Lèv. 7:16 - Ma Zhiklè

¹⁶ Aman a vi skwi na a géɗ man a gadda ma a hai, man bai a géɗ man a hur te ndav na, da ndau tèlèba a pats sa, man ta zli skwai. Aman ha nʼndikèma a prèk njèkèdia a zhè, te mangoslèmaʼa ta ndia genè.

Lèv. 7:16 ပူးပေါင်းရင်းမြစ်များ

Psaumes 116:14

Skwi man i gaɗa na hi a Ndo nzi pèc pècèk, i woy a i rufaʼa a sam di ndohi nengaʼa tèlèba.

Psaumes 116:18

Skwi man i gaɗa na hi a Ndo nzi pèc pècèk, i woy a i rufaʼa a sam di ndohi nengaʼa tèlèba,

Psaumes 66:13

I dè a gi ngaya a i ndara ka skwai, a i dagi ara man i gaɗa ka ma a hai,

Exode 35:29

Aranta ndohi Israel ta va na skwi a Ndo nzi pèc pècèk, ara man ndav tengaʼa a ngra ta, a ta vau a mizlinè tèlèba, ara man Ndo nzi pèc pècèk a gaɗa na Moise, aman ta giaʼa.

Proverbes 7:14

I do a i va na skwi a Zhiklè ma, ar na. A patsna i gau ara man i gadda skwi a hai.

Ezéchiel 46:12

Aman kra bi sa a woya a ndara na skwi a Zhiklè, a va na skwi te nshid gèɗ a géɗ man ndav nengaʼa a mhuro, da winè na ntamagi te man a civèɗ mvèng pats, aman a slalia a ndara na skwi a Zhiklè, a va na skwi te nshid gèɗ, ara man a gi a pats nshèk va pèc pècèk. Aman a dè auda zaʼa, sèi da pizlè ntamagi te deɓaʼa.

Lèv. 22:23

Zlè a tambak man fiyaʼa nlèmda ɓai, ka slaha ka vi aman ka hur te ndav ngaya; aman ka slaha ka vi azbai a géɗ man ka gaɗdahai; ambaha Zhiklè bai.

Lèv. 22:29

Aman kin woy a kin va na skwi a Ndo nzi pèc pècèk te nshid gèɗ, va-vau aman Zhiklè a wuffè a géɗ kinè.

Lèv. 23:38

Nasa skwi man kin va na Zhiklè a vaʼa, a va skwi man kin va na a pats nshèk va, a va skwi man kin zla na, man kin gaɗdahai, a va skwi man kin hur te ndav kinè.

Nombres 15:3

a kin ndara na skwi a Zhiklè, skwi man kin ndara na, a skwi man kin zlaha na, a géɗ ma ngiɗè man kin gaɗdahai, man bai a géɗ man kin hur te ndav kinè, man bai a géɗ ngolala, man bai a géɗ man agi ambaha Ndo nzi pèc pècèk, ko zlè, ko tambak,

Deutéronome 12:11

te deɓaʼa va-hulko skwi tèlèba man ijhèɗè a sam kinè, a sam man Ndo nzi pèc pècèk, Zhiklè kinè, a ngotskoɗauda, aman nzlembaɗ na a nzi a pa: skwi man kin ndarayè, a kin zlayè; skwi 1 te va 10; skwi man kin co auda; skwi kinè mparaʼa tèlèba man kin gaɗa na hi a Ndo nzi pèc pècèk;

Deutéronome 12:17

Dau ngaya agoda staɗ te va kula, barassa ngaya a mbar ngaya, ka slaha ka ndi a nda gwoli ngaya azɓai; a tsuvom zlè a tambak ngaya ba, ko skwi man ka gaɗdahi a Zhiklè, a skwi man kin tsakala ncèkèlè, a skwi man ka co auda aman ka va na Zhiklè.

Deutéronome 12:26

Skwi man ka va na Zhiklè, skwi man ka gaɗdahai, co a ka shkè a sam man Ndo nzi pèc pècèk a ngotskoɗauda!

Deutéronome 12:6

A kin ndi skwi te pa, man kin ndara na, a kin zla na, skwi staɗ te va kula; skwi man kin co auda a kin va na Zhiklè; skwi man kin gaɗdahai; a skwi man kin tsakala ncèkèlè; a tsuvom skwai, ko zlè ko tambak.