Lèv. 7:12 - Ma Zhiklè

¹² Ndo man a woya a shid gèɗ, da vau skwi man a via te nshid gèɗ: mɓelaslasla man skwi nshégèrè a te di bai, mbsomaʼa a mbar, skwi ngiɗè ara dafɗia, a mbar a deɓaʼa, a gufa mbsomaʼa, a mbar a vaʼa.

Lèv. 7:12 ပူးပေါင်းရင်းမြစ်များ

II Chroniques 29:31

Ezéchias a nhüno a ngaɗa: Aman antanta kin vau nshèffè kinè a ri a Ndo nzi pèc pècèk, va-herdka va, va-hulkoɗi skwi nzlahaʼa, va-va na skwi a Zhiklè te nshid gèɗ, te gi Zhiklè! A ndohi mɓicaʼa ta hulkoɗi skwi nzlahaʼa, a ta va na skwi a Zhiklè te nshid gèɗ. Skwi tèlèba man ndav tengaʼa a woya a viaʼa, ta ndara na.

II Chroniques 33:16

A ntila sam mvi skwi a Zhiklè zaʼa, a nzlau skwi a pa a nshid gèɗ, a ngi susai. A njè ta ma a gèɗ a Juda, aman ta gi mizlinè Ndo nzi pèc pècèk, Zhiklè Israel.

Néhémie 12:43

A pats nasa ta va na skwi a Zhiklè a vata, ta wuffè, a géɗ man Zhiklè a mva ta mwuffè a ndav. Ngwozi ba a wudahi ba ta wuffè, nhèzlèwè m wuffè Jérusalem a cinè dra.

Psaumes 107:8

Sèi ta shida na gèɗ a Ndo nzi pèc pècèk a géɗ mwoy-ndo nengaʼa, a géɗ nrkedi nengaʼa man a gi a sam wud ndohai.

Psaumes 116:17

I da zla ka skwi man i shida ka gèɗ a vna, a i da tsi rai a nzlembaɗ Ndo nzi pèc pècèk.

Psaumes 50:23

Ndo man a shid gèɗ a Bi Zhiklè, kala man a va na skwai, a slébèrdyè zuraʼa; a ndo man a ɓer civèɗ na, i da ngra na skwi mʼmbel ndo ga.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Lèv. 2:4

Aman ka woy a ka va na movar ntaʼa te kizlèd, sèi a gufa man skwi nshégèrè a te di ɓai, mbsomaʼa a mbar, man ɓai skwi ngiɗè ara ɗafɗia, a mbar a deɓaʼa.

Lèv. 2:5

Aman movar man ka va na Zhiklè, skwi man ka tau a géɗ tèndèlèk, sèi gufa, mbsomaʼa a mbar, skwi nshégèrskwi a te di ɓai,

Lèv. 22:29

Aman kin woy a kin va na skwi a Ndo nzi pèc pècèk te nshid gèɗ, va-vau aman Zhiklè a wuffè a géɗ kinè.

Lèv. 6:16

Movar man ndo mvi skwi a Zhiklè a viaʼa, vogwa da ndau tèlèba. Da ndaha ɓai!

Lèv. 7:15

Zluèɗ skwi man a va na Zhiklè te pombai a nshid gèɗ, sèi ta ndi a pats man ta va na langa. A prèk a woy njèkèdia azbai.

Amos 4:5

Va-fa na vogwa a movar man skwi nshégèrè te dai a mbar ɓurdi, vo-boho a ta cèkèlè skwai, ko wawa ara man ndav nengaʼa a woyaʼa. Aman skwi haha ambaha kinè, ndohi Israel, Ndo nzi pèc pècèk a gaɗa.

Nombres 6:15

A vaʼa movar man skwi nshégèrè a te dia bai, nʼngaʼa a gufa dau, gadagar staɗ, mɓelaslasla man ta tu a mbar, a mɓelaslasla man skwi nshégèrè a te dia bai, a mbar te dai, a movar a vaʼa, man ta va na Zhiklè; a skwi nsi man ta va na a vaʼa.

Luke 17:16

A nkalahi a deɓ sak Yèsu, a nshida na gèɗ. Nengaʼa ndo Samarie.

Luke 17:18

Ndohi ngiɗè ta shkè a deɓa aman ta slébèrdè Zhiklè azɓi ɗè, sèi ndo man verzi na tsaɗ haha dè?

Romans 1:21

Ta suna, Bi Zhiklè a zhè, aman ta slébèrdè nengaʼa ara Zhiklè azɓai, ta ga na susi azɓai. Gar haha te skwi man ta hérèʼa ta zlak ta, a ndav tengaʼa, man a sun maya ɓai, nʼndha a ruva.

Ephésiens 5:20

Va-shüd gèɗ pèc pècèk a géɗ skwi tèlèba, a sam Bab Zhiklè, a nzlembaɗ Bi nga Yèsu Kristi.

Hébreux 13:15

Gar haha ngo-vokoy skwi nshid gèɗ a Zhiklè pèc pècèk; nasa ma nga, man a ngrédè nzlembaɗ nengaʼa.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.