Lèv. 3:17 - Ma Zhiklè

¹⁷ Nasa ma nkwèr kinè, aman a nzi te verzi wud wuda kinè pèc pècèk a mèdèp, a sam tèlèba man kin nzi a pa. Mbezaʼa a pombazaʼa kin ndau bi fèt!

Lèv. 3:17 ပူးပေါင်းရင်းမြစ်များ

Genèse 9:4

Sèi zluèɗ man pombaz a keɗa na va, kin ndi azɓai.

II Chroniques 29:35

Skwi a zhè kumba, man ta ndara na Zhiklè, a mbeza skwi man ta va na Zhiklè te nshid gèɗ, a movar a va skwi man ta ndara na. Aranta ta tila mizlinè te gi Ndo nzi pèc pècèk zaʼa.

Néhémie 8:10

Ta gaɗa ta: Vo-do, va-ndau zluèɗ, va-sau skwi nsi man a jèn, va-tsaka ta ndohi man ta ngatsa skwi bai, te man pats haha nkezla a sam Bi Zhiklè nga. Kin hur gèɗ ɓai! Mwuffè a géɗ Ndo nzi pèc pècèk, nengaʼa wuɗi kinè!

Exode 27:21

Te gi nkezlaʼa, a ma maslaka a ntamagi man a ngheda koti a ma kita te pa, Aaron a wudahi nengaʼa ta til sam nfi vogwa a pa, a vogwa a hél sam daga dakwaɗ, a nda na ma a prèk, a sam di Ndo nzi pèc pècèk. Skwi haha ndohi Israel sèi ta giaʼa ndèzl, te verzi tengaʼa, te verzi tengaʼa pèc pècèk.

Exode 28:43

A Aaron a wudahi nengaʼa ta viaʼa a va, aman ta de a gi nkezlaʼa, aman ta dè a sam mvi skwi a Zhiklè, a ta gi mizlinè a sam nkezlaʼa, aman ta fi mali a gèɗ ta azbai, a ta metsi azbai. Sèi ta gi aranta ndèzl, nengaʼa a ndohi verzi tengaʼa pèc pècèk.

Ezéchiel 33:25

Gar haha gaɗa ta: Bi Zhiklè a gaɗa: Kin ndi vrai a Pombaz tèlèba; kin pi di a skwi mbèh skwi kinè, kin keɗa ndo; a kin woy a kin kwèr kokwar dè?

Ezéchiel 44:15

Aman ndohi mvi skwi a Zhiklè Lévi, te verzi Tsadok, man ta dzodzor ma nkwèr ga a sam nkezlaʼa, te va man ndohi Israel ta zlak ta a sam ga, tengaʼa ta da herdekay va, a ta gi mizlinè ga, a ta shkè a sam ga, aman ta vay mbeza a Pombaz, Bi Zhiklè a gaɗa.

Ezéchiel 44:7

Kin va ta civèɗ a ndohi man verzi ta tsaɗ, ndohi man ngwon nʼngel ɓai, man ta ngwoda ndav ta ɓai, a ta shkè a sam ga nkezlaʼa, a ta dérɗèʼa, aman kin vau skwi nʼndi ga mbeza a Pombaz. Aranta kin pra nderzlè-ma ga, a skwi hori kinè tèlèba.

Lèv. 10:15

Ɗuaraʼa man kin ckoɗauda, a ndavaʼa man ta geda na gèɗ a Ndo nzi pèc pècèk, sèi ta pa na a va mbeza skwi man ta va na Zhiklè te vogwa, a ta geda na gèɗ a sam Ndo nzi pèc pècèk. Nasa skwi man kinè a wudahi kinè kin ngècèʼa a mèdèp, ara man Ndo nzi pèc pècèk a goɗa.

Lèv. 10:9

Kin su barassa a zom ɓai, ko ka, ko wudahi ngaya, aman kin dè a gi mɓicè-va. Man bai kin metsi kinè. Nasa ma nkwèr kinè te verzi wud wuda kinè a mèdèp.

Lèv. 16:29

Skwi haha da gu a ma nkwèr kinè a mèdèp: A ki matsaraɗaʼa, mʼmèn 10, kin jèkeda skwi nʼndai, kin gu mizlinè ɓai, ko ndo Israel tas, ko ndo mbrok man a zhè a sam kinè.

Lèv. 16:34

Nasa ma kita a sam kinè a mèdèp, a ndohi Israel ta ngècè skwi mpil gèɗ, a géɗ mali tengaʼa tèlèba, sak staɗ tʼhwaɗ mvai. A Aaron a ngau, ara man Ndo nzi pèc pècèk a njè na a gèɗ a Moise.

Lèv. 17:7

Anai ta zla ta skwi a madzagihi asaɓai, ara man ta gu halaʼa. Nasa ma nkwèr ta a mèdèp, te verzi wud wuda.

Lèv. 19:26

Kin ndau skwi man Pombaz a keɗa na va ɓai. Kin fu gèɗ a skwi nzhüzhor ndo ɓai! Kin mboh skwi ɓai!

