26 Aman a ngècè ndo man a suma na skwi na a deɓa azbai, aman a slaha a nʼngècè Suli a ri na, a sumkaɗa deɓa.
Aman kramam ngaya a tawass na, a mpreda dak na a ma, sèi gwoli na man ta mbakaɗa hwaɗ da shum skwi man kramam nengaʼa a mpreda ma a deɓa.
Da ngra mvi man a mpreda ma, da menda na njèkèɗi Suli a deɓa a ndo nsumaʼa, a gi a skwi na zaʼa.
Man ɓai kük na, man ɓai kramam bab na da sumkaɗa deɓa, man bai gwoli na ngiɗè man verzi ta staɗ. Aman skwi na a zhè, da suma va na a deɓa a ri na.
Aman a slaha a mvi tambak a ɓok bai, da pu ngudokwarhi cèw, man bai nkuɗhomhi cèw, man ta gra tok-tok, a Ndo nzi pèc pècèk, a pela gèɗ mali na a vna; ngiɗè a géɗ malai, ngiɗè aman a ndara na a Zhiklè.