Mal. 3:6 - Ma Zhiklè

⁶ Aman iyè, Ndo nzi pèc pècèk, i ngwèdè va ga azɓai; aman kinè, wudahi Jacob, kinè arsa genè!

Mal. 3:6 ပူးပေါင်းရင်းမြစ်များ

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

Genèse 15:7

A Bi Zhiklè a ngaɗa na: I Ndo nzi pèc pècèk, man i cka ka auda te kokwar Ur te Chaldée, aman i da va ka herkeda haha.

Genèse 22:16

Ndo nzi pèc pècèk a ngaɗa: I gèɗè a mʼmbèɗè: a gèɗ man ka gu ar haha, a ka jèkaha kra ngaya staɗgenè a sam ga ɓai,

Psaumes 102:26

Tʼhinkaɗ na ka gau herkeda. Giɗfèk, ri ngaya a ngau.

Psaumes 102:27

Ta da ndiv ta; aman ka, ka nza. Tengaʼa tèlèba ta hal ta ara maslaka. Ka da ngwèd ta ara maslaka, a ta zi ta.

Psaumes 102:28

Aman ka, ka ngwèdè va azɓai, mvi ngaya a ndivè azɓai.

Psaumes 103:17

Aman pombi Ndo nzi pèc pècèk a zhè a mèdèp ba a sam ndohi man ta gi zlauaʼa, a ngi-zura nengaʼa a sam wud wuda tengaʼa,

Psaumes 78:38

A nengaʼa te pombi na, a géɗ man ndo a sia te va, a mpra ta maii la, a ngedas ta ɓai. Sak kumba a njèkeda ngi ndav, a mva na civèɗ a ndzoan nengaʼa bai.

Psaumes 78:57

Lèmèlèmè ara bababhi ta, ta lèɓèslè ɓai. Ta men la a deɓa, a ta gu ara sulom man a ngwoda ta va a gèɗ.

Esaie 41:13

Aman iyè, Ndo nzi pèc pècèk, Zhiklè ngaya, man i gs ka te ri mandi ngaya, a i gaɗa ka: Ka gu zlau ɓai, i takaha ka.

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 46:4

Ha kin hala ma, i gi lèmèlèmè; ha mokozlar te gèɗ kinè, i takaha kinè. I gau, te va nasa; i woya a i giaʼa, a ma ma. I takaha kinè, a i mbel kinè.

Jérémie 32:27

Nana, iyè Ndo nzi pèc pècèk, i Zhiklè ndohi tèlèba. Skwi man i slaha ɓai, a zhi dè?

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Osée 11:9

I woy a i gi ndav a i gi a ndzoan azɓai, i woy a i gedassa Ephraim te deɓaʼa azɓai, te man i Zhiklè, ndo ka ɓai;

Habakuk 1:12

Ndo nzi pèc pècèk, Zhiklè ga nkezlaʼa, ka daga zlè-zlèzlèa ka ɓi ɗè? Nga da metsi azɓai. Ka zlindeka ta ndohi haha a ka ga nga kita a gèɗ, ka zede nga. Tengaʼa ara ndohi sak ngaya, aman ta ngez nga.

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

Romans 5:10

Aman Zhiklè a mʼmenda gumi a hai te mʼmetsi kra nengaʼa, te va man nga mayamhi Zhiklè dai, holholaʼa antanta, man gèɗ nga mpela ma, nga da mbel nga te nshèffe nengaʼa.

Philippiens 1:6

A i fi gèɗ a vna: nengaʼa man a hüno mizlinè mbelaʼa te ndav kinè, a dè a ma ma a nrufaʼa, ha pats Yèsu Kristi.

Hébreux 13:8

Yèsu Kristi lèmèlèmè ara madatsa, a patsna, a mèdèp.

Hébreux 6:18

Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzuraʼa, nga man nga gshè va a nzhèrè te ndav man a zhè a ma nga.

Jacques 1:17

Skwi man amba tèlèba, skwi mbelambela man nga ngotso, a shkè te géɗèʼa, te ri Bab nhél sam, te nengaʼa nhél sam a ruva ta ngwèdè va azɓai.

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 22:13

Iyè, Alpha a Oméga, ndo nshèlèkuraʼa a ndo nʼndikèma skwai, nhinkaɗ skwai a nʼndikèma skwai.

I Samuel 15:29

Nengaʼa man nʼnjèl Israel, a cèkèlma azɓai, a ngwèdè ndav azɓai; nengaʼa ndo man a ngwèdè ndav na ka ɓai.