Lèv. 26:14 - Ma Zhiklè

¹⁴ Aman kin da gi mèdègèɗ a sam ga, a kin dzodzor ma nkwèr ga tèlèba bai,

Lèv. 26:14 ပူးပေါင်းရင်းမြစ်များ

II Rois 22:13

Vo-do, vo-dzhoɗo a sam Ndo nzi pèc pècèk a géɗ ga, a géɗ ndohai, a géɗ Juda tèlèba, a géɗ ma ɗèlèwèr haha man ta ngotso; aman Ndo nzi pèc pècèk a gi ndav kumba a géɗ nga, a géɗ man babhi nga ta fa na gèɗ a ma ɗèlèwèr haha tèlè ɓai.

II Chroniques 34:24

Na haha i da zlindè matakwan a sam haha, a géɗ ndohi haha, ma mphomdaʼa tèlèba man mwinda te ɗèlèwèr man ta jongo a sam bi Juda.

II Chroniques 7:19

Aman kin da ngwoday deɓa, a kin jèkeda ma nkwèr ga a ma kita ga, man i va kinè, a kin dè a kin jèjèr zhi-klèhi ngiɗè, a kin tsi ri a tengaʼa,

Psaumes 81:12

Aman ndohi ga ta tsena ma ga bai, Israel a nfa gèɗ a ma ga bai.

Proverbes 3:33

Ndo nzi pèc pècèk a phomde gi ndohi man ambaɓai, a pshè ta ma a gi ndohi nzuraʼa.

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 17:27

Aman kin da tsena ma ga ɓai, kin kezla pats nshèk va ɓai, a kin zhɗɓ skwi a gèɗ, a kin bizhè a ntamagi Jérusalem a pats nshèk va a vna, i da fa na vogwa a ntamagi nengaʼa, a da ndeda gihi bi te Jérusalem a ma, a mbècè azɓai.

Jérémie 26:4

Da gaɗa ta; Ndo nzi pèc pècèk a goɗ ar haha: Aman kin tsena ma ga ɓai, a kin jèjèr ma kita ga azɓai man i va kinè;

Jérémie 28:8

Ndohi nhadka ma man ta zhè, ga i shkè, ga ka shkè, daga halaʼa, ta hodko ma var, ma matakwan, ma gidiɓèr a herkeda kumba, a kokwarbihi mbibihiaʼa.

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Jérémie 40:2

Bi ndohi sojè a nco Jérémie, a ngaɗa na: Ndo nzi pèc pècèk, Zhiklè ngaya, a nhodko ma matakwan a géɗ sam haha.

Lamentations de Jérémie 1:18

Ndo nzi pèc pècèk, nzuraʼa, Iyè, i gu mèdègèɗ a sam ma nengaʼa. Ndohi herkeda, va-tsenaʼa, kin tèlèba, va-rka skwi man a dzayè! Dalahi ga a golahi ga ta hel ta ma a ɓèlè.

Lamentations de Jérémie 2:17

Ndo nzi pèc pècèk a nrufa skwi man a huro, a ngu skwi man a nguv ta a vna halaʼa: A mbeɗdahai, a sia te va azɓai, a ngu aman ndo mayam a wuffè a géɗ nengaʼa, a mva ta wuɗi a ndohi nʼnga ka matakwan.

Daniel 9:13

Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Osée 7:12

Aman ta dè, i pi votok a hai a i gs ta ara ɗiakihai tʼhwaɗ gidfèk, a i ga ta matakwan a géɗ shèwa tengaʼa.

Lèv. 26:18

Aman ko gar haha kin gi mèdègèɗ a sam ga genè, i ga kinè kita holholaʼa, sak tsaraɗ, a gèɗ mali kinè.

Mal. 2:2

Aman kin fi zlembaɗ azɓai, a kin fi gèɗ a kin njèl nzlembaɗ ga azɓai, i pra kinè ma man a phomde kinè a gèɗ, a i ngwode mpshè ma kinè a ma mphomdaʼa. Halau, i da phomde kinè, te man kin fi gèɗèʼa azɓai.

Actes 3:23

A gi ar haha: aman ko wawa man a tsena ma ndo nhadka ma haha ɓai, ta da gedassedaussa te ndev ndohai.

Hébreux 12:25

Va-gu maya, kin kwola ma nengaʼa man a gèɗè ɓai! Aman tengaʼa man ta kwola nengaʼa, man a goɗ tʼherkeda, ta mbel ta ɓai, holholaʼa aman nga kwola nengaʼa man a gèɗè te zhiklè.

Josué 23:15

Lèmèlèmè ara man ma Ndo nzi pèc pècèk, Zhiklè kinè, mbelaʼa, man a mpasla kinè rai, nʼngaʼa; lèmèlèmè ma ambaɓiaʼa ba a da gi arsa a sam kine, ha pats man Ndo nzi pèc pècèk, Zhiklè, a gedas kinè tʼherkeda mbelaʼa man a mva kinè.

Juges 2:15

Pèc pècèk man ta dè var, ri Ndo nzi pèc pècèk a ngwodka ta va a gèɗ, ara man Ndo nzi pèc pècèk a ɗifa ta ri a dai, a mbaɗa ta pats ngiɗè a ta kala a matakwan mbiaʼa.

I Samuel 12:15

Aman kin da fi zlembaɗ a ma Ndo nzi pèc pècèk azɓai, a kin gi mèdègèɗ a sam ma man Ndo nzi pèc pècèk a gaɗa kinè, kita Ndo nzi pèc pècèk a zhè a gèɗ kinè, a géɗ bi kinè.