Lèv. 26:33 - Ma Zhiklè

³³ Aman kinè, i woy a i ksar kinè a ndev ndohi herkeɗa, a i gedka kinè tsakwal, a herkeda kinè a ndi a hèshèkèɗ, a kokwar kinè a mbeɗ na a ngi a dikai.

Lèv. 26:33 ပူးပေါင်းရင်းမြစ်များ

I Rois 8:46

Man ta gu mali a sam ngaya – ndo man a gi mali azɓi ba, azɓai – a ka gi ndav a géɗ tengaʼa, a ka pa ta a ri a mayamhi tengaʼa, a ndohi ndum ta ta hel ta a ɓèlè a kokwar ta, ko dra ko ndul ndul,

II Rois 25:9

a nfa na vogwa a gi Zhiklè, agi bai, a gihi Jérusalem tèlèba. A gi ndohi mbibihiaʼa tèlèba, a nfa ta vogwa.

II Chroniques 7:19

Aman kin da ngwoday deɓa, a kin jèkeda ma nkwèr ga a ma kita ga, man i va kinè, a kin dè a kin jèjèr zhi-klèhi ngiɗè, a kin tsi ri a tengaʼa,

Néhémie 1:3

A ta gaɗayè: Njèkèɗi ndohi man ta shkè a deɓa te ɓèlè, skwi mwuɗitpa a ga ta, hori a dza ta. Zlazlar Jérusalem mʼmbeɗ na. Ntamagi kokwar, vogwa a nʼndeda ma.

Néhémie 1:8

Hur ma man ka gaɗa na Moise, ɓèl ngaya: Aman kin gi mali a sam ga, i venda kinè a va ndohi herkeda.

Esther 3:8

Haman a ngaɗa na bi Assuérus: Ndohi ngiɗè ta zhè, ta venda te va ndohi kokwar bi ngaya, ta kuzlko va ta auda a sam ndohi ngiɗè, ma kita tengaʼa ara ma kita ndohi herkeda ngiɗè ka ɓai,, ta jèjèr ma kita bi azɓai. Ambaɓai aman bai a jèke ta arsa.

Psaumes 106:27

Sèi i wushede ta ndohi te verzi tengaʼa a va ndohi nte deɓa, a i ksar ta a gèɗ herkeda tèlèba.

Psaumes 44:11

Ka gu aman ndohi mayamhi nga ta dzam nga, a ndohi shèwa nga ta dum nga a ta helama nga skwai.

Psaumes 44:12

Ka pe nga a ri a tengaʼa, ka pe nga a tambakihai man ta zlama nga daʼai; ka venda nga gèɗ a va ndohi nte deɓa.

Esaie 1:7

Herkeda kinè nara hèshèkèɗ. Kokwar kinè, vogwa a nʼndeda ma. Gi dau kinè, ndohi ngiɗè ta ndeda ma a sam di kinè. A nde na hèshèkèɗ, ara Sodome man a ngedas na.

Esaie 6:11

A i gaɗa: Bi Zhiklè, ta ngèmè? A nengaʼa a ngaɗa: Ha kokwarhi ta nde ta a hèshèkèɗ, ndohi a te pa asaɓai, ndo a te gi asaɓai, a gi dau tèlèba a nʼnde na a hèshèkèɗ ma.

Jérémie 13:24

Gar haha i woya a i ksar ta ara kuza man kozlar hèshèkèɗ a hilèʼa.

Jérémie 15:4

Aranta i da ga ta matakwan man kokwar-bihi tèlèba a géɗ herkeda ta gi zlau te riaʼa; a géɗ skwi tèlèba man Manassé, kra Ezéchias, bi Juda, a gu te Jérusalem.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 4:7

Marizhèlè a hakaɗauda tʼhwaɗ vah ma, ndo ngedassa ndohi kokwar a nslambaɗa a sam nʼnzi na, aman a dè a gédèshè kokwar ngaya, a ndeda a hèshè-kèd, a gédèshè kokwar ngaya, a ndo a nzi a pa azɓai.

Jérémie 7:34

I da zede dimèsh mwuffè a lalau mwuffè a mwuffè ntsima, a mwuffè medemai te kokwar Juda, a civèɗ Jérusalem; kokwar a ndi na hèshèkèɗ.

