Luke 6:20 - Ma Zhiklè

²⁰ A Yèsu a mpu di a golahi nengaʼa, a ngaɗa: Mwuffe a sam kinè, ndohi ntawassaʼa; aman kokwar Bi Zhiklè a kinè!

Mofa New Testament

²⁰ A Yèsu a mpu di a golahi nenga'a, a ngaƋa: Mwuffè a sam kinè, ndohi ntawassa'a; aman kokwar Bi Zhiklè a kinè!

Luke 6:20 ပူးပေါင်းရင်းမြစ်များ

Psaumes 37:16

Skwi nkèshèa man ndo nzuraʼa a ngotso, a fena skwi mèshèlè ndohi ambaɓihiaʼa man a ndev ɓai.

Proverbes 16:19

Dara man nga manda gèɗ a hai a nda mbelawahai, a géɗ man nga kezla skwi man ndohi nfi va ta ɓüco.

Proverbes 19:1

Dara ndo ntawassaʼa man a dè zuraʼa, a géɗ ndo mèshèlè man ma nengaʼa ndzaraʼa.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Sophonie 3:12

Aman i da jèkeda te va kinè ndohi man ta manda gèɗ a hai, ta az a vata ɓai, man ta fu nzlembaɗ Ndo nzi pèc pècèk a skwi mʼmbél ta.

Zacharie 11:11

Mpraʼa a pats nasa. A ndohi nwèr tambakihai man ta pu di a iyè, ta suna, ma Ndo nzi pèc pècèk a ngau.

Matthew 11:5

mandazlihi ta rka dai, ndohi vedal ta dè a sak ta, ndohi hutsoɗ ta suɗ ta, ndaɓazlamhai ta tsena zlembaɗ, ndohi mʼmetsaʼa ta slambaɗ ta. Ma mbelaʼa, ta njè a sam ndohi ntawassaʼa.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Matthew 5:1

Mrke nhèyè ndo, a nteva a géɗ za, a nʼnzahai, a golahi nengaʼa ta herde va a sam na.

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Luke 13:28

Te deɓaʼa kin kuɗai, a kin peɗi zlèʼèn. A kin da rka Abraham, a Isaac, a Jacob, a ndohi nhadka ma te kokwar Bi Zhiklè. A kinè, ta dzam kinè auda.

Luke 14:15

Aman ndo ngiɗè man ta nza a sam skwi nʼndi a vna, a ntsena ma haha, a ngaɗa na: Mwuffè a sam ndo man a ndi movar te kokwar Bi Zhiklè!

Luke 16:25

Abraham a ngaɗa na: Huro, a kra ga, te va man ka zhè a géɗ herkeda, ka ngots skwi ngaya man amba, a Lazare a nʼngots skwi man ambaɓai. Antanta ta bidèʼa a haha, a skwi mwuɗitpa a ga ka.

Luke 4:18

Mèzhèɓ Bai a géɗ ga; nengaʼa a faɗayè mbar a gèɗ, man i njè ta ma mbelaʼa a ndohi ntawassaʼa. A nzlindekayè (man i bid ta ndohi man ndav ta a kuɗai,) a i njè ta ndohi dangai, ta pra ma,

Actes 14:22

a ta va ta wuɗi a golahi Yèsu, a ta bid ta, aman ta nzi taraʼa te ncè-a-ndav tengaʼa. Ta gaɗa, sèi nga bi-zhè a ndev skwi man wuɗitpa kumba, ga nga dè a kokwar Bi Zhiklè.

2 Corinthians 6:10

Nga ndohi man nga kuɗai, aman nga wuffè pèc pècèk ba. Nga ndohi ntawassaʼa, aman nga ga ta ndohi kumba a ndohi mèshèlè genè. Nga ndohi man nga ngatsa skwi ɓi fèt, aman skwi tèlè a nga genè.

2 Corinthians 8:2

Ko ta te ndev matakwan kumba, ta wuffè holholaʼa gènè. Ko ta tawassa kumba, ta vau skwi a vata, a ndav nzuraʼa.

2 Corinthians 8:9

Aman kin sun pombi Bi nga Yèsu Kristi, ko nengaʼa ndo mèshèlè, a nʼnde na a ndo ntawassaʼa, a géɗ kinè, a géɗ man te ntèwèshè nengaʼa kin ndi a ndohi mèshèlè.

1 Thessalonians 1:6

A kin lèmdè va kinè a nga, a Bai Yèsu. A kin co ma mbelaʼa te va man matakwan a zhè, a kin wuffa te Mèzhèɓ Zhiklè nkezlaʼa.

2 Thessalonians 1:5

Antanta kita nzuraʼa man a Zhiklè a nʼngreda auda. Amba aman kin ngècè kokwar-Bi Zhiklè, a géɗ nengaʼa man kin si matakwan.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

Apocalypse 2:9

I sun matakwan ngaya a ntèwèshè ngaya; aman ka ndo mèshèlè genè. I sun ndohi man ta derɗe ka, man ta gaɗa, nga ndohi Juif, aman ta ndohi Juif ka ɓai, ta ndohi gi njèngè ma Sadan.

I Samuel 2:8

Mbelaw ndo a ftkoɗauda te mèrwèc, ndo ntawassaʼa a ckoɗauda te va koskosai, aman a nʼnzede ta a va bihai, a va ta sam nʼnzi bi mbiaʼa. Aman skwi ngshè verzi herkeda, a Ndo nzi pèc pècèk. A nfa na herkeda a gèɗ.