Luke 18:14 - Ma Zhiklè

¹⁴ I gaɗa kinè: Nengaʼa a nʼndo ngwai a ndo nzuraʼa, nara ngiɗè ka ɓai. Ndo man a gre gèɗ na a ri na, ta manda na gèɗ a hai. Ndo man a manda gèɗ na a hai a ri na, ta da slambaɗda na gèɗ.

Mofa New Testament

¹⁴ I gaƌa kinè: Nenga'a a n'ndo ngwai a ndo nzura'a, nara ngiƌè ka ɓai. Ndo man a grè gèƌ naari na, ta manda na gèƌ a hai. Ndo man a manda gèƌ na a hai a ri na, ta da slambaƌda na gèƌ.

Luke 18:14 ပူးပေါင်းရင်းမြစ်များ

Job 22:29

A manda ta gèɗ a hi a ndohi nfi va; ndohi man ta kalda di ta a hai, a takaha ta.

Job 25:4

Ndo a slaha a nzi zuraʼa a sam di Zhiklè dè? Ndo man ngwoz a myau, ndzuwoɗaɗaʼa dè?

Job 9:20

Ko man i goɗ a nzuraʼa, ma ga a ngwodkoy va a gèɗ, a mfokoy mai i a gèɗ, ko i ga mai i ɓai.

Psaumes 138:6

Ndo nzi pèc pècèk a zhè te géɗèʼa, a paka di a hai, ko dra, a sen ta ndohi nfi va.

Psaumes 143:2

Iyè, ɓèl ngaya, ka diyè a kita ɓai! Te man te va ndohi man ta zhè a nshèffè, ndo man zuraʼa a sam di ngaya azɓai.

Exode 18:11

Anai i suna, Ndo nzi pèc pècèk mbiaʼa, a fena zhiklèhi ngiɗè tèlèba. A géɗ man ndohi Egypte ta gra gèɗ ta aranta, a mpre ta ndohi auda te ri ta.

Proverbes 15:33

Zlau Ndo nzi pèc pècèk, sam man ta slebi maya a pa; ga ndo a ngècè nʼnjèlè, sèi a manda gèɗ a hi dai.

Proverbes 18:12

Ndo a fi va na di ba, ga a kèlèhai; aman ndo a manda gèɗ a hai, a ngècè nʼnjèlè.

Proverbes 25:7

Dara man ta gada ka: Washkè a ma! a géɗ man ta menda ka a deɓa a sam nʼnzi te deɓa, a sam di bai.

Proverbes 29:23

Nfi va a da manda na gèɗ a hi a ndo nfi va; aman ndo man a manda gèɗ a hi a ngècè nʼnjèlè.

Proverbes 3:34

A ngwossaha ta ndohi man ta ngwossaha, aman a va ta pombai a ndohi mʼmanda gèɗ ta a hai.

Ecclésiaste 9:7

Do, ndu movar ngaya te mwuffe genè, su zom ngaya a dimèsh a ma genè, te man skwi man ka giaʼa ambaha Zhiklè mènè!

Esaie 45:25

Ndohi te verzi Israel tèlèba ta da gi a ngul ndo-hai, a ta wuffè a géɗ Ndo nzi pèc pècèk.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Habakuk 2:4

Nengaʼa ndo nzura ka ɓai, ndo nfi va; aman ndo nzuraʼa, nengaʼa a nzi a nshèf-fè a géɗ ncè-a-ndav.

Matthew 23:12

Ko wawa man a woya a ngrè gèɗ na a ri na, ta da manda na gèɗ a hai. Ko wawa man a manda gèɗ na a hai a ri na, ta da slambaɗda na gèɗ.

Matthew 5:3

Mwuffè a sam tengaʼa man ndohi ngiɗè ta sla ta ndohi ntawassaʼa te maya.

Luke 1:52

A nhelka ta ndohi mbibihiaʼa auda a sam nʼnzi bi ta, a nslambaɗda ta gèɗ a ndohi man ta manda gèɗ ta a hai.

Luke 10:29

A ndo njèngè ma a nzevi na auda, a ngaɗa na Yèsu: Ndo ga wa? A Yèsu a ngaɗa na:

Luke 14:11

Aman ko wawa man a grè gèɗ na a ri na, ta manda na gèɗ a hai. Ko wawa man a manda gèɗ na a hi a ri na, ta da slambaɗda na gèɗ na.

Luke 16:15

A ngaɗa ta: Kinè ndohi man kin tsoko gèɗ kinè auda a ri kinè, a kin gaɗa: nga ndohi nzuraʼa. Aman Zhiklè a sun ndav kinè. Skwi man ndohi ta fu a skwi mbiaʼa, a ndara na Zhiklè.

Romans 3:20

Gar haha a njèjèr ma kita Zhiklè, ndo a slaha a ndi a ndo nzuraʼa a sam di Zhiklè azɓai. Te ma kita Zhiklè, ndo a sun mali genè.

Romans 4:5

Aman ndo man a gi skwi ngiɗè azɓai, sèi a cè nengaʼa a ndav man a ge ta ndohi nderɗe Zhiklè a ndohi nzuraʼa, Zhiklè a fi a ndo nzuraʼa, a géɗ ncè-a-ndav nengaʼa.

Romans 5:1

Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.

Romans 8:33

Nwoya man a pin ta ndohi man Zhiklè a mpar ta wa? Zhiklè, nengaʼa a nge ta a ndohi nzuraʼa.

Galates 2:16

Aman nga suna, ndo a ngècè ngi-zuraʼa azɓai a géɗ man a jèjèr ma kita Zhiklè, aman a géɗ man a cè Yèsu Kristi a ndav. Nga ba nga co Yèsu Kristi a ndav, aman nga ba nga ngots ngi-zuraʼa a géɗ ncè Kristi a ndav, a géɗ nfi gèɗ a ma kita Zhiklè ka ɓai. Te ma kita Zhiklè ndo a ngècè ngi-zuraʼa asaɓai.

Jacques 4:10

Va-manda gèɗ kinè a hai a sam di Bi Zhiklè, a nengaʼa a di a slambaɗda kinè gèɗ.

Jacques 4:6

Aman pombi man a va nga, mbiaʼa holholaʼa genè. Ɗèlèwèr Zhiklè a gaɗa: Zhiklè a sassaya ndav a sam ndohi nfi va, aman a va ta pombai a ndohi mʼmanda gèɗ ta a hai.

I Samuel 1:18

A nengaʼa a ngaɗa: ɓel ngaya da ngots pombai a sam di ngaya! A mdo na, a ndi skwi ma, a nsassaya di na.