Lèv. 26:36 - Ma Zhiklè

³⁶ A njèkèɗia te ndev kinè i gi a ndav tengaʼa a mbeɗè te kokwar mayamhi tengaʼa. Ngidè ko kwolala vah wof a dzam ta, ara man ta hi auda a sam tsakwal, a ta kèlèhai, ko ndo a dzam ta azbai.

Lèv. 26:36 ပူးပေါင်းရင်းမြစ်များ

Genèse 35:5

Te deɓaʼa ta slambaɗa. A zlau Zhiklè a ndza ta ndohi kokwar tèlèba, a ta dzar ta wudahi Israel ɓai.

Genèse 4:12

Ka da pizhè gi dau, skwi a gi a pa azbai; ka da fi verzi a hi a sam nstaɗ azɓai; ka da hi a sam ngiɗè a sam ngiɗè a géɗ herkeda.

II Chroniques 14:14

Ta duma kuɗomhi ba, a ta hul tambakihi a zlugumihi a vata. Te deɓaʼa ta men ta a deɓa a kokwar Jérusalem.

Job 13:25

Ka woy a ka hèsh vah man kozlar a hèdèʼa, ka woy a ka hi a verzi kuza man kozlar a hèdèʼa dè?

Psaumes 53:5

Ndohi malihai, maya ta azɓi dè, man ta woy a ta ndi ndohi ga a ma a dai, ara man ta ndi movar, a ta tsi ri Bi Zhiklè azɓai.

Psaumes 53:6

Zlau mbiaʼa a dza ta, a sam man zlau az a pa ɓai. Aman Bi Zhiklè a da ksarda vataslhi ndohi nderdè Zhiklè. Ta da ngècè hori a dai; aman Bi Zhiklè a kwol ta.

Psaumes 89:43

Ka zlatsede ta ri a ndohi shèwa nengaʼa a vata, ka gu a mayamhi nengaʼa ta wuffè tèlèba.

Proverbes 28:1

Ndo ambaɓiaʼa a hi na, ko ndo a hi a verzi nengaʼa azɓai; aman ndo nzuraʼa a nza, a gi zlau azɓai, ara marizhèlè.

Esaie 30:17

Ndohi gozhèm gozhèm kumba ta da hi ta auda a sam ndo staɗ man a guv ta. Kin hi kinè a sam ndohi zlam man ta guv kinè, skwi ngiɗè a jèka a sam kinè azɓai, sèi bata kinè a géɗ za, a ndohi ta sen kinè te pa.

Esaie 7:2

A ndohi ngiɗè ta hodko ta ma haha a ndohi gi David: Ndohi Syrie to do a ta derzla ma ta a ndohi Ephraim. A ndav bi a ndav ndohai mʼmana hi ɓai, ara wof te dak man a nzi tètè azɓai te ri kozlar.

Esaie 7:4

Gaɗa na: Gu maya a ka nza tètè, ka gu zlau ɓai, ndav ngaya da gudzu ɓai a géɗ pèmbèzh cèw haha man vodzok a ɗüzhè a pa, a géɗ ndav Retsin a Syrie a kra Remalia, man a vècè ara vogwa.

Jérémie 37:10

Ko kin bazl ta ndohi var Chaldée tèlèba, man ta gi var a kinè, njèkaha a sam tengaʼa sèi ndohi man tsakwal a nga ta mblè a va, ta da slèmbèɗè te gi ta, staɗ staɗ tèlèba, a ta fa na vogwa a kokwar haha.

Jérémie 46:16

a nslafaɗama ta sak a ndohi kumba, ngiɗè a kèlè a géɗ mandai na, ngiɗè a gèɗ mandai na. Ta gaɗa: Va-slambaɗa! Ngo-dokoy a deɓa a sam ndohi nga, a kokwar bab nga, a gèɗ tsakwal man a gedas nga.

Lamentations de Jérémie 1:3

Ta hel ta ndohi Juda a ma a ɓèlè, ta pe ta a mizlinè bèlè. Ta nzi a ndev ndohi nte deɓa, ta ngècè nshèk va azɓai. Ndohi tèlèba man ta paraha ta, ta gats ta te ndev matakwan.

Lamentations de Jérémie 1:6

Nʼnjèl kokwar Sion tèlèba klèng. Wud bihi tengaʼa lèmèlèmè ara mènèɗ. A mèdèp ta ngècè mandi azɓai. Ta hi a ma ndo ndzam ta, aman wuɗi ta asaɓai.

Lamentations de Jérémie 4:19

Ndohi mparaha nga a ta hu a fena mangayak tʼhwaɗ giɗfèk. Ta hu a verzi nga a géɗ za, ta pa nga va a hai tʼhèshèkèɗ.

Ezéchiel 21:12

Aman ta da gaɗa ka: Ka sakat ngaya èhèmè? Ka gaɗa: A géɗ ma man i tsenaʼa. Aman a da gi arsa, ndav ndohi tèlèba a da mbéɗ na, ri tèlèba a wushahai, tukwal a te ndav ta bai, gur-mbèzh a ndi na. Na haha a shkè, na zhè ma, Bi Zhiklè Ndo nzi pèc pècèk a gaɗa.

Ezéchiel 21:15

Mpeza, aman a bèzlè skwai, mpeza aman a si dai.

Ezéchiel 21:7

Ka ndo, peda di a civèɗ kokwar Jérusa-lem, goɗ ma ngaya a géɗ sam nkezlaʼa, hod ma a géɗ herkeda Israel!

Osée 8:3

Aman Israel a zukda skwi man ambaha aussa a sam na, ndo mayam a da paraha.

Lèv. 26:17

I ngwoda kinè gèɗ a va, a mayamhi kinè ta da dum kinè. Ndohi shèwa ta gi bi a gèɗ kinè, a kin hi kinè, ko ndo nha a verzi kinè ɓai.

Lèv. 26:35

Mvi tèlèba man a nʼnza ara hèshèkèd, a shèk va, nshèk va man kin va na bai, te va man kinè te pa.

Deutéronome 1:44

A ndohi Amor man ta te za, ta shkè a ta gu var a nda kinè, ta hu a verzi kinè ara vongwom, a ta dzam kinè, ha ndè Seir, ha ndè Horma.

Josué 5:1

Aman bihi Amor tʼwud woyam Jourdain, te civèɗ nkèl pats tèlèba, a bihi Canaan a ma iyam mbiaʼa, ta tsenaʼa, ara man Ndo nzi pèc pècèk a ngwora iyam woyam Jourdain a ma ndohi Israel, ha ta tawaɗa woyam Jourdain ma, ndav tengaʼa a mʼmbeɗ na. Zlau a ndza ta a sam ndohi Israel.

Josué 7:5

Ndohi Ai ta bazl ta ndohi Josué a gi 36, a ta dzamka ta njèkèɗi ndohai auda a ntamagi kokwar, ha ndè a Shebarim. A ta bazl ta, man ta sulomahai a godok. A ndav ndohi Josué a mʼmbeɗ na, a ngwodama ta gèɗ.

I Samuel 17:24

Ndohi Israel tèlèba ta hu ta, aman ta rka ndo sa; ta gu zlau nengaʼa.