Lèv. 26:31 - Ma Zhiklè

³¹ I da mbeɗda kokwar kinè a dikai, a i gedassa sam kinè nkezlaʼa, a skwi man kin vayè da zhkèhayè a htsan bai!

Lèv. 26:31 ပူးပေါင်းရင်းမြစ်များ

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

II Rois 22:19

A géɗ man ka hur te ndav ngaya a ka manda gèɗ a hi a sam Ndo nzi pèc pècèk a pats man ka tsena ma man i goɗ a géɗ sam haha, a géɗ ndohi kokwaraʼa, ara man i phomde ta, a ta ndi a skwi man a ndèrè a ndo; a géɗ man ka kuratseda maslaka ngaya aussa, a ka kuɗau a sam ga – i ba i tsena ntsi ri ngaya, Ndo nzi pèc pècèk a gada.

II Chroniques 36:19

Ta fa na vogwa a gi Zhiklè, ta mbeɗa zlazlar Jérusalem, ta fa na vogwa a gihi bi nengaʼa tèlèba, a ta gedassa kolongwi mbelaʼa tèlèba.

Néhémie 1:3

A ta gaɗayè: Njèkèɗi ndohi man ta shkè a deɓa te ɓèlè, skwi mwuɗitpa a ga ta, hori a dza ta. Zlazlar Jérusalem mʼmbeɗ na. Ntamagi kokwar, vogwa a nʼndeda ma.

Néhémie 2:17

Te deɓaʼa i gaɗa ta: Kin rka skwi mwuɗitpa man a ga nga, ara man Jérusalem ngedas na, a vogwa a nʼndeda ntamagi nengaʼa a ma. Vo-washkè, ngo-romokoy zlazlar Jérusalem zaʼa, a ngo-cokoy hori auda a di nga!

Néhémie 2:3

a i gaɗa na bai: Bi da zhè a nshèffè! Di ga a gi beswutaʼa azɓi èhèmè? Kokwar man ta rda babhi ga a pa, ngedas na, vogwa a nʼndeda ntamagi kokwar a ma.

Esaie 1:7

Herkeda kinè nara hèshèkèɗ. Kokwar kinè, vogwa a nʼndeda ma. Gi dau kinè, ndohi ngiɗè ta ndeda ma a sam di kinè. A nde na hèshèkèɗ, ara Sodome man a ngedas na.

Esaie 6:11

A i gaɗa: Bi Zhiklè, ta ngèmè? A nengaʼa a ngaɗa: Ha kokwarhi ta nde ta a hèshèkèɗ, ndohi a te pa asaɓai, ndo a te gi asaɓai, a gi dau tèlèba a nʼnde na a hèshèkèɗ ma.

Esaie 63:18

Ndohi nderɗa Zhiklè ta bizhè a ndev gi Zhiklè, a ndohi mayamhi ta mbatsaha sam ngaya nkezlaʼa a sak èhèmè?

Esaie 64:9

Kokwar-hi ngaya nkezlaʼa ta ngwode ta a hèshèkèɗ, Sion nʼnde na hèshèkèɗ, Jérusalem a diki kokwar.

Esaie 66:3

Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Jérémie 22:5

Aman kin da tsena ma haha ɓai, iyè i mbèɗè te ma ga, Ndo nzi pèc pècèk a gaɗa, gi haha da gedas na!

Jérémie 26:6

i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 26:9

Ka hodko ma a nzlembaɗ Ndo nzi pèc pècèk, a ka gaɗa: Gi haha a da gi lèmèlèmè ara Silo, kokwar haha a da gedas na, ndo a nzi a pa azɓai, èhèmè? A ndohi tèlèba ta humda na va a gèɗ a Jérémie te gi Zhiklè.

Jérémie 4:26

I pu di a Carmel, na haha hèshèkèɗ; kokwar nengaʼa ngedas na, a géɗ man Ndo nzi pèc pècèk a gi ndav.

Jérémie 4:27

Aman Ndo nzi pèc pècèk a goɗ ar haha: Herkeda tèlèba a da gédèsh na; aman i woy a i zeda a mèdèp ɓai.

Jérémie 4:7

Marizhèlè a hakaɗauda tʼhwaɗ vah ma, ndo ngedassa ndohi kokwar a nslambaɗa a sam nʼnzi na, aman a dè a gédèshè kokwar ngaya, a ndeda a hèshè-kèd, a gédèshè kokwar ngaya, a ndo a nzi a pa azɓai.

Jérémie 44:2

Zhiklè bi mbiaʼa, Zhiklè Israel, a goɗ ar haha: Kin rka skwi ambaɓia tèlèba man i ga na Jérusalem, a kokwarhi Juda tèlèba. A patsna diki tèlèba, ndo a nzi a pa azɓai.

