Lèv. 9:3 - Ma Zhiklè

³ A ka gada ta ndohi Israel: Va-hulko mazawal a gèɗ malai, a kra zlè a tambak, cèw ba mvi staɗ, nsuɗekèdekaʼa, va-ndara na Zhiklè,

Lèv. 9:3 ပူးပေါင်းရင်းမြစ်များ

Genèse 37:31

A ta co maslaka Joseph, ta keɗa mazawal, a ta kalda maslaka Joseph a va Pombaz.

Esdras 10:19

Ta gaɗda ma a hai, ta woy a ta kwola ngwozi ta, a ta vi drok staɗ aman ta til mali ta.

Esdras 6:17

Ta va na skwi a Zhiklè, a pats ngolala mwin gi Zhiklè haha: marai 100, drok 200, wud tambaki 400, mazawalhi 12 a gèɗ mali Israel tèlèba, ara nʼngér verzi ndohi Israel 12.

Exode 12:5

Skwi slavslav kata, man mvi stadgenè, ko kra tambak, ko kra ɓok.

Esaie 53:10

Aman Ndo nzi pèc pècèk a woya a nkalda a matakwan. Aman a mvau nshèffè na a skwi mpil gèɗ, a da rka ndohi nte verzi nengaʼa man ta gi kumba; a pats nshèffè nengaʼa ta herda a ma ma; a skwi man Zhiklè a woyaʼa, a da rufa te nengaʼa.

Lèv. 10:16

Aman Moise a hoss mazawal a géɗ malai – na haha, vogwa a nʼndeda ma. A nengaʼa a ngu ndav a géɗ Eleasar a Ithamar, wudahi Aaron njèkèdiaʼa, a ngaɗa:

Lèv. 12:6

Aman pats man a mpana ma, ko a ya nguraʼa, ko a ya demaʼa, do do, da va na kra tambak a ndo mvi skwi a Zhiklè, aman a ndara na Zhiklè, a nkuɗhom staɗ man a gra tok-tok, a ngudokwar staɗ a géɗ malai, a ma gi mbicè-va.

Lèv. 14:10

A pats matsamakaɗaʼa da hul wud droki cèw, suɗekɗekaʼa, a dem tambak, mvi 1, suɗekɗekaʼa, a gufa agoda 6, a mbar htok 1.

Lèv. 16:15

Te deɓaʼa da zloho mazawal a géɗ mali ndohai, a Pombaz nengaʼa da da a deb maslaka, da gu a Pombaz nengaʼa lèmèlèmè ara man a Pombaz marai. Da guceda skwi mpizlè ma koti, a zlazlar koti man a ma.

Lèv. 16:5

Te deɓaʼa da hul mazawalhi cèw a sam mpi ndohi Israel, a géɗ malai, da ndarayè drok.

Lèv. 23:12

A pats man kin geda na gèɗ a nkèl-dau a sam Ndo nzi pèc pècèk, va-va na kra tambak staɗ, nsuɗekɗekaʼa, mvi staɗ, a kin ndara na Zhiklè,

Lèv. 4:23

te deɓaʼa a suna a ngaɗa i gu malai, da vau mazawal nsuɗekɗekaʼa.

Lèv. 4:3

Aman ndo ngu mali sa, ndo mvi skwi a Zhiklè, man ta bada na mbar a gèɗ, a nkalde ta ndohi a malai a vna, da va na gol marai nsuɗekɗekaʼa a Ndo nzi pèc pè-cèk, a géɗ malai man a gau, nasa skwi man a va na Zhiklè a géɗ malai.

Lèv. 9:2

a ngaɗa na Aaron: Cko kra zlè a gèɗ va ngaya, a gèɗ malai, a drok, da ndara na Zhiklè, cèw cèw ba nsuɗekɗekaʼa, a ka va na Ndo nzi pèc pècèk!

Lèv. 9:4

a marai a drok staɗ, nsuɗekɗekaʼa, va-ndara na Zhiklè, a marai a drok staɗ a nshid gèɗ, a kin zlaha na Ndo nzi pèc pècèk, a movar te vaʼa, mbsoma a mbar. Aman a patsna Ndo nzi pèc pècèk a di a gudoko kinè va a dai.

Romans 8:3

Skwi man ma kita Zhiklè a slaha a ngia ɓai, te man wuɗi na azɓai a géɗ ndo, Zhiklè a ngau, aman a zlindkoɗi kra nengaʼa a géɗ malai, a nʼngaʼa lèmèlèmè ara ndo. Zhiklè a phomde mali te ndo;

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,