Mal. 1:4 - Ma Zhiklè

⁴ Aman agassa Edom a gaɗa: Nga gedassa ma ba, aman nga da ɗizlè gi man mʼmbeɗ na a pa zaʼa, Zhiklè bi mbiaʼa a gaɗa: Ta da ɗizlè a pa zaʼa, a iyè, i da mbeɗdaussa zaʼa. Ta da baha na kokwar ndohi ambaɓihiaʼa, ndohi kokwar man Ndo nzi pèc pècèk a gi ndav a géɗ tengaʼa a mèdèp.

Mal. 1:4 ပူးပေါင်းရင်းမြစ်များ

Job 12:14

Aman nengaʼa a mbeɗda skwi a hai, a nrèmè a pa za wa? Man a mpizleda ndo a gai, nda winkoɗauda za wa?

Job 34:29

Aman nengaʼa a nza tètèʼa, nwoya a mphömdè wa? Aman a nghéɗè va na, nslaha a nrka wa?

Job 9:4

Zhiklè, maya na zhè, wuɗi na zhè kumba. Nda Sala na va a gèɗ, a skwa a ga na te deɓaʼa azɓi, wa?

Psaumes 127:1

Dimèsh ndè a gi Zhiklè. Dimèsh Salomon. Aman Ndo nzi pèc pècèk a rèm gi azɓai, tenga man ta rèmèʼa ta gi mizlínè ambalai. Aman Ndo nzi pèc pècèk a ɓer kokwar azɓai, ndo mɓer kokwar a ɓerèʼa amɓalai.

Psaumes 137:7

Ndo nzi pèc pècèk, hur wudahi Edom a pats man Jérusalem a zhè dai! Tengaʼa man ta gaɗa: Va-mbeɗdahai, kala verzia ba!

Psaumes 33:10

Ndo nzi pèc pècèk a gedassa skwi man ndohi herkeda ta hérèʼa; a skwi man kokwar-bihai ta woy a ta giaʼa, a ndeda a skwi ambalai.

Proverbes 21:30

Skwi ngiɗè azɓai, maya ngiɗè azɓai, nshin skwi ngiɗè azɓai, man a slaha a nzlècè a sam Ndo nzi pèc pècèk.

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 11:14

Ta da kala ta va a za Philistie a ma iyam mbiaʼa, a ta humda va a ta da hil skwi ndohi kokwar man a verzi gai. Ta da cè kokwar Edom a Joab, a ndohi Ammon ta da gi ɓèl ta.

Esaie 34:10

A mbècè azɓai a mèdèp. Vodzok nengaʼa a ɗüzhè a ma ma, ha verzi wud wuda. A ndi a hèshèkèd a mèdèp, ndo a shèwèlè a pa azɓai;

Esaie 34:5

Tsakwal Ndo nzi pèc pècèk a pombaz a pa, a nkeɗa Edom, ndohi man a mpe ta a ri a ngédèshè, a mpe ta a ri a kita.

Jérémie 31:17

Ndo nzi pèc pècèk a gaɗa: Skwi man ka zhèrè dai, zhoro genè, a da gai; a wudahi ta da shkè a deɓa a kokwar ta.

Jérémie 49:20

Gar haha va-tsena ma man Ndo nzi pèc pècèk a goɗ a gèɗ Edom; a skwi man a nhur a woya a ngiaʼa a sam ndohi Thé-man. Ta da zlama ta daʼai a wud tambakihi nhezakaʼa, ta da gedassa sam nʼnzi ta, a vava.

Jérémie 49:7

A géɗ Edom: Zhiklè bi mbiaʼa a goɗ ar haha: Maya klèng te Théman dè? Ndohi maya, kita a yakadama ta gèɗ dè? Maya tengaʼa nʼngwoda na dè?

Jérémie 49:8

Va-hu kinè, va-ngwoda deɓa, va-rau vèvèɗ, a kin nza a pa, ndohi Dedan! Aman i gedassa Esau a pats man i ga na kita.

Jérémie 5:17

Ta da ndi skwi man ka ɓicaʼa, movar ngaya; ta da ndev ta wudahi a dalahi ngaya; ta da ndi tambakihi a zlèhi ngaya, a wof barassa a wof kslor ngaya; ta da gedassa kokwar ngaya nʼngala te pa a tsakwal, kokwar man ka gso va a vna.

