Luke 1:17 - Ma Zhiklè

¹⁷ A nengaʼa a dè a ma Bi Zhiklè te Mèzhèɓ a wuɗi Elie, a ngwodko ndav babgihai a sam wud ta, a gi aman ndohi mèdègèd a ta hér ma ndohi nzuraʼa, a da til ndohi a sam Bi Zhiklè.

Mofa New Testament

¹⁷ A nenga'a a Ƌè a ma Bi Zhiklè te Mèzhèɓ a wuƋi Elie, a ngwodko ndav babgihai a sam wud ta, a gi aman ndohi mèƋègèƋ a ta hér ma ndohi nzura'a, a da til ndohi a sam Bi Zhiklè.

Luke 1:17 ပူးပေါင်းရင်းမြစ်များ

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

I Rois 18:18

A nengaʼa a ngaɗa: I gedassa kokwar Israel ɓai; aman kinè a ndohi ngaya, a géɗ man kin jèkeda ma nkwèr Ndo nzi pèc pècèk, a kin dzodzor Baalhai.

I Rois 21:20

A Achab a ngaɗa na Elie: Ka ndo mayam ga, kashkè a sam gaza ɗè? A Elie a ngaɗa na: I shkè a sam ngaya zaʼa, te man ka zede gèɗ ngaya, a ka gu skwi man ambaha Ndo nzi pèc pècèk ɓai.

II Rois 1:16

A Elie a ngaɗa na: Ndo nzi pèc pècèk a goɗ ar haha: A géɗ man ka zlündo ndohi sak a ta dè njhèdè Baal-Zebub, zhiklè Ekron (Zhiklè te Israel azɓi dè, aman ka jhèɗè ma a sam nengaʼa?) ka da slèmbèɗè auda te matakwan ngaya haha azbai, sèi ka metsi ngaya.

I Chroniques 29:18

Ndo nzi pèc pècèk, Zhiklè Abraham, Isaac a Israel, babhi nga, ɓür ndav ndohi ngaya, a ta hérè ar haha pèc pècèk. Ngalda ndav ta a sam ngaya!

II Chroniques 29:36

Ezéchias a ndohi tèlèba ta wuf-fè a gèɗ man Zhiklè a ntila ndav ndohai, a ta woya arsa, a ta gu arsa tsam-tsam.

Psaumes 10:17

Ndo nzi pèc pècèk, ka tsena ntsi ri ndohi man mpataka ngaya a keɗ ta. Ka pa ta a pa a ndav. Ka fi zlembaɗ,

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 78:8

a ta gi azɓai ara babhi tengaʼa man ta gu mèdègèɗ a ta tsena gèɗ ɓai, verzi ndohi man ta mana ndav ta ɓai, man mèzhèɓ tengaʼa nlèɓèslèa a sam Zhiklè ɓai.

Esaie 29:24

Ndohi man ta zlak ta te nhér gèɗ ta, di tengaʼa a da win na, a tengaʼa man ta gu ndzoan ngodzo-ngodzoʼa ta cè skwi man ndohi ta slebda ta.

Amos 4:12

A géɗ nengaʼa i woy a i ga ka skwi haha, Israel. A géɗ man i da ga ka skwi haha, tila ndav ngaya, Israel, a kin da zli gèɗ a Zhiklè ngaya!

Matthew 11:14

Aman kin woy a kin cèʼa, nengaʼa Elie man ta gaɗa a di a shkè.

Matthew 14:4

aman Jean a ngaɗa na: Ambaɓai aman ko co ngwoz haha!

Matthew 3:3

Nasa Jean, man Esaie, ndo nhadka ma, a goɗ a gédèʼa: Ngèdè ndo ngiɗè man a bèhè tʼhèshèkèɗ: Va-tila civèɗ Bi Zhiklè, va-ga civèɗ nengaʼa saraʼa!

Matthew 3:4

Maslaka Jean, ta tsu a gwots zlugumai, a mʼmana na gèɗ a hi a hutèd. A nʼnda dzarai a vongwom.

Luke 1:16

A da ngwodko ndav wuda Israel kumba a sam Bi Zhiklè tengaʼa.

Luke 1:76

Ka ba, kra ga, ta da baha ka ndo nhadka ma Bi Zhiklè te géɗèʼa, a ka de a ma ma a sam di Bi Zhiklè, aman ka tila na civèɗ,

Jean 1:13

ara man Zhiklè a yeka ta, ara ndo ka ɓai.

Jean 1:34

A i rkaʼa, a i gi malwudai, nengaʼa kra Zhiklè.

Jean 3:28

Kinè a ri kinè ndohi malwuɗihi ga, aman i gaɗa kinè, i Kristi ka ɓai, ta zlindekayè a ma nengaʼa genè.

Actes 10:33

A nasa nasa a i zlündo ndo a sam ngaya, a ka gu amba aman ka shkè. Ani haha nga tèlèba nga ɓica va a sam di Bi Zhiklè, aman nga tsena ma tèlèba man Bi Zhiklè a ngaɗa ka, a ka menda nga.

Romans 9:23

a nʼngreda nʼnjèl nengaʼa mbiaʼa a sam nga man nga sia te va, man a til nga te va nshèlèkurhiaʼa a nʼnjèl na.

Colossiens 1:12

Gar haha va shüd gèɗ a Bab nga, man a til kinè, aman kin slaha a kin ngècè skwi Zhiklè a nda ndohi Zhiklè a sam nhelaʼa.

2 Timothy 2:21

Ndo man a shkè auda te ndev skwi ambaɓiaʼa aranta, a pènè ndav na, nengaʼa a ndi a shiɗèf mbelaʼa, nkezlaʼa, man babgi a slaha a ngi mizlinè a vna, ntila a mizlinè man amba tèlèba.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

1 John 2:28

Anai wudahi ga, va-nza te Yèsu; aman a di a gudko va a dai, nga wuffè a nga ngècè hori a di a sam nengaʼa azɓai.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.

I Samuel 7:5

Samuel a ngaɗa: Va-ɓic ta ndohi Israel tèlèba te kokwar Mitspa! I woy a i tsi ri a Ndo nzi pèc pècèk a gèɗ kinè.