Lèv. 26:4 - Ma Zhiklè

⁴ i zlinda kinè iyam man tiɗè sama ma, a herkeda a yi skwi na, a wof a yi wud na.

Lèv. 26:4 ပူးပေါင်းရင်းမြစ်များ

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

Job 5:10

Nengaʼa a ngoko iyam a herkeda, a zlündo iyam a dala,

Psaumes 104:13

Ka ɓalka ta iyam a zahai a balak ngaya, vani ngaya a ruɓ herkeda.

Psaumes 67:6

Bi Zhiklè, ndohi herkeda da slebarde ka; sèi ta slebarde ka, ndohi herkeda tèlèba!

Psaumes 67:7

Herkeda a mva nga skwi na, Bi Zhiklè, Zhiklè nga, a pshè nga ma.

Psaumes 68:9

herkeda a ngudzau, giɗfèk ncizl na a sam di Bi Zhiklè, te Sinai, a sam di Bi Zhiklè, Zhiklè Israel.

Psaumes 85:12

Nlèbèslè a fee tʼherkeda, a ngi-zuraʼa a gudko gèɗ a hai te géɗèʼa.

Psaumes 85:13

Ndo nzi pèc pècèk a vi pombai, a herkeda nga agi skwai.

Esaie 30:23

Zhiklè a da vi iyam nzlekai, a dau te gi dau a gi ngurlaklakaʼa, nhuɓalaʼa. Skwi kinè a da ndi mandai a pats nasa a dalbara mbiaʼa.

Esaie 5:6

I woya a i gedassedaussa klèk. Ta sliɗè skwi te pa asaɓai, ta pizhè te pa asaɓai, a da y i sèi va-tak a nkuɗdzarai. I fa ta ma a gèɗ a vani-hai, da goko iyam a hi asaɓai.

Jérémie 14:22

Te va zhiklè-hi mbèh skwai ndohi herkeda, man ta gi iyam, a zhi dè? Giɗfek a gi iyam a ri na dè? Ka, Ndo nzi pèc pècèk, Zhiklè nga, ka ɓi dè? Nga zhèrè te ri ngaya; aman ka, ka ngu skwi haha tèlèba.

Ezéchiel 36:30

I gi aman nyi wof a zhè a vata, a skwi te dak, a kin ngècè hori a di a sam ndohi herkeda azɓai a géɗ mi man a keɗ kinè.

Joel 2:22

Kin skwi dakhai, kin gu zlau ɓai, aman sam mandai a dai zaʼa, wof a yi skwi na, wof kslor a wof te gi lak ta pi wuda kumba zaʼa.

Lèv. 25:19

a herkeda a yi skwai, a skwi nʼndi dèʼa kinè, kin nza genè.

Lèv. 25:21

i woy a i pshè kinè ma te mvi mamokwaʼa, a skwi a dèʼa kinè te di mvi makar.

Zacharie 8:12

Aman antanta i tsi gumai. Skwi te gi wof barassa a zhè, herkeda a yi skwai, giɗfek a prè minmèn. Njèkèɗi ndohi ta ngècè skwi haha tèlèba a skwi ta.

Matthew 5:45

aman kin ndi a wudahi Bab kinè te zhiklè. Nengaʼa a gi aman pats a vèngè a géɗ ndohi ambaɓihiaʼa, a géɗ ndohi man amba, a gi aman iyam a shkèhai a géɗ ndohi nzuraʼa, a géɗ ndohi nzura ka ɓai, cèw ba.

Actes 14:17

Aman a mva ta skwi malwuɗi a skwi man amba kumba man a giaʼa: iyam te zhiklè a via, a ta ɓicè skwai, a ngu aman ndav ta latsatsaʼa a skwi nʼndai, a ta wuf-fè.

Deutéronome 11:13

Aman kin da cinè ma nkwèr ga man i njè kinè a gèɗ a patsna, a kin woy Ndo nzi pèc pècèk, Zhiklè kinè, a kin gi mizlinè nengaʼa a ndav kinè tèlèba, a nshèffè kinè tèlèba,

Deutéronome 11:14

i da vi iyam a kokwar kinè, aman tidè sam na; iyam nzlekai, a iyam via; a kin da ɓicè dau kinè a marori kinè a mbar kinè.

Deutéronome 28:12

Ndo nzi pèc pècèk a da winè gi mèshèlè nengaʼa te giɗfèk, a da zlindè iyam tiɗè samaʼa, a da pshè na ma mizlinè ri ngaya. Ka da va ta skwi a ndohi herkeda kumba; aman ka, ka jhèɗè skwi a sam ta azɓai.

Jacques 5:7

Gar haha vo-zhor skwi a ma ma, dalahimam ga, ha pats man Bai Yèsu a shkè. Na haha, ndo mpizhè a zhèrèʼa, aman herkeda a cko nyi mbelaʼa auda, a zhèrè a ma ma, aman a ngècè iyam nzlekai, a iyam ngrè skwai.

Apocalypse 11:6

Tengaʼa ta ngots wuɗi-bai a ta pizlè giɗfèk, aman iyam a shkèhi azɓai, a pats man ta hodko ma. A ta ngots wuɗi-bai a géɗ iyamhi aman ta ngwèdè ta a pombaz, a ta faha matakwan tsaɗ tsaɗ a herkeda, pèc pècèk ara man ndav ta a woyaʼa.