Jérémie 8:3

Njèkèdi verzi ndohi ambaɓihia haha, ta da woy mʼmetsai a fena nshèffè, a sam tèlèba man i dzam ta a pa, Ndo nzi pèc pècèk a gaɗa.

Jérémie 9:16

I da ksar ta a va ndohi herkeda man ta sen ta ɓai, ko tengaʼa ko babhi ta, a i zlinda ta tsakwal a verzai, ha i ndev ta tèlèba.

Lamentations de Jérémie 1:1

Wobau! Ani kokwar a gi mbelawa, man halaʼa ndohi kumba te pa! A nʼnde na dikai, man halaʼa mbiaʼa te ndev kokwar bihai. Halaʼa, mba nengaʼa a géɗ kokwar; antanta bèlè.

Lamentations de Jérémie 1:3

Ta hel ta ndohi Juda a ma a ɓèlè, ta pe ta a mizlinè bèlè. Ta nzi a ndev ndohi nte deɓa, ta ngècè nshèk va azɓai. Ndohi tèlèba man ta paraha ta, ta gats ta te ndev matakwan.

Lamentations de Jérémie 4:15

Va-kazla ta auda a tsagai – ndohi nlizhèʼa. Va-kazla ta auda a tsagai, va-kazla ta auda a tsagai, kin lama ta ɓai! Aman ta woy a ta bizhè zlawa, da nza a haha ɓai!

Lamentations de Jérémie 4:16

Ndo nzi pèc pècèk a ri na a nvenda ta gèɗ, a woya a nrka ta ɓai. Ndo mvi skwi a Zhiklè a nfa na gèɗ ɓai, ndohi nhalaʼa ta sia te va azɓai.

Ezéchiel 12:20

Kokwar man ndohi ta nza a pa, ta mbeɗ ta, a kokwar a ndi na hèshèkèɗ, a kin suna, i Ndo nzi pèc pècèk.

Ezéchiel 20:23

Te deɓaʼa iyè i mbaɗa ta, a ri ngeda te zhiklè, tʼhèshè-keɗ, aman i woy a i ksar ta a va ndohi nte deɓa, a i venda ta gèɗ a kokwar ngiɗè,

Ezéchiel 22:15

I da venda ka gèɗ a va ndohi nte deɓa, i ksarde ka a va ndohi herkeda, a i da zeda ka skwi ngaya nlizhèʼa aussa.

Ezéchiel 5:2

ngiɗè ka fa na vogwa te ndev kokwar, a pats man nʼnzi a ma kokwar klèng. Ngidè ratsaʼa a kafahi gwèsh a ka ksarda a der kokwar tèlèba. Ngidè wusheda na ma kozlar. I woy a i da bazl ta ndohi a tsakwal.

Osée 9:6

Na haha, sèi ta dè a kokwar Assyrie, ndohi Egypte ta da ɓic ta, a ndohi Memphis ta da re ta a vèvèɗ. A sam man skwi mèshèlè tengaʼa, kuɗdzarai a ftskaɗa pa, a sam gi tengaʼa vatak a ftskaɗa pa.

Amos 9:4

Aman ta dè a ma mayamhi tengaʼa, ndzawaʼa, i hil tsakwal a i bazl ta. I pa ta di ambaɓiaʼa, a i pa ta di mbelaʼa azɓai.

Zacharie 7:14

A i ksar ta te ndev ndohi herkeda man ta sun ɓai, a herkeda a nʼnde na hèshèkèɗ te deɓ tengaʼa, ndo a shèwèlè te pa azɓai. Ta ngwoda herkeda mbelaʼa aranta a hèshèkèɗ.

Luke 21:24

A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Deutéronome 4:27

Ndo nzi pèc pècèk a da ksar kinè a va ndohi herkeda, njèkè kinè kètè genè te va ndohi herkeda man Ndo nzi pèc pècèk a de kinè a pa.

Jacques 1:1

Iyè Jacques, ɓèl Zhiklè, ɓèl Bi Yèsu Kristi, a sam verzi ndohi Zhiklè 12, man ta ksar ta. I ga kinè mbalai!