Luke 6:49 - Ma Zhiklè

⁴⁹ Aman ndo man a tsenaʼa, a gi arsa azɓai, nengaʼa lèmèlèmè ara ndo man a ramda gi nengaʼa a géɗ wyak, verzia azɓai. A iyam mbiaʼa a hai, a tsi gai, tsam tsam mʼmbeɗa, ngedas sa tèlè.

Mofa New Testament

⁴⁹ Aman ndo man a tsena'a, a gi arsa azɓai, nenga'a lèmèlèmè ara ndo man a ramda gi nenga'a a géƌ wyak, verzia azɓai. A iyam mbia'a a hai, a tsi gai, tsam tsam m'mbèƌa, ngedas sa tèle.

Luke 6:49 ပူးပေါင်းရင်းမြစ်များ

Proverbes 28:18

Ndo man a gi mali azɓai, Zhiklè a takaha. Ndo man a beza zlawa, a kèlèhai.

Ezéchiel 33:31

Te deɓaʼa ta dè a sam ngaya, ta haya a vata, ta nzahi a sam ngaya, ta tsena ma ngaya, aman ta jèjèrèʼa azɓai. Ta cèkèlma, ndav tengaʼa a hér sèi Suli genè.

Osée 4:14

I woy a i gi kita a sam dalahi kine a géɗ mphömè tengaʼa azɓai, a i gi kita a géɗ dalahi ngwozi kinè man ta jèkeda baki ta azɓai, te man ndohi mvi skwi a Zhiklè ta bizhè zlawa a nda fali dalahai, a ta mbèh skwai a nda golahi man ta gi mphömè a nda ta. Ndohi man ta sun maya ɓai ta zi ta.

Matthew 23:3

Skwi tèlèba man ta gaɗa kinè, va-gau, va-dzodzora! Aman kin gu ara man a tenga ɓai! Tengaʼa ta gèɗèʼa a ma genè, aman ta giaʼa azɓai.

Matthew 24:10

Te deɓaʼa skwi a slafadama ta sak a ndohi kumba. Ngidè a da ngrè ngiɗè, ngiɗè a da gi shèwa a ngiɗè.

Marc 4:17

Aman ta ngatsa zluzlor te ndav ta ɓai, wuɗi ta azɓai. Aman matakwan a shkè, a ta paraha ta a géɗ ma Zhiklè, a slafadama ta sak.

Luke 12:47

Aman ɓèlè man a sun skwi man bi na a woyaʼa, a ntila nshèffè na ɓai, a ngu skwi ara bi nengaʼa a ngaɗa ɓai, ta da ndèhaʼa a vata.

Luke 19:14

Aman ndohi kokwar sa, ta gu shèwa a vna. Ta zlinde ta ndohi sak tengaʼa a verzi na, a ta gaɗa: Nga woya nengaʼa a bi nga ɓai!

Luke 19:27

Aman ndohi mayamhi ga, man ta woy iyè a bi tengaʼa ɓai, va-helka ta, va-zlama ta daʼai a sam di ga!

Luke 6:46

Kin bahayè Bai, Bai èhèmè, a kin gi skwi man i gaɗa kinè, azɓai?

Luke 6:48

Nengaʼa lèmèlèmè ara ndo man a rèm gai, a ri vèvèɗ, a pi verzi gi nengaʼa a géɗ pra. A iyam mbiaʼa a hai, a tsi gai, a slaha man a mbeɗè azɓai, te man verzi nengaʼa nra amba.

Luke 7:1

Aman a ndeva ma nengaʼa tèlèba a sam ndohi ma, a mdo a kokwar Capernaum.

Jean 15:2

Ri wof ga staɗ staɗ tèlèba man a yi wuda azɓai, a ngeldaussa. Staɗ staɗ tèlèba man a yi wuda, a sliɗèʼa, aman a yi wuda holholaʼa.

Actes 20:29

Aman i sun a vava, te deɓ man i da jèke kinè a pa ma, kdadihi dak ta da shkè a ndev kinè, a ta jèkeda rèwè azɓai.

Actes 26:11

Te gi njèngè ma Zhiklè tèlèba, i ga ta matakwan kumba. I fa ta gèɗ a wuɗai, i woya man ta dérɗè Zhiklè, a i dzar ta, a i gu shèwa holholea, a ta hu a kokwar ngiɗè, man ta sun ɓai.

1 Thessalonians 3:5

Gar haha i slaha a i ɗishè a ma ma asaɓai, a i zlindè a sam kinè, aman i cinè ma ncè-a-ndav kinè: ndo mpi ndo a wai a pe kinè a wi ɗè, nga gu mizlinè ambali ɗè?

2 Peter 2:20

Te va nasa, a géɗ man ta sun Bi Zhiklè a Ndo mʼmbel ndo Yèsu Kristi, ta mbel ta auda a sam skwi nlizhèʼa tʼherkeda. Aman skwi herkeda ngul a ngul ta macecèwaʼa, te deɓaʼa ta gi ambaɓi holholaʼa, a fena nshèlèkuraʼa.

1 John 2:19

Ta shkè auda te ndev nga, aman ta ndohi nga asa-kaɓai. Aman a matsa ta ndohi nga, ar ta nzi a sam nga. Ta jèke nga, aman a ngrédè auda, ara man ta ndohi nga tèlè asakaɓai.