Mal. 3:3 - Ma Zhiklè

³ Ndo nzi pèc pècèk a da nzi a hai, a wèsl skwi tèlèba, a pènè skwi tèlèba, a da til wudahi Lévi, a da wosl ta ara guro a verzhègenè, aman ta va na skwi a Zhiklè zuraʼa.

Mal. 3:3 ပူးပေါင်းရင်းမြစ်များ

Psaumes 116:17

I da zla ka skwi man i shida ka gèɗ a vna, a i da tsi rai a nzlembaɗ Ndo nzi pèc pècèk.

Psaumes 4:5

Aman kin gi ndav, mali da kala a pa ɓai! Aman kin hér geɗ a sam mʼmènè kinè, va-nza tètè!

Psaumes 4:6

Va-va na skwi zuraʼa a Zhiklè kinè, va-pu ndav a Ndo nzi pèc pècèk!

Psaumes 50:14

Skwi man Zhiklè a woy a ka va na: nshid gèɗ, a ka gi ara man ka gaɗa na hi a Zhiklè te géɗèʼa.

Psaumes 50:23

Ndo man a shid gèɗ a Bi Zhiklè, kala man a va na skwai, a slébèrdyè zuraʼa; a ndo man a ɓer civèɗ na, i da ngra na skwi mʼmbel ndo ga.

Psaumes 51:19

Skwi man Bi Zhiklè a woyaʼa, ndo man a manda gèɗ a hai. Ndav man mʼmbeɗ na, ka Bi Zhiklè ka kwolè az-ɓai.

Psaumes 66:10

Bi Zhiklè, ka jkede nga, ka wosl nga ara man ta wèsl verzhègenè.

Proverbes 17:3

Ara gezla a wèsl züdo a guro, lèmèlèmè arsa Ndo nzi pèc pècèk a jkeda ndav ndohai.

Proverbes 25:4

Aman ta woslkoɗi zi auda te guro, guro a viɗè amba amba.

Esaie 1:25

I woya a i ngwoda gèɗ ga, a i wosl ka a ri ga, a i pon-ko derɗa auda tèlè, a i cko zi auda tèlèba.

Esaie 48:10

Na haha i wosl ka, aman ara mwèsl verzhè-genè ka ɓai; i jkede ka a matakwan, ara man ta wèsl züdo te gezla.

Esaie 61:6

Aman kinè, ta baha kinè ndohi mvi skwi a Ndo nzi pèc pècèk. Ta da baha kinè ndohi mizlinè Zhiklè nga. Kin wèl va a skwi mèshèlè ndohi herkeda, a kin jégèr va a nʼnjèl tengaʼa.

Jérémie 9:7

Gar haha Zhiklè bi mbiaʼa a gaɗa: I woya a i wosl ta ara züdo, a i jkede ta. I slaha a i gi skwi ngiɗè a géɗ ndohi ga dè?

Ezéchiel 20:38

Ndohi man ta slambaɗkay a va a ndohi man ta jèkyè, i da parka ta auda te va kinè, aman ta dè a kokwar Israel azɓai, a kin da suna, i Ndo nzi pèc pècèk.

Daniel 11:35

Te va ndohi man maya ta zhè, matrehiaʼa ta kèlèhai; aman Zhiklè a jkede ta, a nɗèl ta, a mpana ndav ta, ha ndi-kèma skwai a zhè. Samaʼa a zena a shkè.

Daniel 12:10

Ta kumba Zhiklè a jkede ta, a ɗèl ta, a pan ta. Ndohi nderɗe Zhiklè, ta gi skwi man ambaha Zhiklè ɓai. Ndo man a derɗe Zhiklè a sun ɓai, aman ndohi man maya ta zhè, ta suna.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Nombres 8:6

Pe ta ndohi Lévi, te va ndohi Israel, a géɗ ta, a ka til ta!

Luke 3:16

A Jean a mʼmbeɗa ta a ma a ndohi tèlèba: Iyè, i ga kinè baptême a iyam. Aman ndo ngiɗè a di a shkè, man a fena wuɗi ga, nengaʼa a da ga kinè baptême a Mèzhèɓ Zhiklè nkezlaʼa, a vogwa. I gi huyokokoʼa, i slaha a i gshè kotokoroh nengaʼa a ri ɓai.

Romans 12:1

Dalahimam ga, anai i bid kinè a géɗ man ndo a si Zhiklè te va: va-vau va kinè a skwi man kin va na Zhiklè, man nshèffè te pa, nkezlaʼa, ambaha Zhiklè. Nasa mizlinè Zhiklè nzuraʼa!

Romans 15:16

Pombi nengaʼa a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbelaʼa, aman ndohi nte deɓa ta ndi a skwi mvi a Zhiklè, man ambaha Zhiklè, ndohi nkezlaʼa te Mèzhèɓ Zhiklè nkezlaʼa.

Philippiens 2:17

i ga mizlinè ambali ɓai. Ko ta giyè a skwi man ta va na Zhiklè, nshèffè ga skwi man ta vi a Zhiklè a géɗ ncè-a-ndav kinè, i wuffè genè, a i wuffè a nda kinè tèlèba.

Philippiens 4:18

Aman antanta i ngreda kinè, ara man i ngots skwi tèlèba, kumba, a njèkèɗiaʼa a zhè. I tèkwèn skwi asaɓai, a géɗ skwi kinè man amba, man i ngots te ri Epaphrodite: ara skwi man kin va na Zhiklè man a wuffè a gèɗèʼa, ambaha, man a cèʼa.

2 Timothy 4:6

Iyè, i ara skwi man ta va na Zhiklè ma, pats mʼmetsi ga kalka ma.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 12:10

Tengahi ta ngez nga mʼmèn kètè, ara man ta hur amba. Aman nengaʼa haha a géɗ skwi man ambaha nga zuraʼa, aman nga ngècè nshèffe nkezlaʼa ara nengaʼa ba.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 1:6

a nge nga a bihai, a ndohi mvi skwi a Zhiklè, Bab na. A nengaʼa, nʼnjèlè, a wuɗai, te nhinkaɗ na a mèdèp. Amen.

Apocalypse 3:18

I gaɗa ka ma maya staɗ: sèi ka shum guro man vogwa a mwoslaʼa, a ka ndi a ndo mèshèlè; a ka shum maslaka nslekaɗaʼa, a ka feda a va, a hori ngaya man ka adai a gidè auda azɓai; a ka shum madzaf dai, a ka da geda a di ngaya, a ka rka di zuraʼa.

Apocalypse 5:10

a ka ge ta a bihai, a ndohi mvi skwi a Zhiklè, a sam Zhiklè nga, a ta da gi bi a géɗ herkeda.