Lèv. 8:7 - Ma Zhiklè

⁷ A mva na suɗkova a va Aaron, a ndzawa na hwaɗ a skwi deɓa, a mva na sajibèr a va, a mʼmanda Ephod a vaʼa a teɓa nengaʼa.

Lèv. 8:7 ပူးပေါင်းရင်းမြစ်များ

Exode 28:2

A ka ga na maslaka nkezlaʼa a Aaron, kramam ngaya, a nslébèrdè a nʼnjèlè.

Exode 28:4

Maslaka haha sèi ta giaʼa. Maslaka ara limbèt, Ephod, sajibèr, a gadabu maslaka, mpèdè gèɗ, a skwi deɓa. Da ga ta maslaka nkezlahiaʼa a Aaron, kramam ngaya, a wudahi nengaʼa, aman a gi a ndo mvi skwi a Zhiklè.

Exode 28:6

Ephod sèi ta gi a guro, a maslaka mʼmadzaʼa, a nduzoa a vèvèzh, a maslaka ntsentsai, ara ndo man a sun ntsi maslaka a tsiaʼa.

Exode 29:5

Te deɓaʼa a ta shkè a ma gi nkezlaʼa, a ka va na gadabu maslaka a va Aaron, a sajibèr Ephod, a Ephod a maslaka ara limbèt, mana na di maslaka Ephod,

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Ezéchiel 42:14

Aman ndohi mvi skwi a Zhiklè ta dè a pa, da shkè auda a sam nkezlaʼa a sam nʼngalaʼa tʼuda bai, sèi da suɗda maslaka tengaʼa man ta gu mizlinè a vna, auda te gi dai, te man ta kezla. Sèi ta vi maslaka ngiɗè a va, ga ta dè auda a sam ndohai.

Romans 13:14

Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Galates 3:27

Ara man ko wawa te ndev kinè a ngu baptême te Kristi, nara man kin feda Kristi a va.

I Samuel 2:28

A i parka ta te pa, te va ndohi verzi Israel tèlèba, a ta gi mizlinè mvi skwi a Zhiklè a sam ga, a ta shkè a sam ga, a sam mvi skwi a Zhiklè, a ta fi vogwa a skwi man ta ndarayè, a ta fi maslaka Ephod ga a va. A i va ta mizlinè nzlèhè skwi a Zhiklè ndohi Israel tèlèba a ri a ndohi te gi bab ngaya.