Lamentations de Jérémie 3:37

Skwi nʼnga, man Bi Zhiklè a ngoɗ ka ɓi, a nangwa?

Ezéchiel 11:10

Tsakwal a da bazl kinè. I da gi kita kinè a ma kuma Israel, a kin da suna, i Ndo nzi pèc pècèk.

Ezéchiel 25:13

i woy a i torko ri a gèɗ Edom, i zedkoɗi ndohi a skwi ndzhamhi auda te pa, a ndi na hèshèkèɗ. A hinè te Théman, ha ndè Dedan, sèi ta bazl ta a tsakwal.

Ezéchiel 25:14

I woya aman Israel, ndohi ga, ta gi kita a géɗ Edom te di man a ga. Ta da gi a sam Edom lèmèlèmè ara ndzoan ga, ara ndav ga man a dzay worworaʼa. A Edom a sun kita ga, Bi Zhiklè a gaɗa.

Ezéchiel 26:14

I ngwode ka a pra kurndazlndazlaʼa, sam man ta wuzhè lata ta a pa. Ta ɗaɗay ka te deɓaʼa asaɓai. Aman iyè, Ndo nzi pèc pècèk, i goɗa, Bi Zhiklè a gaɗa.

Ezéchiel 35:4

I mbeɗda kokwarhi ngaya a hai, a ka ndi a hèshèkèɗ, a ka da suna, i Ndo nzi pèc pècèk.

Ezéchiel 35:9

I da ndeda ka a hèshèkèɗ a mèdèp, ndo a da nzi a kokwar ngaya azɓai, a kin da suna, i Ndo nzi pèc pècèk.

Amos 1:11

Ndo nzi pèc pècèk a goɗ ar haha: A géɗ mali kokwar Edom man a gi makar, a gi faɗ, i méndè kita a deɓa azɓai, a géɗ man a ndzama kramam na a tsakwal, a nsa te va ɓai, a ngu ndav pèc pècèk, a njèka shèwa ɓai, nte ndav na a mèdèp.

Amos 3:15

A i da mbeda hwaɗ gala, a gi mʼmènè. Klèng gi zlèʼèn fakawai; klèng gi bihi mbiaʼa, Ndo nzi pèc pècèk a gaɗa.

Amos 5:11

Gar haha a géɗ man kin ga na kita a ndo ntawassaʼa a pil gèɗ a vata, a kin cèkèlè dau te ri nengaʼa: kin gu gi a kwa mpasla ma ba, aman kin da nzi a pa azɓai. Kin gi gi wof barassa mbelaʼa ma ba, aman kin tèr barassa te pa azɓai.

Amos 6:11

Ndo nzi pèc pècèk a goɗ ma bi nengaʼa: Gi mbiaʼa a da wal na.

Amos 6:2

Vo-do Calné, a kin rkaʼa! Vo-do a ma ma a Hamath, kokwar mbiaʼa. Te deɓaʼa vo-do a kokwar Gath, kokwar Philistie. Kin fena kokwar-bi te pa dè? Mba kokwar-bi kinè aman a tengaʼa ɗè?

Abdias 1:1

Skwi man a rka na di a Abdias: Bi Zhiklè Ndo nzi pèc pècèk a goɗo a géɗ Edom ar haha: Nga tsena ma mɓuaʼa a sam Ndo nzi pèc pècèk. A nzlündo ndo sak a sam ndohi herkeda: Va-slambaɗa, ngo-go-koy var a Edom!

Abdias 1:10

A géɗ shèwa man ka ga na Jacob, kramam ngaya, ka ngècè hori a dai a ta da zede ka a mèdèp.

Mal. 1:3

a i gi shèwa a Esau. A géɗ nengaʼa i ndeda za nengaʼa a hèshèkèɗ, a i va ta nʼndi gi nengaʼa a kdadi dak.

Matthew 12:30

Ndo man nga a vna ka ɓai, nengaʼa mayam ga. Ndo man nga ɓicè skwi a vna ka ɓai, a ksarda skwi aussa.