Luke 6:23 - Ma Zhiklè

²³ A pats nasa va-wuffa, va-nzevau, aman skwi ntul kinè a gi a mbiaʼa te zhiklè. Aman lèmèlèmè babhi tengaʼa ta gu a sam ndohi nhadka ma.

Mofa New Testament

²³ A pats nasa vawuffa, vanzevau, aman skwi ntul kinè a gi a mbia'a te zhiklè. Aman lèmèlèmè babhi tenga'a ta gu a sam ndohi nhadka ma.

Luke 6:23 ပူးပေါင်းရင်းမြစ်များ

II Samuel 6:16

Aman koti Ndo nzi pèc pècèk a mshkè a kokwar David, Mical, dem Saul, a mpu di a nvakavar. Aman a nrka bi David, a nzevai, a gècè a sam Ndo nzi pèc pècèk, a nʼndara na.

I Rois 18:4

Aman Jézabel a mbazl ta ndohi nhadka ma Ndo nzi pèc pècèk, Abdias a mhul ndohi nhadka ma 100, a nʼnghede ta, 50 te slrats za ngiɗè, 50 te slrats za ngiɗè, a mva ta movar a iyam.

I Rois 19:10

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

I Rois 19:14

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

I Rois 19:2

A Jézabel a nzlündo ndo sak a sam Elie, a mʼmenda na: Aman ka, Elie – i ba i Jézabel! Angoslèm a sam aranta, i da keɗe ka lèmèlèmè ara man ka ga ta tengaʼa; man ɓai zhiklè da gay skwi mèmè!

I Rois 21:20

A Achab a ngaɗa na Elie: Ka ndo mayam ga, kashkè a sam gaza ɗè? A Elie a ngaɗa na: I shkè a sam ngaya zaʼa, te man ka zede gèɗ ngaya, a ka gu skwi man ambaha Ndo nzi pèc pècèk ɓai.

I Rois 22:27

va-gaɗa na: Bai a goɗ ar haha: Va-feda ndo haha a dangai! Va-tsaka na skwi nʼndi kèshkata a iyam kèshkata, ha i ndikakaɗa deɓa amba amba.

I Rois 22:8

A bi Israel a ngaɗa na Josaphat: Ndo ngiɗè a zhè dai man nga slaha nga jhèɗè Ndo nzi pèc pècèk a sam na; aman i ndo shèwa nengaʼa, a hodkoy ma mbelaʼa ka ɓai, sèi ma ambaɓiaʼa. Nengaʼa Michée, kra Jimla. A Josaphat a ngaɗa: Bi do goɗ arsa ɓai!

II Rois 6:31

Te deɓaʼa bai a ngaɗa: Zhiklè da gay kèkè, aman a patsna, gèɗ Elisée, kra Shaphath, a nzi a pa azɓai!

II Chroniques 36:16

Aman ta ngwossaha ta ndohi sak Zhiklè, ta kwola ma nengaʼa, ta derde ta ndohi nhadka ma, ha ndav a ndza na Ndo nzi pèc pècèk worworaʼa a géɗ ndohi na, a til azɓai.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Psaumes 58:11

Ndo nzuraʼa a da wuffè a géɗ tengaʼa man ta pil gèɗ, a da pen sak na te pombaz ndohi ambaɓihiaʼa.

Esaie 35:6

Te deɓaʼa ndo vedal a hi ara mènèɗ. Nèʼèn ndo ɓagga a pre na a sli dimèsh. Tʼhèshèkèɗ nlèlè iyam a hi auda, a iyam a tsoko gèɗ auda a tsohi-tsoh.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Matthew 5:12

Va-wuffa, va-gu langlangaʼa, aman skwi ntul kinè a gi a mbiaʼa te zhiklè, te géɗèʼa. Aman ta paraha ta ndohi nhadka ma halaʼa lèmèlèmè.

Luke 1:41

Aman Elisabeth a ntsena mbali Marie, kra tʼhwaɗ a gidè va, a Mèzhèɓ nkezlaʼa a nʼndha ndav Elisabeth.

Luke 1:44

Na haha, man i tsena mbali ngaya te zlembaɗ ga, ambaha kra ntʼhwaɗ ga, a wuffè, a gidè va.

Luke 6:35

Aman va-woy ndohi mayamhi kinè, va-gu skwi man amba, vava ta skwi a nslembelom a ndohi man kin hur ɓai, nga ngècè mbiaʼa a deɓa. A skwi ntul kinè a gi a mbiaʼa te zhiklè, a ta da baha kinè wudahi Zhiklè te géɗèʼa. Ndohi man ta shid gèɗ azɓai, a ndohi ambaɓihiaʼa ta si Zhiklè te va genè.