Lèv. 23:14

Kin ndau movar, a dau mpinèa, tser dau mbatsaʼa bai, ha pats man kin va na skwi a Zhiklè kinè ma. Nasa ma nkwèr kinè te verzi wud wuda kinè a mèdèp, a sam tèlèba man kin nzi a pa.

Lèv. 23:21

A pats nasa sèi kin bèhè a ngolala mɓicè-va nkezlaʼa; kin gu mizlinè ɓai! Nasa ma nkwèr kinè te verzi wud wuda kinè a mèdèp, a sam tèlèba man kin nzi a pa.

Lèv. 24:3

Aaron da tülo, a ma maslaka, man a zhè a ma koti kita, te gi mɓicè-va. Vogwa da zhè pèc pècèk a sam Ndo nzi pèc pècèk, daga dakwaɗ, ha prèk, daga prèk ha dakwaɗ.

Lèv. 24:9

A Aaron a wudahi nengaʼa ta ngècèʼa, a ta ndiaʼa a sam nkezlaʼa. Nengaʼa a ngècèʼa te va skwi man ta va na Ndo nzi pèc pècèk, a skwi nkezli nkezlaʼa. Sèi nengaʼa a ngècèʼa a mèdèp.

Lèv. 3:16

A ndo mvi skwi a Zhiklè da fa na vogwa tèlèba a sam mvi skwi a Zhiklè. Nasa movar man a va na Ndo nzi pèc pècèk te vogwa, ambaha. Mbeza tèlèba a Ndo nzi pèc pècèk.

Lèv. 4:1

Ndo nzi pèc pècèk a ngaɗa na Moise:

Lèv. 6:15

Ndo mvi skwi a Zhiklè te va wudahi Aaron, man ta bada na mbar a géɗ te di man a nengaʼa, da tau. Nasa skwi man Ndo nzi pèc pècèk a jhèɗè a mèdèp. Vogwa da ndau tèlèba.

Lèv. 6:18

Gada ta nda Aaron a wudahi nengaʼa aranta: Na haha ma nkwèr a géɗ skwi man kin via a géɗ malai. A sam man ta zlèh skwi man ta ndara na a Ndo nzi pèc pècèk, ta zlèh skwi man ta va na a géɗ mali ba. Nasa skwi nkezli nkezlaʼa.

Lèv. 6:22

Te verzi ndohi mvi skwi a Zhiklè, tèlèba ngurhi ta ndiaʼa. Nasa skwi nkezli nkezlaʼa.

Lèv. 7:23

Gada ta ndohi Israel aranta: Mbeza zlè a tambak a ɓok kin ndau bai!

Lèv. 7:34

Aman ndavaʼa, man ta geda na gèɗ a sam Ndo nzi pèc pècèk, a ɗuar man ta ckoɗauda, i helama ta ndohi Israel a sam skwi man ta va na Zhiklè te pombai; i va na Aaron a wudahi nengaʼa. Nasa skwi man i jhèɗè teri ndohi Israel a mèdèp.

Lèv. 7:36

Nasa skwi man Ndo nzi pèc pècèk a mva ta a pats man a bada ta mbar a gèɗ, a skwi man ta ngècè te ri ndohi Israel a mèdèp, te verzi wud wud ta a ma ma.

Nombres 19:21

Nasa ma nkwèr tengaʼa a mèdèp. Ndo man a gucèdè iyam mpèn malai, a pènè maslaka nengaʼa, a ndo man a lama na iyam mpèn malai, nengaʼa nlizhèa, ha dakwaɗ.

Matthew 16:24

A Yèsu a ngaɗa ta golahi nengaʼa: Ndo man a woya a ndzadzarkayè, da hur a géɗ nshèffè na ɓai, da zuɓ wof ngézlèl na, da dzadzarkayè!

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Actes 15:29

Va-jèkeda nʼndi vrai, kin sau Pombaz ɓai, kin ndau skwi mʼmets mʼmetsi ɓai, a kin gu mphömè ɓai! Aman kin ɓir va kinè te skwi haha, kin gi amba. Va-mbali di mènè!

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Ephésiens 5:26

a nkezlaʼa, a mpanaʼa, a iyam a ma Zhiklè,

Deutéronome 12:16

Sèi Pombaz, ka ndau ɓai! Badaussa ara iyam!

Deutéronome 12:23

Aman pombaz, ka ndau ɓai! Aman nshèffè a zhè te pombaz; gu maya a ka ndau zluèɗ a pombaz man nshèffè te pa a hwaɗ ngaya ɓai!

Deutéronome 12:24

Ka ndau ɓai, badaussa ara iyam!

Deutéronome 15:23

Aman pombaz, ka da ndau ɓai! Ka da badaussa lèmèlèmè ara iyam.

Deutéronome 32:14

Mbar wa zlè a wa ɓok, mbeza wud tambakihai, drok, kra Basan a mazawalhai, a kuɗpa dau, a ka su barassa.

1 Timothy 4:4

Skwi tèlèba man Zhiklè a ngau, amba; ambabai man ta kwolaʼa. Sèi ta cèʼa a nshid gèɗ.