Luke 13:34 - Ma Zhiklè

³⁴ Jérusalem, Jérusalem, man ka bazl ta ndohi nhadka ma, a ka kal ta ndohi man Zhiklè a zlinde ta a sam ngaya, a kwa! Sak ngama, man i woy a i ɓic ta wudahi ngaya a sam ga, ara wotsak man a ɓic ta wudahi na a hwaɗ kelpasl na. A kin woya ɓai.

Mofa New Testament

³⁴ Jérusalem, Jérusalem, man ka bazl ta ndohi nhadka ma, a ka kal ta ndohi man Zhiklè a zlinde ta a sam ngaya, a kwa! Sak ngama, man i woy a i ɓic ta wudani ngaya a sam ga, ara wotsak man a ɓic ta wudahi na a hwaƋ kelpasl na. A kin woya ɓai.

Luke 13:34 ပူးပေါင်းရင်းမြစ်များ

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Néhémie 9:30

Mvi kumba ka zhèrè genè, ka zhèrè genè, ka ngatsa ta maya a Mèzhèɓ ngaya, te ma ndohi nhadka ma, aman ta tsena ɓai. Te deɓaʼa ka pe ta a ri ndohi herkeda ngiɗè.

Psaumes 149:2

Israel da wuffa a géɗ ndo nʼngau, ndohi Sion sèi ta wuffè a géɗ bi tengaʼa.

Psaumes 17:8

Ɓeryè ara man ka ɓer iyam di ngaya, nghedyè a hwaɗ kelpasl ngaya,

Psaumes 36:7

Ngi-zura ngaya nara zahi Zhiklè, kita ngaya nara iyam mbiaʼa. Ndo nzi pèc pècèk, ka takaha ta ndohai, ka takaha ta skwi ndzhamhai.

Psaumes 57:1

Dimèsh mpi ndav a Zhiklè. Man a David, a pats man a nʼnghede va na a gi za, a géɗ Saul.

Psaumes 81:13

A i jèke ta a ri a ndav tengaʼa nsassa-yaʼa, a ta dzodzor civèɗ ara man ndav ta a woyaʼa.

Psaumes 91:4

A nghede ka a hwaɗ kelpasl nengaʼa, a ka nzi a hwaɗ ri nengaʼa ara man a sam nlèaʼa. Pombi nengaʼa nara slarba a gambar.

Esaie 30:15

Gar haha Ndo nzi pèc pècèk, Zhiklè Israel nkezlaʼa, a goɗ aranta: Aman kin menkaɗa deɓa a kin nza, kin da mbél kinè. Aman kin nzi tètèʼa, a kin pi ndav a Zhiklè, kin ngècè wuɗai; aman kin woya ɓai,

Esaie 50:2

Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 26:23

Ta ckoɗi Urie auda te kokwar Egypte, a ta daʼa a sam bi Jojakim, a nengaʼa a nkeɗaʼa a tsakwal, a nkalda nckondo nengaʼa a vèvèɗ ndohi kokwar.

Jérémie 35:14

Ta co ma Jonadab, te verzi Recab, man a njè ta a gèɗ a wudahi na, da sau zom ɓai, a ta sa ɓai ha patsna, a géɗ man ta tsena ma man bab ta a njè ta a gèɗ. A iyè, i gaɗa kinè, i wurra na va a prèk te gai, aman kin tsena ma ga ɓai.

Jérémie 35:17

Gar haha Zhiklè bi mbiaʼa, Zhiklè Israel, a ngaɗa: Anai i zlinda kinè matakwan tèlèba man i goɗ a géɗèʼa, a kokwar Juda, a ndohi kokwar Jérusalem tèlèba; te man i gaɗa ta, a ta tsena ɓai; i baha ta, a ta mbeɗay a ma ɓai.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Lamentations de Jérémie 1:16

I kuɗi a géɗ nengaʼa, kuɗa a pay a dai; aman ndo mbidyè, ndo ntaslyè, dra a sam ga. Wudahi ga ta gedas ta, aman ndo mayam a nfa nga a gèɗ.

Lamentations de Jérémie 4:13

Skwi haha a ngau a géɗ mali ndohi nhadka ma, a géɗ mphömè ndohi mvi skwi a Zhiklè, man ta bazl ta ndohi nzuraʼa a sam ta.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Joel 2:23

Kinè wudahi Sion, va-wuffa, va-gu langlangaʼa a géɗ Ndo nzi pèc pècèk, Zhiklè kinè, aman nengaʼa a va kinè skwi nʼndai a kin mbel kinè; a nzlinda kinè iyam, a iyam nzlekai a iyam ntil skwai ara zlèzlèa.

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Matthew 22:3

A nzlinde ta ɓèlèlihi nengaʼa, a ta baha ta mandalahi nengaʼa a sam ngolala. Aman ta woya ta shkè ɓai.

Matthew 22:6

Njèkèdiaʼa ta por ɓèlèlihi nengaʼa, ta ga ta skwi ambaɓi tsaɗ tsaɗ, a ta bazl ta.

Luke 15:28

A kramam nengaʼa a ngu ndav, a woya a ndè a sama ɓai. A bab nengaʼa a ndo a sam na, a ntsa na rai.

Luke 19:44

a ta ɓazl kinè a nda wudahi ngaya, ko kwa staɗ a nzi a géɗ ngiɗè azɓai; te man a pats man Zhiklè a ndo a sam ngaya, ka sun ɓai.

Luke 23:28

A Yèsu a nʼngwoda ta rpa, a ngaɗa ta: Dalahi Jérusalem, kin kuɗau a géɗ ga ɓai, aman va-kudau a géɗ kinè, a géɗ wudahi kinè!

Actes 7:52

Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzuraʼa. Aman kinè, ndohi man kin ga na ri a gèɗ, a kin keɗaʼa.

Actes 7:59

A ta kol Etienne a kwa. Aman nengaʼa a mboho: Bai Yèsu, co mèzhèɓ ga!

Actes 8:1

A pats nasa ta hüno a ta dzar ta mpi ndohi Zhiklè te kokwar Jérusalem, a ta venda gèɗ ta a kokwar Judée a Samarie tèlèba. Sèi ndohi sak ta ksar ta bai.

Deutéronome 32:29

Aman agassa maya ta zhè, ar ta tsena skwi haha, a ta sun skwi man ta ngècè te deɓaʼa.

Deutéronome 5:29

Ar a woya ndav tengaʼa ba a goɗ arsa, a ta gi zlau ga pèc pècèk, a ta jèjèr ma nkwèr ga tèlèba pèc pècèk, a tengaʼa, a wudahi tengaʼa, ta nzi amba amba a mèdèp.

Apocalypse 11:8

A ta jèkeda nckondohi tengaʼa a dal kokwar mbiaʼa, man ta baha na a ma Zhiklè: Sodome a Egypte, a sam man ta gezlala Bi tengaʼa ba a pa.

Ruth 2:12

Ndo nzi pèc pècèk, Zhiklè Israel, man ka shkè a sam na, a ka nzi a hwaɗ kelpasl nengaʼa, da pela ka skwi man ka gau a skwi man amba zuraʼa.