Lèv. 3:1 - Ma Zhiklè

¹ Aman ndo a va na skwi a Zhiklè te pombai, da va na zlè, ko marai, ko zlè, da cko skwi nsuɗekɗekaʼa a sam di Ndo nzi pèc pècèk.

Lèv. 3:1 ပူးပေါင်းရင်းမြစ်များ

I Chroniques 21:26

David a nrom sam mvi skwi a Ndo nzi pèc pècèk a samaʼa, a nʼndara na skwi a Zhiklè, a mva na skwi a Zhiklè te nshid gèɗ. A ntsu ri a Ndo nzi pèc pècèk, a Ndo nzi pèc pècèk a mʼmbeɗka na ma a vogwa te zhiklè, man a nzlündkoɗahai a sam mvi skwi a Zhiklè.

Exode 20:24

Va-gayè sam mvi skwi a Zhiklè a wujèɗ, a kin ndaray skwai, a kin vay skwai a pombai. Tambakihai a zlèhai. A sam tèlèba man i vau a sam man ta slebardyè a pa, i da shkè a sam ngaya, a i da pshè ka ma.

Exode 24:5

Te deɓaʼa a mbaha ta golahi Israel, a ta ndara na skwi a Ndo nzi pèc pècèk, a ta zlaha mamokwa marihai, a ta va na Zhiklè te pombai.

Exode 29:28

Ndohi Israel sèi ta gi arsa ndèzl, pèc pècèk, a Aaron a wudahi nengaʼa ta ngècè skwi te pa. Nengaʼa skwi man ta tsakala a ta va na Ndo nzi pèc pècèk, a ta cè auda a sam skwi man ndohi Israel ta va na te pombai.

Proverbes 7:14

I do a i va na skwi a Zhiklè ma, ar na. A patsna i gau ara man i gadda skwi a hai.

Ezéchiel 43:27

Aman mʼmèn 7 klèng, a pats matsamakaɗaʼa, a patshi man a ma, ndohi mvi skwi a Zhiklè ta da ndèr skwi kinè, a ta vi skwi kinè te nshid gèɗ, a gèɗ sam mvi skwi a Zhiklè. A i da va kinè pombai, Bi Zhiklè a gaɗa.

Ezéchiel 45:15

Te va tambakihi 20, staɗ a va dau a tambak man kin ndara na Zhiklè te nshid gèɗ, a skwi mpil gèɗ. Iyè, i Bi Zhiklè, a ngaɗa.

Lèv. 1:10

Aman a ndara na skwi nkèshèa, ko tambak, ko ɓok, da vau te va mazawalaʼa, suɗekɗekaʼa.

Lèv. 1:3

Aman a ndara na zlè, sèi marai suɗekɗekaʼa. Da da a ntamagi mɓicè-va, aman a da ambaha Ndo nzi pèc pècèk.

Lèv. 17:5

Ndohi Israel sèi ta ckoɗi skwi man ta zlèhè a hwaɗ ta, a sam Ndo nzi pèc pècèk, a ntamagi mɓicè-va, a sam ndo mvi skwi a Zhiklè, a ta zla na Ndo nzi pèc pècèk te nshid gèɗ.

Lèv. 3:6

Aman skwi nkèshèa man a va na Ndo nzi pèc pècèk te pombai, gar ɓok, gar tambak, ko mazawal, ko demaʼa, sèi nsuɗekɗekaʼa.

Lèv. 9:18

Te deɓaʼa a nzlaha marai a nda drok ngiɗè man ta vau a nshid gèɗ. A wudahi Aaron ta cko Pombaz, a nengaʼa a nguceda a zlazlar sam mvi skwi a Zhiklè.

Lèv. 9:4

a marai a drok staɗ, nsuɗekɗekaʼa, va-ndara na Zhiklè, a marai a drok staɗ a nshid gèɗ, a kin zlaha na Ndo nzi pèc pècèk, a movar te vaʼa, mbsoma a mbar. Aman a patsna Ndo nzi pèc pècèk a di a gudoko kinè va a dai.

