Aman gi te civèɗ man a géɗèʼa, man ndohi mvi skwi a Zhiklè ta gi mizlinè a sam mvi skwi a Zhiklè. Tengaʼa wudahi Tsadok, te va wudahi Lèvi, man ta herda na va a Ndo nzi pèc pècèk, a ta gi mizlinè nengaʼa.
Ndohi te verzi Aaron, ngurhiaʼa, ta slaha ta ndiaʼa. Nasa ma nkwèrè kinè a mèdèp a géɗ skwi man kin va na Ndo nzi pèc pècèk te vogwa, te verzi wud wudahi kinè a ma ma. Ko wawa man a lama na, nkezla mènè.
Na haha skwi man Aaron a wudahi nengaʼa ta va na Zhiklè, a pats man ta bada ta mbar a gèɗ: gufa agoda staɗ a movar a pats a pats, rèta a prèk, rèta ngiɗè a dakwaɗ.
a vogwa a nshkè auda te Ndo nzi pèc pècèk, a nʼndeda skwi man ta ndara na, a mbeza a géɗ sam mvi skwi a Zhiklè a ma. Aman ndohi tèlèba ta rkaʼa, ta wuffè, a ta kalahai a deb sak Zhiklè.
