Mal. 2:7 - Ma Zhiklè

⁷ Ndo mvi skwi a Zhiklè a sun ma maya; a ndohi ta hèsh maya kita auda te ma na, te man nengaʼa ndo sak Zhiklè bi mbiaʼa.

Mal. 2:7 ပူးပေါင်းရင်းမြစ်များ

II Rois 16:11

A Urie, ndo mvi skwi a Zhiklè, a nrom sam mʼmbèh skwai. Skwi tèlèba man bi Achaz a ngra na ndo sak man a nzlündo a sam Urie, man a nʼngots te kokwar Damas, Urie a ngau, ga bi Achaz a mshkè a deɓa te kokwar Damas.

II Rois 16:16

A Urie, ndo mvi skwi a Zhiklè, a ngau tèlèba man bi Achaz a njè na a gèɗ.

II Chroniques 30:22

Ezéchias a ngaɗa ta ndohi Lévi tèlèba man maya ta zhè a vata, a géɗ mizlinè Ndo nzi pèc pècèk. Ta ndau skwi man ta zloho, mʼmèn 7, ta vau skwi a Zhiklè te nshid gèɗ, a ta slubordo Ndo nzi pèc pècèk, Zhiklè babhi ta.

II Chroniques 31:4

A ngaɗa ta ndohai, a ndohi Jérusalem, aman ta va ta di skwi ta a ndohi mvi skwi a Zhiklè a ndohi Lévi, a ta jèjèr ma kita Ndo nzi pèc pècèk zuraʼa.

Esdras 7:10

Esdras a nfu gèɗ a vna, a nwuzhè ma kita Ndo nzi pèc pècèk, a njèjèrèʼa, a nslebda ta ndohi Israel ma kita a ma nkwèr Zhiklè.

Esdras 7:25

Ka, Esdras, a maya man Zhiklè ngaya a va ka, pu ndohi kita a ndohi mbèzl kita man ta gi kita a ndohi tèlèba te wud woyam, ta tèlèba man ta sun ma kita Zhiklè ngaya. Ko wawa man a sun ɓai, ka senda na.

Proverbes 5:2

a ka ɓer skwi man i ngra ka, a ka sun ngèɗè ma maya.

Ecclésiaste 5:5

Ma ngaya da kalde ka a mali ɓai! Ka gada na ndo sak Zhiklè: i goɗ kata genè, ɓai! Man ɓai Zhiklè a gi ndav a géɗ ngaya, a mizlinè ri ngaya a gi amba azɓai.

Esaie 42:19

Mandazli a wa, ɓèl ga ka ɓi ɗè? Ndaɓazlam man i zlündo ara ndo sak ga, wa? Mandazli, ara nengaʼa man Zhiklè nkezlaʼa, wa? Ndaɓazlam ara ɓèl Ndo nzi pèc pècèk, wa?

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Jérémie 15:19

Gar haha Ndo nzi pèc pècèk a gaɗa: Aman ka menkaɗa deɓa, ka slaha ka zlècè a sam ga zaʼa. Aman ka gèɗè ma mbelaʼa, ma ambaɓia ka ɓai, i va ka ma ga a ma ngaya zaʼa. Sèi ndohi haha ta shkè a sam ngaya; ko do a sam tengaʼa ɓai!

Jérémie 18:18

Ta gaɗa: Ngo-vhokoy ma a gèɗ a Jérémie! Ma nhèdè ma a sam ndo mvi skwi a Zhiklè a ndiva ma? Ma ncèmma a sam ndo maya a ndiva ma? Ngo-tsedokoy ma a pa, ngo-fokoy gèɗ a ma nengaʼa ɓai!

Jérémie 2:8

Ndohi mvi skwi a Zhiklè ta gaɗa: Ndo nzi pèc pècèk tema, ɓai. Ndohi kita ta woy iyè ɓai. Ndohi mɓer ndohai ta jèkyè; ndohi nhadka ma ta hodko ma a nzlembaɗ Baal, a ta mboh skwai, man a takaha ndo azɓai.

Ezéchiel 22:26

Ndohi mvi skwi a Zhiklè te pa ta ngwoda ma kita ga, ta derde skwi ga nkezlaʼa. Ta ɗèlè ɓai te ndev skwi nkezlaʼa a skwi nkezlaɓiaʼa, te ndev skwi nlizhèʼa a skwi nlizhèɓiaʼa. Ta fa na gèɗ a pats nshèk va ga bai, a ta derɗyè a vna a sam ta.