Amos 5:22

Aman kin ndaray skwai, i wuffè a géɗ skwi man kin vayè azɓai. A i pi di a mari man kin zlayè a nshid gèɗ azɓai.

Mal. 1:14

Ndo nʼngwèdè ndo da phom na; mazawal te va skwi nengaʼa, man a gaɗa a va na Ndo nzi pèc pècèk; a vokoy skwi nhezakaʼa èhèmè? Iyè, i bi mbiaʼa, Zhiklè bi mbiaʼa a gaɗa. Nzlembaɗ ga mbiaʼa a sam ndohi herkeda.

Mal. 1:8

Aman kin cko skwi ngezladai a kin vayè, mali ka ɓi ɗè? Aman kin ckoy skwi man sak mpasla, man nhezaka, mali ka ɓi ɗè? Dara ka va na ngomna ngaya! A da wuffè a géɗ ngaya ɗè, a fe ka a ndo na nzura ɗè? Zhiklè bi mbiaʼa a gaɗa.

Nombres 15:8

Aman ka va na kra zlè, a ka ndara na, man bai ka zlaha na, a géɗ man ka gadda ma a hai, man bai te nshid gèɗ a Ndo nzi pèc pècèk,

Nombres 6:14

da zla na skwi a Ndo nzi pèc pècèk: tambak mvi staɗ, nsuɗekɗekaʼa, a ndara na Zhiklè. Dem tambak, mvi staɗ, nsuɗekɗekaʼa, a géɗ malai. Drok staɗ, nsuɗekɗekaʼa, te nshid gèɗ.

Nombres 7:17

zlèhi cèw, droki zlam, mazawalhi zlam, wud tambakihi zlam, mvi staɗ, te nshid gèɗ. Nasa skwi man Nachshon, kra Amminadab, a va na Zhiklè.

Nombres 7:59

zlèhi cèw, droki zlam, mazawalhi zlam, wud tambaki mvi staɗ, te nshid gèɗ. Nasa skwi man Gamliel, kra Pedahtsur, a va na Zhiklè.

Deutéronome 12:27

Ndara na skwi ngaya, zluèɗ a pombaz, a géɗ sam mvi skwi a Ndo nzi pèc pècèk, Zhiklè ngaya! Pombaz skwi man ka zloho, bada a géɗ sam mvi skwi a Ndo nzi pèc pècèk, Zhiklè ngaya! Zluèd, ka ndiaʼa.

Colossiens 1:20

Te nengaʼa Zhiklè a mʼmenda gumai a hai a gèɗ skwi tèlèba, ko a géɗ herkeda, ko te zhiklè te géɗèʼa, te man a tsu gumi a Pombaz nengaʼa a deɓ wof ngézlèl na.

Hébreux 10:22

Gar haha ngo-herdokoy va a ndav nzuraʼa, a ncè-a-ndav tèlèba, mèzhèɓ ndav nga man ambaɓai ngucaʼa, a va mpanaʼa a iyam nkéɗècèʼa.

1 John 1:3

Skwi man nga rka ma, nga tsenaʼa, nga njè kinè, aman kinè ba kin hümdè a nda nga; a nga, nga hümdè a nda Bab nga, a nda kra nengaʼa, Yèsu Kristi.

Juges 20:26

Te deɓaʼa ndohi Israel tèlèba, mpi ndohai, ta shkè Béthel. Te pa ta zlatsa a sam Ndo nzi pèc pècèk, ta kuɗai, ta jèke-da skwi nʼndai, ha dakwa. Te deɓaʼa ta va na skwi a ta ndara na skwi a Ndo nzi pèc pècèk.

Juges 21:4

Te mangoslèmaʼa ndohi ta slambaɗa a prèk te gai, ta rom sam mvi skwi a Zhiklè, a ta ndara na skwi a Zhiklè a nshid gèɗ.