Lèv. 27:28 - Ma Zhiklè

²⁸ Skwi man ndo a va na Ndo nzi pèc pècèk a skwi nkezlaʼa, te va skwi tèlèba man a ngotso, ko ndo, ko skwi gai, ko dak, skwi nʼndi gi na, ta slaha ta predama bai, ta slaha ta cè a deɓa azbai. Skwi nkezli nkezlaʼa, a Ndo nzi pèc pècèk.

Lèv. 27:28 ပူးပေါင်းရင်းမြစ်များ

II Chroniques 31:14

Koré, ndo Lévi, kra Jimma, ndo mɓer ntamagai te civèɗ mvèng pats, a ɓer skwi man ta va na Zhiklè ara man ta hur te ndav ta, a nkezla skwi man ta va na Ndo nzi pèc pècèk, a mva ta ngiɗè ngiɗè, man ta tskoɗauda te va skwi ta, a skwi nkezlaʼa.

Exode 22:20

Ndo man a pil gèɗ vrai a zhiklè ngiɗè, a Ndo nzi pèc pècèk stadgenè ka ɓai, sèi ta da phomda.

Ezéchiel 44:29

Tengaʼa ta da ndi movar ndohi man ta va na Zhiklè, skwi a géɗ malai, a géɗ mphömè; skwi man a Zhiklè, man ndohi Israel ta slalia ta ngè-cè bai, a tengaʼa.

Ezéchiel 48:14

Tʼherkeda haha ta slalia ta prè a ta hümbèɗè skwi azɓai, te man herkeda mbelaʼa. Ta slalia ta va ta a ri ndohi ngiɗè azɓai, te man sam nkezlaʼa, a Ndo nzi pèc pècèk.

Lèv. 21:22

Aman a slaha a nʼndi te skwi nʼndi Zhiklè na, te skwi nkezli nkezlaʼa, te skwi nkezlaʼa ba.

Lèv. 27:21

Aman te mvi mwuffè dak mpraʼa, a gi a skwi Ndo nzi pèc pècèk nkezlaʼa, ara dak man ta va na a mèdèp. A gi a skwi ndo mvi skwi a Zhiklè.

Lèv. 27:27

Aman skwi gi nlizhèa, sèi ta ngècè a deɓa, te di Suli man ta livèʼa, a ta pi skwi staɗ a verzi skwi zlam. Aman a woya a prè auda azbai, sèi ta predama te di Suli man ta livèʼa.

Lèv. 27:29

Aman ndo ngiɗè, ndo nkezlaʼa a sam Ndo nzi pèc pècèk, ta slaha ta cè a deɓa azbai, sèi ta keɗaʼa.

Nombres 18:14

Skwi man ta dumkodai te Israel man Zhiklè a gaɗa na Israel: ka lama na ɓai, a ngaya.

Matthew 25:41

Te deɓaʼa a da gaɗa ta tengahi ba man ta te civèɗ ri gula: Kinè ndohi mphomdaʼa, vo-do vogwa, man ntila a gèɗ bi-madzagai a golahi na, man a mbècè azɓai a mèdèp.

Romans 9:3

Ar, i woy a ta phomdyè, a ta kezle nga a Kristi, te di man a kramamhi ga te verzi Israel, gwoli ga.

1 Corinthians 16:22

Ndo man a woya Bai Yèsu te ndav ɓai, da phomda! Bai Yèsu, washkè!

Galates 3:10

Aman tengahi man ta woy a ta gi sèi ara ma kita Zhiklè, ta tʼhwaɗ ma mphomdaʼa. Aman ɗèlèwèr Zhiklè a gaɗa: Ko wawa man a jèjèr ma ɗèlèwèr ma kita Zhiklè tèlèba azɓai, da phomda!

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Deutéronome 25:19

Te deɓaʼa man Ndo nzi pèc pècèk, Zhiklè ngaya, a mpreka ka auda te ri mayamhi ngaya man ta tèude ka a pa ma, a va ka nshèk va te kokwar man Ndo nzi pèc pècèk, Zhiklè ngaya, a da va ka a skwi nʼndi gai, a skwi ngaya; ka da zede nzlembaɗ Amalek auda tʼhwaɗ giɗfèk. Da pca ka a gèɗ ɓai!

Deutéronome 7:26

Kin da skwi man a ndara na Zhiklè a gi kinè ɓai, man ɓai kin phomda lèmèlèmè ara skwi sa. Da ndara kine, da ga a skwi hori a sam kinè, te man Zhiklè a mphomda.

Josué 6:26

A pats nasa Josué a ndzhaɗ ta ndohai, aman ta mbèɗè: Ndo man a da ɗèɗèyè kokwar Jé-richo a pa, Ndo nzi pèc pècèk da phomda! Aman a dèh kwa a verzi gai, tsuvom nengaʼa da mets na! Aman a da gézlèlè ntamagi a pa, ntabaw nengaʼa da mets na!

Josué 7:1

Aman ndohi Israel ta gu maharam skwi mphomdaʼa: Acan, kra Carmi, te verzi Zabdi, te verzi Zérach, gwoli Juda, a nco te va skwi mphomdaʼa kètè. A Ndo nzi pèc pècèk a ngu ndav a géɗ ndohi Israel.

Josué 7:25

Josué a ngaɗa: Ka kalde nga a matakwan! Ndo nzi pèc pècèk ba a kalde ka a matakwan a patsna! Te deɓàʼa ndohi Israel ta kola a kwa. Ngiɗè ta keɗaʼa a kwa, a ngiɗè ta fa na vogwa.

Juges 21:11

Va-gu aranta: Va-gedassa ngurhi ngurhi a ngwozi tèlèba, man baki ta zhè.

Juges 21:18

Nga, nga slaha nga va ta dalahi nga a ngwoz azɓai, a gèɗ man ndohi Israel ta goɗ a mʼmbèdè, a ta Gad: Ndo man a va na dem nengaʼa a ngwoz a ndo Benjamin, da phomda!

Juges 21:5

Te deɓaʼa ndohi Israel ta Gad: A sam mpi ndohi Israel, mshkè a sam Ndo nzi pèc pècèk, a sam mɓicè-va ɓi wa? Te nshèlèkuraʼa ta goɗ a mʼmbèdè: Ndo man a dè a sam Ndo nzi pèc pècèk a Mitspa azɓai, sèi ta keɗaʼa.

I Samuel 15:18

Ndo nzi pèc pècèk a nzlinde ka a var, a fa ka ma a gèɗ: Do, gedassa ndohi Amalek, ndohi malihi sa, gu var a tengaʼa, ha ka ndev ta.

I Samuel 15:3

Ani do, a ka keɗa Amalek, a ka bazla ndohi nengaʼa a vèvèɗ, a skwi nengaʼa tèlèba man a nʼngotso. Ka da jèke ta ɓai, bazl ta ngurhi a ngwozihai, wudahi a wudahi a wa, zlèhai a tambakihai, zlugumihai a kdèhihai.