Mal. 2:8 - Ma Zhiklè

⁸ Aman kinè, kin bez kinè azlawa, a kin gu aman ndohi kumba ta tawaɗaha ma kita Zhiklè. Kin pra nderzlè-ma a Lévi, Zhiklè bi mbiaʼa a gaɗa.

Mal. 2:8 ပူးပေါင်းရင်းမြစ်များ

II Rois 16:11

A Urie, ndo mvi skwi a Zhiklè, a nrom sam mʼmbèh skwai. Skwi tèlèba man bi Achaz a ngra na ndo sak man a nzlündo a sam Urie, man a nʼngots te kokwar Damas, Urie a ngau, ga bi Achaz a mshkè a deɓa te kokwar Damas.

Néhémie 13:29

Zhiklè ga, skwi man ta gau, da pca ka a gèɗ ɓai, te man ta lizhè mizlinè nkezlaʼa, a nder-zlè-ma ndohi mvi skwi a Zhiklè a ndohi Lévi.

Psaumes 119:102

I mindè va ga a deɓa a sam kita ngaya azɓai; aman ka, ka sen-dayè.

Psaumes 18:21

Ndo nzi pèc pècèk a ngayè ara ngizura ga, a mpelyè, te man ri ga mpana.

Proverbes 12:8

Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Esaie 30:11

Va-jèkeda civèɗ, va-beza zlawa, kin slefa nga Zhiklè Israel nkezlaʼa a tsagi nga ɓai!

Esaie 59:13

Nga suna, nga lèɓèslɓai, nga cèkèlma a géɗ Ndo nzi pèc pècèk, nga jèkeda Zhiklè nga, nga hur skwi shèwa, a ngi rai, nga cko ncèkèlma auda te ndav nga.

Esaie 9:16

A gèɗ nengaʼa Bi Zhiklè a wuffè azɓai a gèɗ golahi tengaʼa; wud dikai a ngwozi mazihi ta sia te va azɓai. Aman ta tèlèba ndohi ndérɗèʼa, ndohi shèwa, tèlèba ta derɗe Zhiklè. Ko ar haha Zhiklè a gi ndav di genè a ngeda ri na genè.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Jérémie 17:5

Gar haha Ndo nzi pèc pècèk a gaɗa: Ndo man a gshè va a ndohai, ndo man a fu ndo te di Zhiklè na, a pi di a Ndo nzi pèc pècèk azɓai, da phomda;

Jérémie 18:15

Aman iyè, i pca ta a gèɗ a ndohi ga. Ta va ta skwi a vrihai. Ta zlak ta auda a civèɗ nhalaʼa, a ta dè a civèɗ man nʼnde di ɓai.

Jérémie 2:8

Ndohi mvi skwi a Zhiklè ta gaɗa: Ndo nzi pèc pècèk tema, ɓai. Ndohi kita ta woy iyè ɓai. Ndohi mɓer ndohai ta jèkyè; ndohi nhadka ma ta hodko ma a nzlembaɗ Baal, a ta mboh skwai, man a takaha ndo azɓai.

Ezéchiel 22:26

Ndohi mvi skwi a Zhiklè te pa ta ngwoda ma kita ga, ta derde skwi ga nkezlaʼa. Ta ɗèlè ɓai te ndev skwi nkezlaʼa a skwi nkezlaɓiaʼa, te ndev skwi nlizhèʼa a skwi nlizhèɓiaʼa. Ta fa na gèɗ a pats nshèk va ga bai, a ta derɗyè a vna a sam ta.

Ezéchiel 44:10

Aman ndohi Lévi, man ta jèkyè, te va man Israel a nzlak na, a mdo a verzi skwi mbèh skwi nlizhèʼa, sèi i ga ta kita a gèɗ.

Ezéchiel 44:12

A géɗ man ta takaha ta a sam skwi mbèh skwi nlizèʼa, a ta ga a skwi man a slafadama ta sak a ndohi Israel, a ta gu malai. Gar haha i gidè ri ga a géɗ tengaʼa, Bi Zhiklè a gaɗa, a i ga ta kita a gèɗ.

Ezéchiel 44:7

Kin va ta civèɗ a ndohi man verzi ta tsaɗ, ndohi man ngwon nʼngel ɓai, man ta ngwoda ndav ta ɓai, a ta shkè a sam ga nkezlaʼa, a ta dérɗèʼa, aman kin vau skwi nʼndi ga mbeza a Pombaz. Aranta kin pra nderzlè-ma ga, a skwi hori kinè tèlèba.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Lèv. 21:15

Da durɗo verzi ndohi na, a gwoli na bai! Aman iyè Ndo nzi pèc pècèk man i gaʼa a ndo nkezlaʼa.

Sophonie 3:4

Ndohi nhadka ma nengaʼa, man ta fu va ta a falihai, ndohi ngi rai; ndohi mvi skwi a Zhiklè nengaʼa ta derɗa skwi nkezlaʼa, ta ngwoda ma kita.

Mal. 1:6

Kra a slébèrdè bab na. Ɓèlè a gi zlau babgi na. Aman i bab kinè, kin slebardyè a mè? Aman i bi kinè, kin gi zlau ga te mè? Zhiklè bi mbiaʼa a gaɗa kinè, kinè ndohi mvi skwi a Zhiklè man kin derɗè nzlembaɗ ga. A kin jhèɗèʼa: Nga durɗo nzlembaɗ ngaya te mè?

Mal. 2:5

Nderzlè-ma nga aranta: Iyè, i va na nshèffè a skwi mʼmbel ndo; a nengaʼa a manda gèɗ a hai a slébèrdè nzlembaɗ ga.

Nombres 25:12

Gar haha goɗ aranta: I derzla ma gumai a nda nengaʼa.

Nombres 25:13

Nengaʼa a ndohi te verzi nengaʼa sèi ta ngècè mizlinè mvi skwi a Zhiklè a ma ma a mèdèp, te man nengaʼa a ngu skwi a srak a géɗ Zhiklè nengaʼa, a nʼngatsa ta skwi mpil gèɗ a ndohi Israel.

Romans 14:21

Dara ka ndi zluèɗ azɓai, a ka si zom azɓai, a ka gu skwi azɓai, man a gi gadda aman kramam ngaya a kèlèhi a pa.

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.

I Samuel 2:17

Aranta mali golahi sa a gi a mbiaʼa a sam Ndo nzi pèc pècèk, te man ta rka skwi man ta va na Zhiklè ara skwi ambalai.

I Samuel 2:24

Kin gu arsa ɓai, wudahi ga! Ma man ndohi Zhiklè ta zlèzlèmè a haha, ma ambaɓiaʼa.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.