Lèv. 26:7 - Ma Zhiklè

⁷ Kin da dzam ta mayan hi auda a ma kinè, a ta bazl ta a tsakwal.

Lèv. 26:7 ပူးပေါင်းရင်းမြစ်များ

I Chroniques 19:15

Aman ndohi Ammon ta rka, ara man ndohi Syrie ta hi ta, tengaʼa ba ta hu ta a Abishai, kramam Joab, a ta hu ta a deɓa a kokwar ta. A Joab a mshkè a deɓa a ngwi a kokwar Jérusalem.

Esther 9:16

Njèkèdi ndohi Juif man ta zhè te kokwar-bai ta ɓica va, a ta gu var a géɗ nshèffè ta. Mayamhi tengaʼa ta pul gèɗ a ta bazl ta ndohi 75.000 te va ndohi man ta ga ta shèwa. Aman kolongwi tengaʼa, a skwi tengaʼa, ta lama na ɓai.

Psaumes 81:15

Ar i ga ta mayamhi tengaʼa a ɓèlè tsam-tsam, a ri ga a tse ta ndohi nʼnga ta matakwan,

Lèv. 26:36

A njèkèɗia te ndev kinè i gi a ndav tengaʼa a mbeɗè te kokwar mayamhi tengaʼa. Ngidè ko kwolala vah wof a dzam ta, ara man ta hi auda a sam tsakwal, a ta kèlèhai, ko ndo a dzam ta azbai.

Lèv. 26:6

I woy a i va kinè gumai a kokwar, a kin nzhunè a zlau ka ɓai. Skwi dakhi man ta ndi ndo, i zede ta, a tsakwal a dzi a ndo te kokwar kinè asaɓai.

Lèv. 26:8

Zlam te va kinè ta da dzam ta 100; 100 te va kinè ta da dzam ta 10.000. Tsakwal a da bazl ta mayamhi kinè.

Deutéronome 28:7

Ndo nzi pèc pècèk a gi aman ka ngul mayamhi ngaya man ta slambaɗka ka va. Ta da shkè a civèɗ staɗ, ta da hi ta, a ta venda gèɗ ta tèlèba.

Deutéronome 32:30

Ndo staɗ a dzam ta ndohi 1.000 azɓai; ndohi cèw ta dzam ta ndohi 10.000 azɓai, sèi man Ndo nzi pèc pècèk a mpe ta a ria kla!

Josué 23:10

Ndo staɗ te ndev kinè a ndzam ta ndohi tengaʼa gozhèm, te man Ndo nzi pèc pècèk, Zhiklè kinè, a gi var te di man a kinè a ri na, ara man a mpasla kinè rai.

Juges 15:15

Te deɓaʼa a nʼngots mahazau kɗèh tʼhai, a mco a rai, a mbazla ndohi a vna, 1.000.

Juges 4:16

A Barak a mhu a verzi kikihai a ndohi var, ha ndè a Harosheth-Goim. A mbazl ta ndohi var Sisera tèlèba a tsakwal. Ko staɗ njèka ɓai.

Juges 7:23

A ndohi Israel ta ɓica va ta: ta shkè te Nephthali, te Aser, te Manassé tèlèba, a ta hu a verzi ndohi Madian.

I Samuel 14:13

Jonathan a nteva a pa a ri tʼhai, a gol nzuɓa na skwi var na a verzi nengaʼa. Ndohi Philistie ta woy a ta hi ta a Jonathan, a nengaʼa a nked ta a hai, a gol nzuɓa na skwi var na a mbazl ta a vèvèɗ a verzi nengaʼa.