Luke 10:20 - Ma Zhiklè

²⁰ Aman kin wuffa ɓai, a gèɗ man mèzhèɓhi ambaɓihiaʼa ta tsena ma kinè; aman va-wuffa, a gèɗ man nzlembaɗ kinè mwindèʼa te zhiklè.

Mofa New Testament

²⁰ Aman kin wuffa ɓai, a géƌ man mèzhèɓhi ambaɓihia'a ta tsena ma kinè; aman vawuffa, a géƌ man nzlembaƌ kinè mwinƋè'a te zhiklè.

Luke 10:20 ပူးပေါင်းရင်းမြစ်များ

Psaumes 69:28

Ngra mali tengaʼa a gèɗ a ma ma, da ngots skwi mʼmbel ndo ngaya ɓai!

Exode 32:32

Dara ka pra ta mali tengaʼa; man bai gedassa nzlembaɗ ga te dèlèwèr ngaya man ka Windo.

Esaie 4:3

Te deɓaʼa ko wawa man a zhè a nshèffè te Sion dai, tèlèba man ta jè-kaha va te Jérusalem, ta da baha ta ndohi nkezlaʼa, ko wawa man ta windo nzlem-baɗ ta man ta zhè a nshèffè te Jérusalem.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Ezéchiel 13:9

I tara ta ri a di a ndohi nhadka ma man ta rka skwi nʼngwèdè ndo, a ta hadka ncèkèlma. Sèi da nza a va mpi ndohi ga asaɓai! Da winda ta a ɗèlèwèr a va ndohi Israel asaɓai! Da shkè a deɓa a kokwar Israel asaɓai, a kin da suna, i Bi Zhiklè Ndo nzi pèc pècèk.

Daniel 12:1

Te ndev nasa, Micael, bigol Zhiklè mbiaʼa, a da slèmbèɗè, aman a takaha ta ndohi te verzi man a ngaya. A gi a pats matakwan mbiaʼa, ntar sa azɓai daga nhinkaɗ ndohai, ha pats sa. A pats nasa ndohi ngaya ta da mbel ta, ta tèlèba man nzlembaɗ tengaʼa mwindèa te ɗèlèwèr nshèffè.

Matthew 10:1

Yèsu a mbaha ta golahi nengaʼa 12 a sam na, a mva ta wuɗai a géɗ mèzhèɓhi ambaɓihiaʼa, aman ta dzar ta auda, aman ta mbel ta ndohi te matakwan a skwi ndzi tsaɗ tsaɗ tèlèba.

Matthew 26:24

Kra-ndo a dè na ara man ta Windo te ɗèlèwèr Zhiklè a géɗ nengaʼa; aman Woba ndo man a ga na ri a gèɗ a kra-ndo. Dara man da yoko ɓai.

Matthew 27:5

A nengaʼa a nwushede Suli aussa a gi Zhiklè, a nʼndo na, a nkelawda teɓa a daʼai na, a mʼmets na.

Philippiens 4:3

A vava ka ba, ndo ntakahayè nlèɓèslèa, sèi ka takaha ta ngwozi haha. Ta takahayè a ngi gèjau a géɗ ma mbelaʼa, a nda Clément, a ndohi ntakahayè ngiɗè, man nzlembaɗ ta a zhè te ɗèlèwèr nshèffè.

Hébreux 12:23

a sam mɓicè-va tsuvomhiaʼa, man ta winde ta te zhiklè te géɗèʼa, a sam Bi Zhiklè, man a gi kita a géɗ ndohi tèlèba, a sam mèzhèɓhi ndohi nzuraʼa, nʼngaʼa jèlèlèʼa,

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 17:8

Skwi dak man ka rkaʼa, a zhè a matsa, ani asaɓai, a da skè auda zaʼa te vèvèɗ mpèltemtemaʼa, a da hi na a sam ngedassaʼa, a ndohi a géɗ herkeda ta da rzl ta, ndohi man nzlembaɗ ta mwindèa te ɗèlèwèr nshèffè ɓai, daga nhinkaɗ herkeda, aman ta rka skwi dak ara man a nza, antanta asaɓai, a da zhè zaʼa.

Apocalypse 20:12

A i rka ndohi mʼmetsaʼa, mbibihiaʼa ba a nkèshèhia ba, ta zlatsa a sam nʼnzi bai. A ta winè ɗèlèwèrhi a pa. Ɗèlèwèr ngiɗè, man ta winèʼa, nengaʼa ɗèlèwèr nshèffè; a ta ga ta kita a géɗ ndohi mʼmetsaʼa a géɗ skwi man ta gau, mwindèʼa te ɗèlèwèr-hai.

Apocalypse 20:15

Ndo man ta ngots nzlembaɗ nengaʼa te ɗèlèwèr nshèffè ɓai, ta kalda a vogwa mbiaʼa.

Apocalypse 21:27

Ko skwi nlizhèa, ta da ckoɗa a pa azɓi fèt; ndo man a gi skwi man a ndèrè ndo, ndo ncèkelma, a dè a pa azɓi fèt, aman sèi tengaʼa man ta winde ta a ɗèlèwèr nshèffè kra tambak.

Apocalypse 3:5

Ndo man nʼngaʼa a ngulaʼa, sèi ta va na maslaka nslekaɗaʼa a va. I woya a i gédèshè nzlembaɗ nengaʼa te ɗèlèwèr nshèffè azɓai, a i woya man i ngrédè nzlembaɗ nengaʼa a sam di Bab ga, a sam di golahi nengaʼa ba.