Lèv. 26:44 - Ma Zhiklè

⁴⁴ Aman ko ta te kokwar mayamhi ta, i kwol ta a mèdèp azbai, ta ndarayè holholaʼa azbai, a i zede ta a mèdèp azbai, i prè nderzlè-ma ga azbai. Iyè Ndo nzi pèc pè-cèk, Zhiklè tengaʼa.

Lèv. 26:44 ပူးပေါင်းရင်းမြစ်များ

Genèse 17:7

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

II Rois 13:23

Aman Ndo nzi pèc pècèk a mva ta pombai, ta sia te va, a woy ta zaʼa, a géɗ ma man a nderzla a Abraham, Isaac a Jacob, a woya a ngedas ta ɓai. A pats nasa a kwol ta a mèdèp ka ɓai.

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Néhémie 9:31

A géɗ man ta se ka te va, ka va ta civèɗ a ta zi ta a mèdèp ɓai, te man ka Zhiklè man ndo a se ka te va, man pombi ngaya a zhè.

Psaumes 103:13

Ara wudahi man ta si bab ta te va, ndohi man ta gi zlau Zhiklè, ta si Ndo nzi pèc pècèk te va.

Psaumes 89:33

i da ga ta ndzoan a géɗ mali ta a mènèwèd, a i tse ta a géɗ mphömè ta.

Psaumes 94:14

Aman Ndo nzi pèc pècèk a da kwol ta ndohi nengaʼa azɓai, a da jèkeda skwi nʼndi gi nengaʼa azɓai.

Jérémie 14:21

Ka kwol nga ɓai, a géɗ nzlembaɗ ngaya! Ka pa na hori a di a sam nʼnzi bi ngaya ɓai! Huro! Ka pra ma nderzlè-ma nga a ka ɓai!

Jérémie 24:5

Ndo nzi pèc pècèk, Zhiklè Israel, a gaɗa: Ndohi Juda man ta te ɓèlè, man i dzam ta auda a sam haha, a kokwar ndohi Chaldée, ta ambahayè lèmèlèmè ara kslor mbelaʼa.

Jérémie 30:11

Aman i zhè a nda ka, aman i mbel ka, Ndo nzi pèc pècèk a gaɗa. Aman i da zede ta ndohi herkeda tèlèba, a sam man i ksar kinè a pa. Sèi ka, i da zede ka azɓai; aman i da slebda ka maya te kita, i slaha a i jè-kaha kita ngaya azɓai.

Jérémie 31:20

Ephraim kra ga mbelaʼa, kra ga man i wuffè a géɗ nengaʼa, man pèc pècèk i slefiaʼa, i woya a i hérèʼa, di ɗè? Ndav ga a gudzi a géɗ nengaʼa, a siyè te va, a vava, Ndo nzi pèc pècèk a gaɗa.

Jérémie 33:26

a i slaha a i kwèl ndohi te verzi Jacob a David, ɓèl ga, a i hil bihi te verzi ndohi ngiɗè de, a ta gi bi a géɗ verzi Abraham, Isaac a Jacob? Aman i da helka ta a deɓa te bèlè, a ta da siyè te va.

Ezéchiel 16:60

Aman iyè i hér nderzlè-ma nga man nga derzlaʼa, man ka dali dai, a nga derzla ma a ka a mèdèp.

Lèv. 26:11

I da nzi te ndev kinè, a kin ngezlay a gèɗ asaɓai.

Romans 11:2

Zhiklè a nkwol ndohi nengaʼa man a par ta halaʼa ɓai. Aman kin sun ɓi ɗè, ɗèlèwèr Zhiklè a goɗ a géɗ Elie – ara man Elie a ntsu ri a sam Zhiklè a géɗ Israel, a ngaɗa:

Romans 11:26

Te deɓaʼa Israel tèlèba a da mbel na, ara man ɗèlèwèr Zhiklè a gaɗa: Ndo mʼmbel ndo a di a shkè te Sion, man a gedassa skwi man a woy Zhiklè ɓai te Jacob.

Juges 2:1

Gol Ndo nzi pèc pècèk a mshkè te Guilgal, a ndè Bokim, a ngaɗa; I helka kinè auda te kokwar Egypte, a i de kinè a kokwar man i pasla ta ri a babhi kinè a mʼmbèdè. I gaɗa: I gédèshè nderzlè-ma ga a nda kinè azɓai a mèdèp.