Luke 15:22 - Ma Zhiklè

²² Aman bab nengaʼa a ngaɗa ta ɓèlèlihi nengaʼa: Va-ckoɗi maslaka mbelaʼa, va-va na a va. Va-va na tèslri a rai, a kin pa na kotokoroh a sak!

Mofa New Testament

²² Aman bab nenga'a a ngaƋa ta ɓèlèlihi nenga'a: VockoƋi maslaka mbela'a, vava na a va. Vava na tèslri a rai, a kin pa na kotokoroh a sak!

Luke 15:22 ပူးပေါင်းရင်းမြစ်များ

Genèse 41:42

A Pharaon a ncko tèslri auda te ri na, a mva na a ri a Joseph, a mva na maslaka bata a va, a skwi daʼai guro.

Esther 3:10

A bai a nsuɗko tèslri nengaʼa auda te rai, a mva na Haman, kra Hammedatha, ndo Agag, ndo mayam ndohi Juif.

Esther 8:2

A bai a nco tèslri, man a suɗama na auda te ri Haman, a mva na Mardochée. Esther a nʼnga Mardochée a bi ndohi gi Haman.

Psaumes 132:16

A ndohi mvi skwi a Zhiklè i da va ta skwi mʼmbel ndo ara maslaka a va, a ndohi nengaʼa ta hèzlèwè a mwuffè.

Psaumes 132:9

Ndohi mvi skwi a Zhiklè da pu ngi-zuraʼa a va ara maslaka, ndohi ngaya da wuffa!

Psaumes 18:33

Zhiklè man a vay wuɗi a va, man a lèmdè civèɗ ga saraʼa,

Psaumes 45:13

A ndohi Tyr ta da shkè a skwi mbali te rai, ndohi mèshèlè mbibihiaʼa te kokwar ta da shkè a ta woy a ta gaɗaha bai.

Cantique des Cantiques 7:1

Dem Sulam, washkè a deɓa, wash-kè a deɓa! Men ngaya a deɓa, a nga pi di a va! Kin pi di a dem Sulam man a gècè a mbedi sak èhèmè?

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Luke 15:21

A kra nengaʼa a ngaɗa na: Bab ga, i gu malai a sam Zhiklè, a sam ngaya. Ani haha ka bahayè kra ngaya ɓai!

Luke 15:23

Va-ckoɗi kra-zlè ngraʼa, va-keɗaʼa, ngo-ndokoya, ngo-wuffokoya!

Romans 13:14

Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Romans 8:15

Aman kin ngatsa Mèzhèɓ man a ga kinè ɓèlè ɓai, a kin gi zlau. Aman kin ngotso Mèzhèɓ man a ndeda kinè a wudahi Zhiklè man kin baha na Zhiklè: Abba, Bab nga!

Galates 3:27

Ara man ko wawa te ndev kinè a ngu baptême te Kristi, nara man kin feda Kristi a va.

Ephésiens 6:15

Kotokoroh te sak kinè, nasa ndè a ma mbelaʼa te gumai.

Deutéronome 33:25

Da ɓara kokwar nengaʼa a züdo a ver-zhègenè, wuɗi nengaʼa da zhè a pats nshèffè nengaʼa tèlèba.

Apocalypse 19:8

A ta va na maslaka bata mbelaʼa nslekaɗaʼa, aman a mvi a va. Maslaka bata mbelaʼa sa, mizlinè nzuraʼa man ndohi Zhiklè ta gau.

Apocalypse 2:17

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, i woya man i da va na manna nʼnghedaʼa, a i woya man i va na kwa nslekaɗaʼa, a deɓ kwa sa nzlembaɗ ngiɗè mɓuaʼa a zhè, ndo ngiɗè a sun nengaʼa ɓai, sèi nengaʼa man a ngots kwaʼa.

Apocalypse 3:18

I gaɗa ka ma maya staɗ: sèi ka shum guro man vogwa a mwoslaʼa, a ka ndi a ndo mèshèlè; a ka shum maslaka nslekaɗaʼa, a ka feda a va, a hori ngaya man ka adai a gidè auda azɓai; a ka shum madzaf dai, a ka da geda a di ngaya, a ka rka di zuraʼa.

Apocalypse 6:11

A ta va ta maslaka nslekaɗaʼa staɗ staɗ, a ta gaɗa ta aman ta nzi kètè dai, ha ɓèlèlihi ngiɗè a kramamhi tengaʼa ngiɗè ba man sèi ta da bazl ta dai, ara tengaʼa.

Apocalypse 7:9

Te deɓaʼa i rka nhèyè ndo mbiaʼa, ndo a slaha a nʼngrè ɓai, te va ndohi herkeda, a ndohi kokwar, a gerzi ndohai, a daʼai ta tsaɗ tsaɗ tèlèba, ta zlatsa a ma sam nʼnzi bai, a ma kra tambak, a maslaka nslekaɗa a va, a vah gangar te rai,