Actes 14:10

Slambaɗa, zlatsa a sak ngaya! A nengaʼa a nzevau, a ndè.

Actes 3:8

A nasa nasa sak nengaʼa a vatasl nengaʼa nshfa, a nzevau, a ndè. A mdo a gi Zhiklè a nda tengaʼa, a mhau, a nslubordo Zhiklè.

Actes 5:41

A ndohi sak to do auda a sam ncèmma a mwuffe, a gèɗ man ta slaha a ta si matakwan a nzlembaɗ Yèsu.

Romans 5:3

A va zaʼa: Nga-wuffokoya a géɗ skwi mwuɗitpa, te man nga suna, skwi mwuɗitpa a gi aman nga zhèr skwia dai.

2 Corinthians 12:10

Gar haha ndav ga langlangaʼa a sam man wuɗi ga azɓai, a sam man ta derɗyè, a sam matakwan, a sam man ta parahayè, a sam skwi mwuɗitpa a géɗ Kristi. Man wuɗi ga azɓai, wuɗi Kristi a zhè.

Colossiens 1:24

Anai i wuffè te matakwan man i si a géɗ kinè. A matakwan Kristi, man az tèlè di ɓai, i rufa te va ga, a géɗ mpi ndohi Zhiklè, va nengaʼa.

2 Timothy 2:12

Aman nga zhèr skwi a ma ma, nga da gi bai a nda nengaʼa. Aman nga gaɗa: nga sun nengaʼa ɓai, nengaʼa ba a di a gaɗa: i sen kinè ɓai.

Hébreux 11:26

A nrka skwi ndzi a géɗ Kristi ara skwi mbiaʼa, a fena skwi mèshèlè te kokwar Egypte tèlèba, te man a mpu di a skwi ntulè man a ma, man a da ngècè te deɓaʼa.

Hébreux 11:6

Aman ndo man a nca a ndav ɓai, ambaha Zhiklè ɓai. Ko wawa man a herda na va a Zhiklè, sèi do co a ndav na, Zhiklè a zhè, a va ta skwi ntul ta a tengahiaʼa man ta hèshèʼa.

Jacques 1:2

Dalahimam ga, aman skwi tsaɗ tsaɗ a pe kinè a wai, va-rka ara mwuffè genè!

1 Peter 4:13

Aman va-wuffa, te man kin si matakwan a nda Kristi, aman a pats nda gudko va a nʼnjèl nengaʼa, kin da wuffè a kin gi langlangaʼa.

Apocalypse 2:17

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, i woya man i da va na manna nʼnghedaʼa, a i woya man i va na kwa nslekaɗaʼa, a deɓ kwa sa nzlembaɗ ngiɗè mɓuaʼa a zhè, ndo ngiɗè a sun nengaʼa ɓai, sèi nengaʼa man a ngots kwaʼa.

Apocalypse 2:26

A ndo man nʼngaʼa a ngulaʼa, a ɓir mizlinè ga, ha ndikèma na, i woy a i va na wuɗi-bai a géɗ ndohi herkeda.

Apocalypse 2:7

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, a da ndi wof nshèffè man a zhè a sam Bi Zhiklè mbelaʼa.

Apocalypse 21:7

Ndo man nʼngaʼa a ngulaʼa, a da ndi skwi haha tèlèba. Iyè, Zhiklè na, a nengaʼa kra ga.

Apocalypse 3:12

Ndo man nʼngaʼa a ngulaʼa, i woy a i giaʼa a sak gi Zhiklè ga, a dè auda te deɓaʼa azɓai, a i woy a i windè a va nengaʼa: nzlembaɗ Bi Zhiklè ga, a nzlembaɗ kokwar mbiaʼa a Zhiklè ga, Jérusalem mɓuaʼa, man a shkèhai te zhiklè, a sam Bi Zhiklè ga. A i windè nzlembaɗ ga mɓuaʼa a pa.

Apocalypse 3:5

Ndo man nʼngaʼa a ngulaʼa, sèi ta va na maslaka nslekaɗaʼa a va. I woya a i gédèshè nzlembaɗ nengaʼa te ɗèlèwèr nshèffè azɓai, a i woya man i ngrédè nzlembaɗ nengaʼa a sam di Bab ga, a sam di golahi nengaʼa ba.