Jérémie 44:6

Te deɓaʼa ndzoan ga mwuɗitpa a ngau, a nfa na vogwa a kokwarhi Juda tèlèba, a civèɗ Jérusalem, ta mbeɗ ta, ta ga a dikai, ara man a zhè a patsna.

Jérémie 52:13

a nfa na vogwa a gi Zhiklè, a gi bai, a gi te Jérusalem tèlèba. A nfa ta vog-wa a gihi mbibihiaʼa tèlèba.

Jérémie 9:11

I da mbeɗɗa Jérusalem a hai, a i ndeda a gi skwi dak. I ndeda kokwar Juda a hèshèkèd, a ndo a nzi a pa azɓai.

Lamentations de Jérémie 1:1

Wobau! Ani kokwar a gi mbelawa, man halaʼa ndohi kumba te pa! A nʼnde na dikai, man halaʼa mbiaʼa te ndev kokwar bihai. Halaʼa, mba nengaʼa a géɗ kokwar; antanta bèlè.

Lamentations de Jérémie 1:10

Ndo mayam a ntorko ri a va skwi mbelaʼa te Jérusalem tèlèba, Jérusalem a nrkaʼa ara man ndohi nte deɓa to do a gi nenga nkezlaʼa, man ka fa ta ma a gèɗ: do do a va mpi ndohi nengaʼa ɓai!

Lamentations de Jérémie 2:6

A ngedassa gi na, a nzeda sam mɓicè-va nengaʼa. Ndo nzi pèc pècèk a ngu aman sam ngolala, a pats nshèk va, a pca, ta a gèɗ a ndohi te Sion, a nkwol ta bihai a ndohi mvi skwi a Zhiklè a ndav man a dza na kumba.

Lamentations de Jérémie 2:7

Bi Zhiklè a nkwola sam man ta va na skwi a pa, a woya sam nengaʼa nkezlaʼa ɓai, a mpa na zlazlar gihi bi Sion a ri a mayamhai. Ta tsi lalau mwuffe te gi Ndo nzi pèc pècèk lèmèlèmè ara pats ngolala.

Ezéchiel 12:20

Kokwar man ndohi ta nza a pa, ta mbeɗ ta, a kokwar a ndi na hèshèkèɗ, a kin suna, i Ndo nzi pèc pècèk.

Ezéchiel 21:15

Mpeza, aman a bèzlè skwai, mpeza aman a si dai.

Ezéchiel 21:7

Ka ndo, peda di a civèɗ kokwar Jérusa-lem, goɗ ma ngaya a géɗ sam nkezlaʼa, hod ma a géɗ herkeda Israel!

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Ezéchiel 6:6

A sam kinè tèlèba kokwarhi ta da ndi ta a hèshèkèɗ; a sam mvi skwi a Zhiklè sèi da gedas ta, a ta ndev ta. Mblomhi kinè sèi ta zukde ta a hai; skwi man kin gu a ri kinè da ze na.

Ezéchiel 9:6

Va-bazl ta tèlèba, ko babgai, ko gola, ko bidali, ko kra, ko ngwoz, va-zede ta! Aman ko wawa man lamba mwindèʼa a medi na, kin lama na bai. Va-hüno a sam ga nkezlaʼa. A ta hüno a sám ndohi nhalaʼa man ta zhè te gi Zhiklè.

Daniel 2:46

A bi Nebucadnetsar a nkalahai a deɓ sak Daniel, a ntsa na rai, a ngoɗ aman ta va na skwai, a ta ndara na skwai.

Amos 7:9

Mblomhi a géɗ za man a Isaac, a sam mʼmbèh skwai man a Israel, i da gedas ta. A i da bazl ta ndohi Jéroboam a tsakwal.

Michée 3:12

A géɗ kinè, Sion a da ndi a gi dau man ta pizhè te pa. Jérusalem a di a da mbéɗ na, a za man gi Zhiklè te pa, a da ndi a sam nhèyè-wof.

Sophonie 3:6

I gedassa kokwar-bihai, gi ndohi ngurèʼa te va zlazlar kokwar ta mbeɗ ta, ndo a bizhè a civèɗ tengaʼa azɓai, ndo a shèwèlè te kokwar azɓai, kokwar tengaʼa ndumda ma, ndo a te pa ɓai, ndo a nzi a pa azɓai.

Luke 21:24

A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Actes 6:14

Nga tsena ara man a gaɗa: Yèsu ndo Nazareth a di a gedassa sam haha, a ngwèdè tsuf haha man Moise a va nga.

Hébreux 10:26

Aman nga gi mali a wuɗai, te deɓaʼa man nga sun ma nzuraʼa ma, nga slaha nga zli skwi a géɗ malihi asaɓai.