Marc 14:41 - Ma Zhiklè

⁴¹ A Yèsu a mshkè a deɓa mamakaraʼa, a ngaɗa ta: Antanta va-nzhun ma! Va-sok va! Dèʼa! Tiɗè sama ma! Na haha, ta va na kra-ndo a ri a ndohi malihai.

Mofa New Testament

⁴¹ A Yèsu a mshkè a deɓa mamakara'a, a ngaƋa ta: Antanta vanzhun ma! Vasok va! Dè'a! TiƋè sama ma! Na haha, ta va na Kra-ndo a ri a ndohi malihai.

Marc 14:41 ပူးပေါင်းရင်းမြစ်များ

I Rois 18:27

A géɗ pats ma, Elie a ngwossaha ta, a ngaɗa: Vo-boho a vata! Nengaʼa zhiklè ka ɓi dè: gar a hér gèɗ ngiɗè tsaɗ – gar na te ngwi ɓai – gar kala nshèwèlè – gar a nzhuna, a da pidèkwe na.

I Rois 22:15

A nengaʼa a nshkè a sam bai, a bai a ngaɗa na: Michée, amba aman nga dè var a Ramoth te Galaad dè, dè nga jèkeda dè? A nengaʼa a ngaɗa: Do, ka da fen ta. Ndo nzi pèc pècèk a da pa ta a ri a bai.

II Rois 3:13

Elisée a ngaɗa na bi Israel: Nga gakaɗa ka mè? Do a sam ndohi nhadka ma bab ngaya, a sam ndohi nhadka ma mam ngaya! Bi Israel a ngaɗa na: Aʼai! Aman Ndo nzi pèc pècèk a mbaha ta bihi makar haha, aman a mpa na a ri a Moab dè?

Ezéchiel 20:39

Kinè, ndohi Israel, Bi Zhiklè a goɗ ar haha: Vo-do, staɗ staɗ te ndev kinè da gedassa a skwi mbèh skwi na! Aman te deɓaʼa kin cinè ma ga. A kin derɗa nzlembaɗ ga nkezlaʼa a skwi man kin mbèhèʼa azɓai.

Matthew 26:2

Kin suna, njèkè mʼmèn cèw, ta da gi ngolala Pâque, a ta da gshè kra-ndo a kita, aman ta da gézlèlèʼa.

Marc 14:10

Judas Iscariot, staɗ te va 12, a ndo a sam ndohi mvi skwi Zhiklè mbibihiaʼa, aman a ga na ri a gèɗ a Yèsu.

Marc 14:18

Aman ta nzahai a ta ndi skwi nʼndai, Yèsu a ngaɗa: I gada kinè a vava, staɗ te ndev kinè, man nga ndi skwi a vna, a da gay ri a gèɗ.

Marc 14:35

Te deɓaʼa a nco sak a ma kètè, a nkalda va na a hai, a ntsu rai. Aman a slaha, sam patsaʼa do do auda a sam na.

Marc 14:40

A mshkè a deɓa zaʼa, a nʼngats ta, ta nzhuna. Ta zhingètè, nzhunè a di tengaʼa. A ta sun ma man ta menda na ɓai.

Marc 14:42

Va-slambaɗa, ngo-dokoya, na haha nengaʼa man a gay ri a gèɗ a herdeka nga va.

Marc 7:9

A ngaɗa ta a vaʼa: Kin kwola ma nkwèr Zhiklè, a kin jèjèr ma bababhi kinè.

Marc 9:31

A nsenda ta golahi nengaʼa, a ngaɗa ta: A di ta gshè kra-ndo, a ta da fi a ri a ndohai, a ta da keɗaʼa. Man a mʼmets na ma, te deɓ mʼmèn makar, a da slambaɗkaɗauda.

Jean 12:23

Aman Yèsu a mʼmbeɗa ta a ma: Tiɗè sama ma, aman kra-ndo a ngècè nʼnjèl na.

Jean 12:27

Antanta ndav ga a kuɗai, a i gèɗè ma kè? Bab ga, mbelkay auda te sam nta! Aman i shkè a sam nta a géɗ nengaʼa.

Jean 17:1

Aman Yèsu a nʼndeva ma haha, a mpu di a zhiklè, a ngaɗa: Bab ga, tiɗè sama ma! Nzala kra ngaya, aman kra ngaya ba da nzal ka!

Jean 7:30

A ta woy a ta gshèʼa. Aman ndo a nlama na ɓai. Tiɗè sam man a nengaʼa di ka ɓai.

Jean 8:20

Ma haha Yèsu a ngaɗa ta a sam koti sulai, man ta cèkèlè Suli a Zhiklè. A njè ta ma te gi Zhiklè, aman ta gsa ɓai, ko staɗ, te man tiɗè sam mana nengaʼa di ka ɓai.

Actes 7:52

Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzuraʼa. Aman kinè, ndohi man kin ga na ri a gèɗ, a kin keɗaʼa.

Juges 10:14

Vo-do, a kin kuɗau a sam zhiklèhi man kin ngotso a ri kinè. Tengaʼa da mbel kinè a pats matakwan kinè!