Lèv. 26:41 - Ma Zhiklè

⁴¹ a géɗ nengaʼa i ba i Sala ta va a gèɗ, a i dzam ta a kokwar mayamhi ta – aman te deɓaʼa ta manda gèɗ a hai, nfi va ta kala ta a ndav, a ta til malai,

Lèv. 26:41 ပူးပေါင်းရင်းမြစ်များ

I Rois 21:29

Ka rka ara man Achab a manda gèɗ a hi a sam ga dè? A géɗ man a manda gèɗ a hi a sam ga, i zlinda na skwi mwuɗitpa aman a zhè a nshèffè di azɓai. Aman a pats man kra nengaʼa a gi bai, i dè zlindè skwi mwuɗitpa a géɗ ndohi gi nengaʼa.

II Chroniques 12:12

A gèɗ man a mʼmanda gèɗ a hai, Ndo nzi pèc pècèk a nga na ndzoan a ma ma ɓai, a ngedassaʼa a mèdèp ɓai. Te ndev nasa kokwar Juda amba dai.

II Chroniques 32:26

Te deɓ nfi va nengaʼa, Ezéchias a mʼmanda gèɗ a hai a ndohi Jérusalem, a Ndo nzi pèc pècèk a nʼnga ta kita ɓai, te va man Ezéchias a zhè a nshèffè dai.

II Chroniques 33:19

Ntsi ri na, a maya man Zhiklè a nco ntsi ri na, mali na, a skwi nlèɓèslɓia nengaʼa, sam man a rom sam mʼmbèh skwi a géɗ za, a sam mʼmbèh skwi nengaʼa a mblom man a gau, ga a mèndè gèɗ a hai, ta windeda ɗèlèwèr Hozai.

II Chroniques 33:23

A mʼmanda gèɗ a hi a sam Ndo nzi pèc pècèk, lèmèlèmè ara man Manassé, bab na, ɓai. Amon, nengaʼa a ngau mali a ma ma.

Esdras 9:13

A géɗ skwi tèlèba man a shkè a géɗ nga, a géɗ skwi man ambaɓai man nga gau, a géɗ mali nga mbiaʼa, ka Zhiklè nga, ka ga nga kita mbiaʼa ara mali nga ɓai, a ka jèka nga ndohi haha man ta menkada deɓa te ɓèlè.

Esdras 9:15

Ndo nzi pèc pècèk, Zhiklè Israel, ka nzuraʼa, nga ndohi kèshkata man nga mbel nga genè. Na haha nga zhè a sam di ngaya te mali nga, nga slaha nga zlècè a sam ngaya azɓai.

Néhémie 9:33

Skwi man ka ga nga tèlèba, ka gu zuraʼa, ka gu amba; aman nga, nga gu ambaɓai.

Psaumes 39:9

Mbelyè auda te ri malihi ga tèlèba. Ka gu a ndohi falihai a ta ngwossahayè ɓai!

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 6:10

I gaɗa na ma wa, i gi malwuɗi a sam ngè, a ta fi géɗèʼa? Zlembaɗ tengaʼa nʼndèʼa, ta tsena ɓai. Ma Ndo nzi pèc pècèk ambaha ta ɓai, ta ngwossaha.

Ezéchiel 14:23

Ta da bid kinè, aman kin rka maya nshèffè ta, a skwi man ta giaʼa, a kin da suna, skwi tèlèba man i ga na kokwar, i gau ambali ka ɓai, Bi Zhiklè a gaɗa.

Ezéchiel 20:43

Te pa kin da hér civèɗ kinè a skwi tè-lèba man kin gau, man kin lizhè va kinè a vna, a ndara kinè a géɗ skwi man ambaɓi tèlèba man kin gau.

Ezéchiel 44:7

Kin va ta civèɗ a ndohi man verzi ta tsaɗ, ndohi man ngwon nʼngel ɓai, man ta ngwoda ndav ta ɓai, a ta shkè a sam ga nkezlaʼa, a ta dérɗèʼa, aman kin vau skwi nʼndi ga mbeza a Pombaz. Aranta kin pra nderzlè-ma ga, a skwi hori kinè tèlèba.

Ezéchiel 44:9

Gar haha Bi Zhiklè a gaɗa: Ndo man verzi na tsaɗ, ko wawa, man a ngwoda ndav na bai, man ngwon ta nʼngel bai, da shkè a sam ga nkezlaʼa bai, ko ndo wawa, man a zhè te ndev ndohi Israel.

Ezéchiel 6:9

Ndohi kinè man ta da mbél ta, ta da héryè te ndev ndohi nte deɓa, te kokwar man i de ta a pa, man i gedassama ta ndav man a hér mʼmbèh skwai a ta kwolyè, a i gedassa di ta man ta wèr vri a mʼmbèh skwi a vna. Skwi man ambaɓi tèlèba man ta gau, man ta gu skwi hori a sam ga, a da ndara ta;

Lèv. 26:24

i ba i Sala kinè va a gèɗ, a i ga kinè matakwan, sak tsaraɗ, a gèɗ mali kinè.

Lèv. 26:28

i woy a i gi ndav a géɗ kinè, a i ngeza kinè, sak tsaraɗ, a géɗ mali kinè.

Nombres 5:7

sèi ta ngreda mali man ta gau, a ta pil skwaʼa tèlèba, a ta vi skwi staɗ a vaʼa a verzi skwi 5, a ta va na ndo man ta gu metsar a sam na.

Matthew 23:12

Ko wawa man a woya a ngrè gèɗ na a ri na, ta da manda na gèɗ a hai. Ko wawa man a manda gèɗ na a hai a ri na, ta da slambaɗda na gèɗ.

Luke 14:11

Aman ko wawa man a grè gèɗ na a ri na, ta manda na gèɗ a hai. Ko wawa man a manda gèɗ na a hi a ri na, ta da slambaɗda na gèɗ na.

Luke 18:14

I gaɗa kinè: Nengaʼa a nʼndo ngwai a ndo nzuraʼa, nara ngiɗè ka ɓai. Ndo man a gre gèɗ na a ri na, ta manda na gèɗ a hai. Ndo man a manda gèɗ na a hai a ri na, ta da slambaɗda na gèɗ.

Actes 7:51

Kinè ndohi mèdègèɗ, ndav kinè a zlembaɗ kinè ntil ɓai, kin Sala na va a gèɗ a Mèzhèɓ Zhiklè nkezlaʼa pèc pècèk, lèmèlèmè ara babhi kinè.

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

Deutéronome 10:16

Gar haha va-tila ndav kinè, kin gu mèdègèd a ma ma ɓai!

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Deutéronome 31:21

Te deɓaʼa matakwan tsaɗ tsaɗ kumba, a nlèyè, a da gs ta, a dimèsh haha man a pca ta a gèɗ azɓai, a gi a skwi malwuɗi a sam ndohi haha. I sun skwi man ta hérè te ndav ta a vava, antanta langa, ga i de ta a kokwar man i mbaɗa a i da va ta.

Philippiens 3:3

Aman nga ngots nʼngél ngwon nzuraʼa, nga man nga gi mizlinè Zhiklè te Mèzhèɓ nengaʼa, a njégèr va nga a zhè, nengaʼa Yèsu Kristi; nga fi gèɗ a ndo ara nyakaɗ na ka ɓai.

Colossiens 2:11

Te nengaʼa kinè ndohai man ndav kinè ntila, ntétékè az a sam kinè asaɓai. Kin co Kristi te di man a ngél ngwon.