta da pèr zhüzhokihai, ta da si Ƌèrè, a da ga ta skwa azɓai.

Marc 16:17 ပူးပေါင်းရင်းမြစ်များ

Marc 9:38

Jean a ngaɗa na: Ndo njèngè ma, nga rka ndo ngiɗè, aman a jèr madzagihai a nzlembaɗ ngaya, aman a dè a verzi nga azɓai. Nga gedassa skwi nengaʼa, a géɗ man a dzadzar nga azɓai.

Luke 10:17

Ta 70 ta shkè a deɓa a mwuffe, a ta gaɗa: Bai, ko madzagihai ta tsena ma nga, a nzlembaɗ ngaya.

Jean 14:12

A vava, a vava, i gaɗa kinè: Ndo man a ciyè a ndav na, a gi skwi lèmèlèmè ara ga, a fena ba. Aman iyè, i dè a sam Bab ga.

Actes 10:46

Aman ta tsena ara man ta goɗ nèʼèn tsaɗ tsaɗ, a ta slubordo Zhiklè.

Actes 16:18

A ngu arsa mʼmèn kumba. A skwi haha a ndza na a ndav a Paul, a nʼngwoda ma a deɓa, a ngaɗa na mèzhèɓ ambaɓia sa: I gaɗa ka a ma staɗ, a nzlembaɗ Yèsu Kristi: Do auda te nengaʼa! A nasa nasa mezheɓ a njèkeda.

Actes 19:6

Aman Paul a nfa ta ri a gèɗ, Mèzhèɓ Zhiklè a mshkè a géɗ tengaʼa, a ta goɗ ma a néʼèn tsaɗ tsaɗ, a ta hodko ma.

Actes 2:33

Antanta ri mandi Zhiklè a nzalaʼa, a nʼngots Mèzhèɓ Zhiklè nkezlaʼa, man Bab Zhiklè a mpasla na rai, a foko nga skwi haha man kin rkaʼa, a kin tsenaʼa.

Actes 5:16

A ndohi rèdèdèa ta shkè te kokwar, man a ma kokwar Jérusalem, a ta hulkoɗi ndohi matakwan a ndohi man mèzhèɓhi ambaɓihiaʼa a ga ta, a ta mbel ta a matakwan tèlèba.

Actes 8:7

Aman mèzhèɓhi ambaɓihiaʼa ta shkè auda te ndohi man a ga ta, a ta tsu lalau a vata; a ndohi man ta tèfè, a ndohi vedal kumba ta mbel ta.

1 Corinthians 12:10

ndo ngiɗè a nʼngots wuɗai, aman a gi nrkedai; ndo ngiɗè aman a hodko ma; ndo ngiɗè aman a sun nɗèl mèzhèɓhi mbelaʼa te va mèzhèɓhi ambaɓihiaʼa; ndo ngiɗè aman a gèɗ nèʼèn tsaɗ tsaɗ; ndo ngiɗè aman a slaha a ngwèdè ngèɗè nèʼèn sa.

1 Corinthians 12:28

A sam mpi ndohi Zhiklè nga, Zhiklè a nge ta ndohi ngiɗè a ndohi sak, ndohi ngiɗè a ndohi nhadka ma, ndohi ngiɗè a ndohi njèngè, ndohi ngiɗè a ndohi ngi nrkedai, ndohi ngiɗè man ta slaha ta mbél ndohi matakwan; ndohi ntakaha, ndohi ncè ta ma, ndohi ngèɗè nèʼèn tsaɗ tsaɗ.

1 Corinthians 12:30

Ta tèlèba ta slaha ta mbel ta ndohi te matakwan ɗè? Tèlèba ta gèɗ nèʼèn tsaɗ tsaɗ ɗè? Tèlèba ta slaha ta ngwèdè ngèɗè sa ɗè?

1 Corinthians 13:1

Ko man agassa i gèɗè ma ndohai, a ma golahi Zhiklè, aman mwoyndo a ndav ga azɓai, i lèmèlèmè ara züdo, ara ngurlèlèi man a slhè.

1 Corinthians 14:2

Ndo man a gèɗè nèʼèn tsaɗ tsaɗ, a gèɗè a ndo ka ɓai, aman a Zhiklè. Ndo ngiɗè a cinè ma nengaʼa azɓai, te man a gèɗè skwi man nʼngheda te Mèzhèɓ.