Ezéchiel 7:26

Skwi mwuɗitpa a shkè. Pèc pècèk skwi mwuɗitpa, skwi mwuɗitpa; pèc pècèk ma mwuɗitpa, ma mwuɗitpa. Ta dè a sam ndo nhadka ma, da ngreda ta skwai; a ndo mvi skwi a Zhiklè a sun skwi man a slebda ta bai. Ndohi nhalaʼa ta sun maya ɓai.

Daniel 11:33

Te va ndohi man maya ta a zhè, ta ngatsa ta maya a ndohi ngiɗè. Aman nʼnzi kètè, matakwan a da ga ta: tsakwal a bazl ta, a vogwa, a ɓèlè, a metsar.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Lèv. 10:11

A kin menda ta ndohi Israel ma nkwèr Ndo nzi pèc pècèk man a gada na Moise.

Sophonie 3:4

Ndohi nhadka ma nengaʼa, man ta fu va ta a falihai, ndohi ngi rai; ndohi mvi skwi a Zhiklè nengaʼa ta derɗa skwi nkezlaʼa, ta ngwoda ma kita.

Aggée 1:13

Te deɓaʼa Aggée, ndo sak Ndo nzi pèc pècèk, a mʼmenda ta ma Ndo nzi pèc pècèk a ndohai, a ngaɗa: I zhè a nda kinè, Ndo nzi pèc pècèk a gaɗa.

Zacharie 7:3

A ta jhèɗè ndohi mvi skwi a Zhiklè te gi Zhiklè bi mbiaʼa, a ndohi nhadka ma: Nga da lèyè a nga jèkeda skwi nʼndai a ki mazlamaʼa, ara man nga gu a mvi a mvai nʼnzi a zhi ɗè?

Mal. 3:1

Na haha i zlündo ndo sak ga, a til civèɗ a ma ga. Tsam-tsam Ndo nzi pèc pècèk man kin jhèɗèʼa, a shkè a gi nengaʼa. Gol Zhiklè nɗerzlè-ma man kin woyaʼa, na haha a shkè, Zhiklè bi mbiaʼa a gaɗa.

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

Jean 13:20

A vava, a vava, i gaɗa kinè: Ndo man a cè ndo man i zlündo, a ciyè. A ndo man a ciyè, a cè nengaʼa man a zlindekayè.

Jean 20:21

A Yèsu a ngaɗa ta zaʼa: Gumi a nda kinè! Lèmèlèmè ara man Bab ga a nzlindekayè, i ba i zlinde kinè.

Actes 16:17

A sam tèlèba a ndzadzarka nga, nga a nda Paul, a ngoɗ a wuɗai: Ndohi haha bèlèlihi Zhiklè te géɗèʼa, man ta njè kinè civèɗ mʼmbel ndo!

2 Corinthians 5:20

Anai nga gaʼa a ndohi sak te di man a Kristi, te man Zhiklè a bid ndo, te nga: Anai nga tsi ri te di man a Kristi: Va-gau aman kin menda gumi a hai a Zhiklè!

Galates 4:14

A kin kwolyè ɓai a géɗ matakwan ga, a skwi te va ga a nʼndara kinè ɓai; aman kin ciyè ara man i gol Zhiklè, a vava ara Kristi Yèsu.

Deutéronome 21:5

Te deɓaʼa ndohi mvi skwi a Zhiklè, ndohi Lévi, ta da herda na va. Aman Ndo nzi pèc pècèk, Zhiklè ngaya, a par ta, aman ta gi mizlinè nengaʼa, aman ta pshè ta ma ndohai a nzlembaɗ Ndo nzi pèc pècèk; a ta gèɗèʼa, a géɗ matakwan tèlèba, a géɗ mblè tèlèba.

Deutéronome 24:8

Gu maya a géɗ mblè hutsoɗ, a ka da gi skwi tèlèba ara man ndohi mvi skwi a Zhiklè, ndohi Lévi, ta gaɗa kinè. Va-gu maya a kin gi tèlèba man ta njè kinè.

1 Thessalonians 4:8

Ndo man a kwola ma haha, a kwola ndo ka ɓai, aman a kwola Zhiklè, man a va kinè Mèzhèɓ nengaʼa nkezlaʼa a ndav.

I Samuel 2:17

Aranta mali golahi sa a gi a mbiaʼa a sam Ndo nzi pèc pècèk, te man ta rka skwi man ta va na Zhiklè ara skwi ambalai.