Lèv. 7:18 - Ma Zhiklè

¹⁸ Aman te mʼmèn mamakaraʼa ta ndi zluèɗ skwi man ta va na Zhiklè te pombai, ambaha Zhiklè bai. Zhiklè a cè azbai, ndo man a ndau, a ndara na Zhiklè. Ndo man a ndia genè, mali a gèɗ na.

Lèv. 7:18 ပူးပေါင်းရင်းမြစ်များ

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Esaie 65:4

Ndohai man ta nzi a gi dzavihai, a ta mènè a za a vaü, man ta ndi zluèɗ wodala, a skwi nlizhèʼa a zhkè te gandaf ta.

Esaie 66:3

Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Jérémie 14:10

Aranta Ndo nzi pèc pècèk a ngaɗa ta ndohi haha: Ambaha ta aman ta hi auna, ta hi auna, ta hérè a géɗèʼa azɓai. Aman Ndo nzi pèc pècèk a wuffè a géɗ tengaʼa azɓai. A hér mali ta, a ga ta kita a gèɗ mai i ta.

Jérémie 14:12

Ko man ta jèkeda skwi nʼndai, a ta tsi rai, i cinè azɓai. Ko ta ndaray a ta vay skwai, i cè azɓai. I wuffè a géɗ tengaʼa azɓai, sèi i da zede ta a tsakwal, a mai, a gidiɓèr.

Ezéchiel 18:20

Ndo man a gi malai, sèi nengaʼa da mets na. Kra da ngots kita mali bab na, a bab kra da ngots kita mali kra bai. Ndo nzuraʼa da mbel na a géɗ ngi-zuraʼa nengaʼa. Ndo ambaɓiaʼa, skwi ambaɓia nengaʼa da ngwoda na va a gèɗ.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Lèv. 10:17

Skwi man ta vau a géɗ malai, kin ndau a sam nkezlaʼa bi èhèmè? Skwi nkezli nkezlaʼa, Zhiklè a mva kinè, a ncè mali mpi ndohi auda, a ta ngècè skwi mpil gèɗ a sam Ndo nzi pèc pècèk.

Lèv. 10:19

A Aaron a ngaɗa na Moise: Na haha, a patsna ta vau skwi a géɗ malai, a ta ndara na skwi a Zhiklè: Te skwi man a ngayè aranta, a i da ndau te skwi man ta vau a géɗ malai a patsna, ambaha Ndo nzi pèc pècèk dè?

Lèv. 11:41

Skwi nkütkütèa man ta shèwèlè a géɗ herkeda tèlèba, da ndara kinè. Kin ndau bai!

Lèv. 17:16

Aman a pènè maslaka na azbai, a pènè va na azbai, mali a gèɗ na.

Lèv. 19:5

Aman kin va na skwi a Zhiklè te nshid gèɗ, sèi kin zlahaʼa, aman Zhiklè a wuffè a géɗèʼa.

Lèv. 20:17

Ndo man a cè dem bab na a ngwoz, man bai dem mam na man a ya na ndo ngiɗè, a mènè a vna, skwi horai. Sèi ta zedka ta cèw ba auda a sam di gwoli ta. Nengaʼa a mʼmana a va demam na, a fa mali a gèɗ na.

Lèv. 20:19

Ka mana na va demam mam ngaya a demam bab ngaya bai, man bai ka derɗa gwoli na, mali a gèɗ na.

Lèv. 22:16

Man bai ta fi mali a kita a gèɗ ta, man ta ndi skwi tengaʼa nkezlaʼa. Aman iyè, Ndo nzi pèc pècèk, man i ga ta a ndohi nkezlaʼa.

Lèv. 22:23

Zlè a tambak man fiyaʼa nlèmda ɓai, ka slaha ka vi aman ka hur te ndav ngaya; aman ka slaha ka vi azbai a géɗ man ka gaɗdahai; ambaha Zhiklè bai.

Lèv. 22:25

Kin sum skwi arsa te ri ndohi mbrokihi bai a kin va na Zhiklè kinè a movar. Skwi man nsuɗekɗekaʼa ka bai, Zhiklè a wuffè a géɗ nengaʼa azbai.

Lèv. 5:17

Ko wawa man a gi malai, a ntawaɗaha ma nkwèr Ndo nzi pèc pècèk, nsenaha bai, a ngau skwi ambaɓiaʼa, mali a gèɗ na.

Lèv. 7:19

Ko zluèɗ man ta humda a skwi nlizhèa, ta slaha ta ndi azbai, sèi ta fa na vogwa. Ko wawa man ndav na nlizhèɓai, a slaha a nʼndi zluèɗ.

Amos 5:22

Aman kin ndaray skwai, i wuffè a géɗ skwi man kin vayè azɓai. A i pi di a mari man kin zlayè a nshid gèɗ azɓai.

Mal. 1:10

Dara kin pizlè ntamagi Zhiklè, a kin vècè vog-wa a sam mvi skwi a Zhiklè ambali azɓai. I wuffè a géɗ kinè azɓai, Zhiklè ndohi var a gaɗa. A skwi man kin vokoy te ri kinè, nʼngay ɓai.

Mal. 1:13

A kin gaɗa: Ayah! A keɗa nga va a hai! A kin derɗyè, Zhiklè bi mbiaʼa a gaɗa. Kin cko skwi man kin hul a metsar, skwi man sak mpasla, skwi nhezakaʼa a kin vayè, a i cè te ri kinè a pombi ɗè? Zhiklè bi mbiaʼa a gaɗa.

Nombres 18:27

A skwi man kin cè auda, a gi a dau man ta vi a hedak, a nyi wof te klok.

Luke 16:15

A ngaɗa ta: Kinè ndohi man kin tsoko gèɗ kinè auda a ri kinè, a kin gaɗa: nga ndohi nzuraʼa. Aman Zhiklè a sun ndav kinè. Skwi man ndohi ta fu a skwi mbiaʼa, a ndara na Zhiklè.

Romans 4:11

Skwi malwuɗi te nʼngél ngwon nengaʼa a nʼngotso sèi te deɓa, man Zhiklè a nʼngaʼa a ndo nzuraʼa man a nco a ndav ma, a nʼngotso man a ngela ngwon di ɓai. Arsa nʼngaʼa a bab ndohi tèlèba man ta cè a ndav, man ta ngél ngwon ka ɓai. Aman ncè-a-ndav tengaʼa a nge ta a ndohi nzuraʼa.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.