Mal. 1:2 - Ma Zhiklè

² Te va nasa i woy kinè, Ndo nzi pèc pècèk a gaɗa. A kin jhèɗèʼa: Ka woy nga te mè? Esau kramam Jacob ka ɓi ɗè? Ndo nzi pèc pècèk a gaɗa. Ko ar haha i woy Jacob,

Mal. 1:2 ပူးပေါင်းရင်းမြစ်များ

Genèse 25:23

A Ndo nzi pèc pècèk a ngaɗa na: Verzi ndohi herkeda cèw tʼhwaɗ ngaya. Verzi ndohi cèw ta da shkè auda tʼhwaɗ ngaya a ta kezli gèɗ. Verzi ndohi staɗ a gi a ngul ngiɗè, a tsuvomaʼa a da gi ɓèl ntabawaʼa.

Genèse 25:25

Nshèlèkuraʼa, nteva, gwots a va ara tambak, a ta baha na Esau.

Genèse 25:26

Te deɓaʼa a myu ngiɗè, a ri nengaʼa a ngsko va a ndudok sak Esau, a ta baha na Jacob. Mvi Isaac 60, man a yi wudahai.

Genèse 27:33

A Isaac a ngudzu a vata, a ngaɗa: Kos nengaʼa man a ɓor zluèɗ a nckoyè, wa? I ndau antanta, ga ka shkè a haha, a i pshè na ma. A mpshè ma a nzi a géɗ nengaʼa.

Genèse 48:4

a ngaɗayè: Na haha, i woy a i va ka wuda, a ka mènè a vata, a i ga ka a ndohi herkeda kumba. Kokwar haha i va ta a ndohi verzi ngaya a mèdèp.

I Rois 10:9

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a gèɗ sam nʼnzi bi Israel a mèdèp, a nfe ka a bai a ka gi kita zuraʼa.

II Rois 3:8

Ngiɗè a ngaɗa: Nga bizhè nangwa? Josaphat a ngaɗa: Nga da bizhè a ndev hèshèkèd Edom.

Esaie 43:4

A géɗ man ka ara skwi man gani a pa kumba a sam di ga, skwi mbe-laʼa, a i woy ka a ndav ga, i vi kokwar-bi-hai a géɗ ngaya, a ndohi herkeda te di nshèffè ngaya.

Esaie 63:1

Nenga wa, man a shkè te Edom, te Botsra, a maslaka vèvèzh a va, a dzugorko va a ri a géɗ maslaka nengaʼa, ndaɓaraʼa a wuɗai! Iyè man i goɗ a géɗ ngi-zuraʼa, a i pasla kinè ri ma mʼmbel ndo a hai.

Jérémie 2:31

Kinè verzi ndohi mè? Va-tsena ma Ndo nzi pèc pècèk: Israel a fiyè a hèshèkèd, a herkeda ruva dè? Ndohi ga ta gaɗa: Nga pra ma, nga shkè a deɓa a sam ngaya asaɓai, èhèmè?

Jérémie 2:5

Ndo nzi pèc pècèk a goɗ ar haha: Babhi kinè ta ngatsa a sam ga mali mè? A ta jèkyè a ta dè a verzi skwi ambalai a ta gedas ta.

Jérémie 31:3

Ndo nzi pèc pècèk a ngudoko ta va a di dra. I woy ka a ndav a mèdèp; gar haha i va ka pombai a ma ma.

Amos 1:11

Ndo nzi pèc pècèk a goɗ ar haha: A géɗ mali kokwar Edom man a gi makar, a gi faɗ, i méndè kita a deɓa azɓai, a géɗ man a ndzama kramam na a tsakwal, a nsa te va ɓai, a ngu ndav pèc pècèk, a njèka shèwa ɓai, nte ndav na a mèdèp.

Mal. 2:17

Kin ngeza Ndo nzi pèc pècèk a tsaval kinè, a kin jhèɗè: Nga ngezaʼa a mè? Aman kin huro: Ko ndo man a gi malai, ambaha Ndo nzi pèc pècèk genè — a wuffè a géɗ nengaʼa genè — man ɓai, Zhiklè a ga na kita azɓai èhèmè?

Luke 10:29

A ndo njèngè ma a nzevi na auda, a ngaɗa na Yèsu: Ndo ga wa? A Yèsu a ngaɗa na:

Jean 15:12

Na haha ma nkwèr man i va kinè: Va-woy va kinè, ngiɗè da woy ngiɗè, ngiɗè da woy ngiɗè a ndav na, lèmèlèmè ara man i woy kinè a ndav ga.

Deutéronome 10:15

Aman Ndo nzi pèc pècèk a ngwodko ndav a sam babhi kinè genè, a woy ta, a mparka ta ndohi te verzi tengaʼa auda – nasa kinè – te ndev ndohi herkeda tèlèba, ara man kin ngotso a patsna.

Deutéronome 23:5

Aman Ndo nzi pèc pècèk, Zhiklè ngaya, a woya a ntsena ma Balaam ɓai, te man Ndo nzi pèc pècèk, Zhiklè ngaya, a woy ka.

Deutéronome 33:3

A vava nengaʼa a woy ndohi herkeda, ndohi nengaʼa nkezlaʼa tèlèba ta te ri nengaʼa; ta nzi a sam sak ngaya, ta cinè ma ngaya.

Deutéronome 4:37

A gèɗ man a woy babhi kinè, a mpar ta ndohi te verzi tengaʼa auda, a nhelka kinè auda te kokwar Egypte, nengaʼa a ri na, a wuɗi nengaʼa mbiaʼa.