Mal. 3:7 - Ma Zhiklè

⁷ A hünkoɗi te bababhi kinè, kin jèkeda ma ga, a kin dzadzara ɓai. Va-menkaɗa deɓa, a i woya a i dè deɓa a sam kinè, Zhiklè bi mbiaʼa a gaɗa. A kin jhèɗèʼa: Nga menkaɗa deɓa èhèmè?

Mal. 3:7 ပူးပေါင်းရင်းမြစ်များ

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Esaie 65:2

I tila ri ga pèc pècèk a sam ndohi man ta woya ɓai, ta tsena gèɗ ɓai, man ta a civèɗ ambaɓiaʼa, ara man ndav tengaʼa a woyaʼa.

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 7:25

Daga pats man i helka ta babhi kinè auda te kokwar Egypte, ha patsna, i zlinde ta ɓèlèlihi ga tèlèba, ndohi nhadka ma, a prèk ba, a dakwaɗ ba.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Ezéchiel 2:3

A ngaɗkayè: Ka ndo, i zlinde ka a sam ndohi Israel, a sam ndohi mèdègèɗ, man ta slambaɗkay a gèɗ. Tengaʼa ta gokoɗi ara babhi ta, ha mshkè na ma a mpatsna.

Ezéchiel 20:13

Aman ndohi Israel ta slambaɗkay a va tʼhèshèkèɗ, ta dzadzara ma nkwèr ga bai, ta kwola ma kita ga man ndo da dzodzora aman a nzi a nshèffè. Ta derɗa patshi nshèk va ga, a i hur ara man i pra ta ndzoan a gèɗ tʼhèshèkèɗ, a i da zede ta.

Ezéchiel 20:21

Aman wudahi ta gu mèdègèɗ a sam ga, ta lèɓèslè a sam ma nkwèr ga bai, aman ndo ndzodzora a nzi a nshèffè a vna. Ta derɗa patshi nshèk va ga, a i hur ara man i pra ta ndzoan ga a gèɗ, a i ga ta ndzoan a gèɗ tʼhèshèkèɗ.

Ezéchiel 20:28

I de ta a kokwar man i mbaɗa ta a ri ngeda te zhiklè, man i woy a i va ta. A ta rka za tèlèba, wof ndizlimaʼa tèlèba, a ta zloho skwi ta a pa, a ta va na skwi ta a vri a pa, a ta feda skwi tengaʼa a pa man a zhkè amba, a ta bada skwi nsi a hi a pa.

Ezéchiel 20:8

Aman ta gu mèdègèɗ a sam ga, ta woy a ta tsena ma ga bai. Ta wusheda mali man ambaha di ta bai, ta jèkeda mʼmbèh skwi Egypte bai. A i hur ara man i ga ta ndzoan a va, a i pra ta ndzoan ga a gèɗ, te ndev kokwar Egypte.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Zacharie 1:3

Gar haha gaɗa ta: Zhiklè bi mbiaʼa a goɗ ar haha: Va-menkaɗa deɓa a sam ga, a i woya a i dè a deɓa a sam kinè, Zhiklè bi mbiaʼa a gaɗa.

Mal. 1:6

Kra a slébèrdè bab na. Ɓèlè a gi zlau babgi na. Aman i bab kinè, kin slebardyè a mè? Aman i bi kinè, kin gi zlau ga te mè? Zhiklè bi mbiaʼa a gaɗa kinè, kinè ndohi mvi skwi a Zhiklè man kin derɗè nzlembaɗ ga. A kin jhèɗèʼa: Nga durɗo nzlembaɗ ngaya te mè?

Mal. 3:13

Kin gèɗè ma nfi va a géɗ ga, Ndo nzi pèc pècèk a gaɗa. A kin gaɗa: Nga ngre ka tema?

Matthew 23:27

Woba kinè, malamhai a ndohi pharisie, kinè ndohi nʼngwèdè ndo! Kinè lèmèlèmè ara gi dzavai, man slalia a pa. Tʼuda ta rka ara man amba, aman tʼhwadaʼa nʼndha a vatasl nckondo a skwi nlizhèʼa tsaɗ tsaɗ.

Luke 15:16

A woya a ndhè hwaɗ na a skwi nʼndi wodalahai. Aman ndohi ta va na ɓai.

Romans 10:21

Aman a ngaɗa na Israel: I Pelaha ri ga pèc pècèk daga prèk, ha dákwaɗ, a sam ndohi man ta tsena gèɗ ɓai, a ta menday ma a deɓa.

Romans 10:3

Aman ta rka ngi-zuraʼa Zhiklè ɓai, a ta woy a ta zlècèdè ngi-zuraʼa tengaʼa a ri ta. Ar haha ta manda gèɗ ta a hi ɓai a sam ngi-zuraʼa Zhiklè.

Romans 7:9

Pats ngiɗè ma kita Zhiklè az a sam ga ɓai. Nshkè ma nkwèr Zhiklè, malai a dzodzorkoɗa te deɓa,

Deutéronome 31:20

Aman i de ta ndohi haha a kokwar man i mbaɗa ta babhi tengaʼa i da va ta, kokwar man wa a vongwom a hi te pa, a ta da ndi skwi te pa a ta da ngeza hwaɗ, a ta gre ta. Te deɓaʼa ta da jèkyè, ta jèjèr zhiklèhi ngidè tsaɗ, ta tsi ri a tengaʼa. Ta da derɗyè, ta gi mali a sam nderzlè-ma ga.

Jacques 4:8

Va-herda na va a Zhiklè, a nengaʼa a di a herdeka kinè va. Va-pana ri kinè, kinè ndohi malai, va-tila ndav kinè, kin ndohi nʼngwèdè ndo!