Mal. 2:17 - Ma Zhiklè

¹⁷ Kin ngeza Ndo nzi pèc pècèk a tsaval kinè, a kin jhèɗè: Nga ngezaʼa a mè? Aman kin huro: Ko ndo man a gi malai, ambaha Ndo nzi pèc pècèk genè — a wuffè a géɗ nengaʼa genè — man ɓai, Zhiklè a ga na kita azɓai èhèmè?

Mal. 2:17 ပူးပေါင်းရင်းမြစ်များ

Job 34:17

A vava ndo man ma kita ambaha ɓai, a gi bi dè? Ndo man a gi skwi zuraʼa, ka woy a ka phomda dè?

Job 34:36

Aman Zhiklè a jkeda Job a ma ma, a géɗ man nengaʼa a gèɗè ara ndohi malihai,

Job 36:17

Kita mbiaʼa man a kala ta gèɗ a ndohi nderɗa Zhiklè a ngats ka; kita a gs ka zuraʼa.

Job 9:24

Aman ndo ambaɓi ngiɗè a ceda kokwar ngiɗè a ma, a pizlè di na a sam ndohi kita na, ara man a rka bai. Aman nengaʼa ka bi, kos wa?

Ecclésiaste 8:11

A géɗ man kita a shkè tsam tsam azɓai a géɗ skwi ambaɓiaʼa, ndohi ta gi zlau ngi skwi ambaɓiaʼa azɓai.

Esaie 1:14

Ngolala mvèng kia a ngolalahi kinè, ndav a dzayè a géɗèʼa, ta ngezlay a gèɗ ma, i ngeza te riaʼa.

Esaie 29:15

Wobau a sam ndohai man ta ngheda skwi man ta woy a ta giaʼa a skwi man ta gia te ruva, a sam Zhiklè, a ta gaɗa: Nrka nga wa, nsenaha nga wa?

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 43:22

Jacob, ka mʼmbahay ka ɓai! Israel, ka geda matakwan a va a verzi ga ɓai.

Esaie 43:24

Ka suma burdi a ka vay ɓai. Ka vay mbeza skwi ngaya ɓai. Sèi ka gay wuɗi a mali ngaya, a ka ngezyè a maharam ngaya.

Esaie 7:13

Te deɓaʼa Esaie a ngaɗa: Va-tsena, ɗakwa, kinè ndohi gi David! Kin ngez ta ndohi na, a slra kinè ɓai, a kin ngézhè Zhiklè ga a va ɗè?

Jérémie 12:1

Ndo nzi pèc pècèk, ka zura gokwèn. I slaha a i ga ka ma a va azɓai. A nasa ba, i woy a nga verslè a ka genè: Ndohi nderɗe Zhiklè ta nzi a gumi èhèmè? Ndohi nʼngwèdè ndo, skwa a ga ta azɓi èhèmè?

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 17:15

Na haha, ta gadayè: Kos ma Ndo nzi pèc pècèk ani na tema? Da shkè!

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Ezéchiel 16:43

A géɗ man ka hera pats dali ngaya ɓai, a ka pokoy gèɗ ndav auda a skwi haha tèlèba, iyè ba i ngwoda ka mali ngaya a gèɗ, Bi Zhiklè a gaɗa. Ka mboh skwài, ka gu mphömè, tèlè ka bi dè?

Ezéchiel 18:25

Aman kin gaɗa: civèɗ Ndo nzi pèc pècèk amba zura bai! Ndohi Israel, va-tsenaʼa! Civèɗ Ndo nzi pèc pècèk amba zura bai èhèmè? Civèɗ kinè ka bi dè, man ta amba zura bai.

Ezéchiel 8:12

A ngaɗayè: Ka ndo, ka rka skwi man ndohi Israel mbibihiaʼa ta gia te ruva dè? Staɗ staɗ te gi mʼmbèh skwi na? Ta gaɗa: Ndo nzi pèc pècèk a rka nga ɓai. Ndo nzi pèc pècèk kal na auda te kokwaraʼa.

Ezéchiel 9:9

A mbeɗkay a ma: Mali ndohi Israel a ndohi Juda mbiaʼa holholaʼa. Kokwar nʼndha a Pombaz, malai a nʼndha te kokwar. Ta gaɗa: Ndo nzi pèc pècèk kal na auda te kokwaraʼa, Ndo nzi pèc pècèk a nrka ɓai.

Amos 2:13

Gar haha iyè i da gudzeda herkeda tʼhwaɗ sak kinè, ara kiki man a hejèkeda va man nʼndha a dau.

Sophonie 1:12

Te ndev nasa, i da wuzhè kokwar Jérusalem a skwi ntiv vogwa te rai, a i hèsh ndohi tèlèba, a i ga ta kita a tengaʼa man ta nza daɓaɓaʼa ara drab zom, tengaʼa man ta goɗ te ndav ta: Ndo nzi pèc pècèk a gi skwi man amba azɓai, a gi skwi ambaɓiaʼa azɓai, a nzai na.

Mal. 2:14

Kin jhèɗèʼa: èhèmè? A géɗ man Ndo nzi pèc pècèk a gu malwuɗai, aman ka kwola ngwoz gol ngaya, a ka ngwoda, nengaʼa man ndo ngaya, a ngwoz man ka derzla ma a vna.

Mal. 3:8

Aman ndo a ngwoda ri a Zhiklè, ara man kin gi a haha, amba ɗè? Kin gaɗa: Nga ngwoda ri a ka te mè? Te skwi man kin co auda te va skwi kula a kin va na Zhiklè.

Deutéronome 32:4

Nengaʼa za, skwi man a giaʼa, nʼngaʼa jèlèlèʼa. Civèd nengaʼa tèlèba, civèɗ nzuraʼa. Zhiklè nlèɓèslèʼa, ncèkèlma a te nengaʼa ɓai; nengaʼa zuraʼa ndzarɓiaʼa.

I Samuel 2:3

Kin tsurɗ ma ani asaɓai! Ma nfi va kin goɗ ɓai! Aman Ndo nzi pèc pècèk, Zhiklè man a sun skwi tèlè. Nengaʼa a livè skwi man ndohi ta gia tèlèba.