Lèv. 4:20 - Ma Zhiklè

²⁰ Da gu a mari haha lèmèlèmè ara man a giaʼa a mari ngiɗè man ta via a géɗ malai, da gu arsa. A ndo mvi skwi a Zhiklè a ngatsa ta skwi mpil gèɗ, a mali tengaʼa mpra.

Lèv. 4:20 ပူးပေါင်းရင်းမြစ်များ

Exode 32:30

Te mangoslèmaʼa a prèk, Moise a ngaɗa ta ndohai: Kin gu mali mbiaʼa. Anai i woya man i dè a géɗ za a sam Ndo nzi pèc pècèk, a i rka, aman i slaha a i pil mali kinè.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Lèv. 1:4

Da ngeda rai a géɗ skwi man a ndara na, a da ambaha Zhiklè, aman gèd nengaʼa mpela.

Lèv. 12:8

Aman a da slaha tambak ɓai, da hul ngudokwarhi cèw a nkuɗhomhi cèw man ta gra tok-tok, ngiɗè a ta ndara na Zhiklè, ngiɗè a ta vi a géɗ malai, a ndo mvi skwi a Zhiklè da ngatsa na skwi mpil gèɗ. Te deɓaʼa mpanaʼa.

Lèv. 14:18

Njèkèɗi mbar te ri na, ndo mvi skwi a Zhiklè da bada na a gèɗ ndo man a woya a ntil va na, da ngatsa na skwi mpil gèɗ a sam Ndo nzi pèc pècèk.

Lèv. 15:15

A ndo mvi skwi a Zhiklè da va ta, ngiɗè a géɗ malai, ngiɗè a ndara na Zhiklè, a ngatsa na skwi mpil gèɗ a sam Ndo nzi pèc pècèk a géɗ mblè a va nengaʼa man a zlézléyè.

Lèv. 19:22

A ndo mvi skwi a Zhiklè da ngatsa na skwi mpil gèɗ a drok sa a sam Ndo nzi pèc pècèk, a gèɗ mali man a gau; a mali nengaʼa man a ngau, mpraʼa.

Lèv. 4:21

Aman marai sèi ta da auda a dal kokwar, a ta fa na vogwa, lèmèlèmè ara nshèlèkuraʼa. Nasa skwi man mpi ndohai ta via a gèɗ malai.

Lèv. 4:26

Mbeza nengaʼa tèlèba da fa na vogwa a sam mvi skwi a Zhiklè, lèmèlèmè ara mbeza skwi man ta via te pombai. Aranta ndo mvi skwi a Zhiklè a ngatsa na skwi mpil gèɗ, a géɗ mali na, a mali nengaʼa mpraʼa.

Lèv. 4:35

Mbeza tèlèba sèi ta zlia auda, ara man ta gu a sam skwi man ta zlu te pombai. A ndo mvi skwi a Zhiklè da fa na vogwa a sam mvi skwi a Zhiklè, a deɓ skwi man ta va na Ndo nzi pèc pècèk te vogwa. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau, a mali nengaʼa mpraʼa.

Lèv. 4:8

Te deɓaʼa da porko mbeza auda te va zluèɗ marai man ta va na Zhiklè a géɗ malai: mbeza tèlèba man a mbèda vayats a pa, a mbeza te slrats vayats tèlèba,

Lèv. 5:10

Ngidè da ndara na Zhiklè, ara man Zhiklè a jhèdèʼa. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau, a mali nengaʼa mpraʼa.

Lèv. 5:13

Ndo mvi skwi a Zhiklè a ngatsa na skwi mpil gèɗ a géɗ mali man a gau a haha tèlèba, a mali nengaʼa mpra. Njèkèdiaʼa, a ndo mvi skwi a Zhiklè, lèmèlèmè ara movar man ta va na Zhiklè.

Lèv. 5:16

Skwi nkezlaʼa man a nco a metsar, da menda a deɓa, a vi skwi staɗ a verzi skwi zlam, zlam. Skwi sa, da va na ndo mvi skwi a Zhiklè, da ngatsa na skwi mpil gèɗ a nda drok man a vi a géɗ skwi mpil gèɗ; a mali nengaʼa mpra.

Lèv. 5:18

Da cko drok te va rèwè, nsuɗekeɗekaʼa, a kin livè te di skwi man kin va na Zhiklè a skwi mpil gèɗ, a ndo mvi skwi a Zhiklè da ngatsa na skwi mpil gèɗ mali man a nga na a rai, a mali nengaʼa mpra.

Lèv. 5:6

Te deɓaʼa da va na skwi a Ndo nzi pèc pècèk a gèɗ mali man a gau, a pil gèɗ: skwi kudom nkèshèa, te va demaʼa, gar tambak, gar ɓok, a géɗ malai. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau.

Lèv. 6:7

Nta ma nkwèrè a géɗ movar man kin va na Zhiklè: Wudahi Aaron sèi ta hulkoɗi a sam Ndo nzi pèc pècèk, a sam mvi skwi a Zhiklè.

Nombres 15:25

Aman mpi ndohi Israel ta ngots skwi mpil gèɗ a sam ndo mvi skwi a Zhiklè, mali tengaʼa mpra, a gèɗ man nʼnga ta a gèɗ, a ta va na skwi a Zhiklè, a ta ndara na skwi a Zhiklè, a ta ngots skwi mpil gèɗ a sam Ndo nzi pèc pècèk ma, a gèɗ man a yakede ta.

Nombres 15:28

Ndo mvi skwi a Zhiklè a vi skwi mpil gèɗ a sam Ndo nzi pèc pècèk a gèɗ mali man a nʼnga na a gèɗ a ndo, aman a ngècè mpre malai: te deɓ nengaʼa mali mpra.

Romans 5:11

Aman klèng di ka ɓai. Aman nga wuffè a géɗ Zhiklè te Bi nga Yèsu Kristi, te nengaʼa nga ngots skwi mʼmindè gumi a hai.

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Hébreux 2:17

A géɗ nasa sèi nʼngaʼa lèmèlèmè te skwi tèlèba ara kramamhi na, nʼngaʼa a bi ndohi mvi skwi a Zhiklè a sam di Zhiklè, nlèɓèslèa, man ndo a sia te va, man a mpela gèɗ mali ndohai.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,