Lèv. 26:45 - Ma Zhiklè

⁴⁵ I woy a i hér nderzlè-ma ga a nda babhi ta, man i helka ta auda te kokwar Egypte, a sam di ndohi herkeda, a i mbel ta, a i gi a Zhiklè tengaʼa. Iyè Ndo nzi pèc pècèk.

Lèv. 26:45 ပူးပေါင်းရင်းမြစ်များ

Genèse 12:2

I woy a i ge ka a verzi ndohi kumba, a i da pshè ka ma, a i da gra nzlembaɗ ngaya, man a pshè ma ndohai.

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

Genèse 26:24

A Ndo nzi pèc pècèk a ngudoko na va a dai a vaɗ sa, a ngaɗa: Iyè Zhiklè Abraham, bab ngaya. Ka gu zlau ɓai, i zhè a sam ngaya. I woy a i pshè ka ma a ndohi verzi ngaya ta mènè a vata, a géɗ Abraham, ɓèl ga.

Genèse 28:15

Anai i zhè a sam ngaya, a i ɓer ka a sam tèlèba man ka dè a pa, a i minde ka a deɓa a kokwar haha. I woy a i jèke ka azɓai, ha a i ga tèlèba man i pasla ka rai.

Genèse 9:15

i woya man a i hér nderzlè-ma ga a nda kinè a skwi a nshèffè tèlèba, a iyam a da shkè nchè nchè mbiaʼa a da gédèshè nshèffè tèlèba asaɓai.

Psaumes 106:45

a nhur nderzlè-ma nengaʼa man a mbel ta a vna, a nʼngwoda gèɗ na te pombi nengaʼa mbiaʼa.

Exode 2:24

Zhiklè a ntsena nkuɗ tengaʼa, a nhur nderzlèma nengaʼa a Abraham, Isaac, a Jacob.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Exode 6:8

A i woy a i de kinè a kokwar man i mbada ta nda Abraham, Isaac a Jacob, aman i gada i da va kinè. I woy a i va kinè, iyè Ndo nzi pèc pècèk.

Ezéchiel 20:14

Aman a géɗ nzlembaɗ ga i ga ndzoan a vata Bai; ndohi nte deɓa da durɗo nzlembaɗ ga ɓai, a sam di tengaʼa man i helka ta auda.

Ezéchiel 20:22

Aman i mendko ri ga a deɓa, i ga ndzoan a vata ɓai, a géɗ nzlembaɗ ga; ndohi nte deɓa da durɗo nzlembaɗ ga bai, a sam di tengaʼa man i helka ta auda.

Ezéchiel 20:9

Aman a géɗ nzlembaɗ ga i ga ndzoan a vata bai; ndohi nte deɓa da durɗo nzlembaɗ ga bai, te ndev tengaʼa man ta zhè, a sam di tengaʼa man i gudoko ta va a dai, aman i helka ta auda te kokwar Egypte.

Lèv. 11:45

Aman iyè Ndo nzi pèc pècèk, i helka kinè auda te kokwar Egypte, a i gi a Zhiklè kinè. Gar haha sèi kin nzi a ndohi nkezlaʼa, aman iyè, i kezla.

Lèv. 22:33

man i helka kinè auda te kokwar Egypte, a i gi a Zhiklè kinè. Iyè Ndo nzi pèc pècèk.

Lèv. 25:38

Aman iyè Ndo nzi pèc pècèk, Zhiklè kinè, man i helka kinè auda te kokwar Egypte, a i va kinè kokwar Canaan, a i gi a Zhiklè kinè.

Romans 11:12

Aman a géɗ man ta kalahai, ndohi herkeda ta ngots skwi mèshèlè; a skwi man a gedas ta a ngu a skwi mèshèlè ndohi nte deɓa, holholaʼa arsa, aman ta da co a ndav tèlèba.

Deutéronome 4:31

te man Ndo nzi pèc pècèk, Zhiklè kinè, Zhiklè man ndo a sia te va, a da jèke kinè a pa azɓai, a da zede kinè azɓai, nderzlè-ma nengaʼa man a nderzlaʼa a nda babhi kinè a mʼmbèɗè, a pca na a gèɗ azɓai.

Deutéronome 9:27

Hur Abraham, Isaac a Jacob, ɓèlèlihi ngaya! Ka hur a géɗ mèdègèd a shèwa a mali ndohi haha ɓai!