Mal. 2:9 - Ma Zhiklè

⁹ A géɗ nengaʼa i ga kinè a skwi man a ndara ta ndohi herkeda tèlèba, ara koskosi ndo ambalai, te man kin gsa civèɗ ga ɓai, a kin ɗöl kita nɗèlè.

Mal. 2:9 ပူးပေါင်းရင်းမြစ်များ

I Rois 22:28

A Michée a ngaɗa: Aman ka da ndikakaɗa deɓa amba amba, ar Ndo nzi pèc pècèk a nhadka ma te iyè ɓai. A goɗ a vaʼa: Kinè tèlèba, ndohai, va-tsenaʼa!

Job 32:21

I woy a i pèr ndo mpèrè azɓai, i pi a ndo azɓai.

Proverbes 10:7

Ndo nzuraʼa a pca ta a gèɗ a ndohi azɓai, ta slébèrdè nzlembaɗ nengaʼa; nzlembaɗ ndo ambaɓiaʼa a gédèsh na.

Proverbes 12:8

Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Ezéchiel 13:21

Ko maslaka man kin feda a gèɗ, i woy a i kuratsaʼa, a i mbel ta ndohi ga auda te ri kinè. Ta gi a gadda te ri kinè asaɓai, a kin da suna, i Ndo nzi pèc pècèk.

Ezéchiel 7:26

Skwi mwuɗitpa a shkè. Pèc pècèk skwi mwuɗitpa, skwi mwuɗitpa; pèc pècèk ma mwuɗitpa, ma mwuɗitpa. Ta dè a sam ndo nhadka ma, da ngreda ta skwai; a ndo mvi skwi a Zhiklè a sun skwi man a slebda ta bai. Ndohi nhalaʼa ta sun maya ɓai.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Nahum 3:6

I pa ka koskosi a deɓa, i ngwossede ka hi a sam ndohai.

Mal. 2:3

Na haha, i ngelama kinè rai, i da gucè kinè zi skwi man kin ndarayè a dai; skwi ngolala man kin vokoyè, i rka ara zai.

Mal. 2:8

Aman kinè, kin bez kinè azlawa, a kin gu aman ndohi kumba ta tawaɗaha ma kita Zhiklè. Kin pra nderzlè-ma a Lévi, Zhiklè bi mbiaʼa a gaɗa.

Luke 10:29

A ndo njèngè ma a nzevi na auda, a ngaɗa na Yèsu: Ndo ga wa? A Yèsu a ngaɗa na:

Luke 11:42

Aman Woba kine, ndohi pharisie! Kin vi skwi staɗ te va kula, te skwi nkè-shèa; aman kin fa na gèɗ a ma kita a mwoy-ndo Zhiklè ɓai. Aman ar agassa sèi kin gi skwi haha, a kin jèkaha ngiɗè azɓai.

Galates 2:6

Aman ndohi man ta ara ndohi mbibihiaʼa a sam di ndohai – ko wawa – a ga ga pa mè? Aman Zhiklè a woy ndo te di mwoyè azɓai, a ndohi mbibihiaʼa sa ta gaɗayè ma ngiɗè ɓai.

Deutéronome 1:17

Kin por ndo mpèrè a sam kita ɓai! Va-fu zlembaɗ a ma mbelaw ndohi lèmèlèmè ara ma ndohi mbibihiaʼa. Kin gu zlau ndo ɓai; aman ma kita a Zhiklè. Kita man a fena wuɗi kinè, va-ckoɗa a sam ga, a i tsnaʼa.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.