Mal. 1:9 - Ma Zhiklè

⁹ Aman vo-ɗöl te pa, kinè man kin va na skwi a Zhiklè arsa; ndav nengaʼa a mènèhai a kin sia te va-ɗè? Kin gau aranta a ri kinè; a slaha a fi ndo staɗ te ndev kinè a ndo na zura ɗè?

Mal. 1:9 ပူးပေါင်းရင်းမြစ်များ

II Chroniques 30:27

Ndohi mvi skwi a Zhiklè a ndohi Lévi ta slambaɗa, a ta pshè ta ma ndohai, a ntsi ri tengaʼa a ndikè a zhiklè, ha ndè a sam Ndo nzi pèc pècèk nkezlaʼa.

Exode 32:11

A Moise a ntsu ri a Zhiklè, a ngaɗa: Bi ga, ka woy a ka gi ndav a géɗ ndohi ngaya èhèmè? Ndohi man ka helka ta auda te kokwar Egypte a wuɗi ri ngaya?

Jérémie 26:19

Ezéchias, bi Juda, a Juda tèlèba, ta keɗa Michée ɗè? Ezéchias a ngu zlau Ndo nzi pèc pècèk ka ɓi dè, a Ndo nzi pèc pècèk a nkeɗaha gèɗ ndzoan, a njèkeda skwi ambaɓiaʼa man a hodko ma a géɗ tengaʼa. A nga, nga woy a nga gi skwi ambaɓiaʼa a nga fi mali a gèɗ nga a vna dè?

Jérémie 27:18

Aman agassa ta ndohi nhadka ma a vava, a ma Ndo nzi pèc pècèk a zhè a sam ta, ar ta tsi ri a Zhiklè bi mbiaʼa, a kolongwi a shkè auda te gi Ndo nzi pèc pècèk azɓai, a shkè auda te gi bi Juda, te Jérusalem, a dè Babylone, azbai.

Lamentations de Jérémie 2:19

Gu wobau a vaɗ, a sam nkezawaʼa, ngurdo skwi auda te ndav tèlè a sam Ndo nzi pèc pècèk, da hakaɗauda te pa ara iyam; geda ri a zhiklè a ka tsu ri a géɗ nshèffè wudahi ngaya, man ta tiɗ ta a mai a zolom civèɗ tèlèba.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Joel 2:17

Ndohi mvi skwi a Zhiklè sèi ta kuɗi te ndev mozodo, a sam mvi skwi a Zhiklè. Ndohi mizlinè Ndo nzi pèc pècèk ta gaɗa: Ndo nzi pèc pècèk, ka ga ta matakwan a ndohi ngaya holholaʼa ɓai, ka gedas ta ndohi nʼndi gi ngaya ɓai, man ɓai ndohi herkeda ta ngwossaha ta. Ndohi herkeda da goɗa: kos Zhiklè tengaʼa tema, èhèmè?

Amos 5:22

Aman kin ndaray skwai, i wuffè a géɗ skwi man kin vayè azɓai. A i pi di a mari man kin zlayè a nshid gèɗ azɓai.

Jean 9:31

Aman nga suna, Zhiklè a tsena ndohi malihi azɓai, aman a tsena ndo man a pi ndav a Zhiklè, a gi skwi man nengaʼa a woyaʼa.

Romans 2:11

Aman Zhiklè a pèr ndo mpèrè azɓai.

1 Peter 1:17

Aman kin baha na nengaʼa, man a pèr ndo a mpèrè a sam kita azɓai: ‘Bab nga’, va-nza a maya te nshèffè kinè a zlau, man kin tʼherkeda dai.