Lèv. 20:3 - Ma Zhiklè

³ I ngwoda na gèɗ a va ndo sa, a i zedkoɗauda te va ndohi na, a gèɗ man a mva na kra na staɗ a Moloc, a lizhè sam ga nkezlaʼa, a dérɗè nzlembaɗ ga nkezlaʼa.

Lèv. 20:3 ပူးပေါင်းရင်းမြစ်များ

Exode 30:33

Ndo man a ntsakasla, man mizlinè nengaʼa ka bai, ndo man a tsaka na ndo a dala, da gedassedaussa te va gwoli na.

Ezéchiel 20:39

Kinè, ndohi Israel, Bi Zhiklè a goɗ ar haha: Vo-do, staɗ staɗ te ndev kinè da gedassa a skwi mbèh skwi na! Aman te deɓaʼa kin cinè ma ga. A kin derɗa nzlembaɗ ga nkezlaʼa a skwi man kin mbèhèʼa azɓai.

Ezéchiel 5:11

Gar haha, ara man a vava i zhè, Bi Zhiklè Ndo nzi pèc pècèk a gaɗa, a géɗ man ka lizhè sam ga nkezlaʼa a skwi mbèh skwi man hori te pa, i ba i woy a i kwol ka, i woy a i pi di mwoy-ndo azɓai, ta siyè te va azɓai.

Lèv. 15:31

Aranta sèi kin pan ta ndohi Israel te skwi nlizhèa, man bai ta metsi ta, a géɗ skwi man a lizhè va ta, a ta lizhè gi ga man a zhè te ndev tengaʼa a vna.

Lèv. 17:10

Ko wawa man a ndi Pombaz, ko te ndev ndohi Israel, ko te ndev mbrokihai man ta zhè a sam ta, i ngwoda na gèɗ a va ndo sa, a i zedkoɗauda te va ndohi na.

Lèv. 18:21

Ka vau kra ngaya a Moloc bai; ka derdè nzlembaɗ Zhiklè a vna. Iyè Ndo nzi pèc nècèk.

Lèv. 19:12

Kin mboɗ a ncèkèlma a nzlembaɗ ga bai, man bai kin derɗa nzlembaɗ Zhiklè kinè a vna. Iyè Ndo nzi pèc pècèk.

Lèv. 20:4

Aman ndohi ta jèkeda ndo aranta, ta keɗa bai, ko a mva na kra na a Moloc,

Lèv. 21:6

Tengaʼa ndohi nkezlaʼa a sam Zhiklè ta, a ta dérɗè nzlembaɗ Zhiklè tengaʼa azbai; te man ta va na skwi a Ndo nzi pèc pècèk te vogwa, movar Zhiklè ta; gar haha sèi ta nzi ara ndohi nkezlaʼa.

Lèv. 7:20

Aman ndo man a ndi zluèɗ skwi man ta va na Zhiklè te pombai, a ndav nlizhèa, sèi da zedkoɗauda te va gwoli na.

Lèv. 7:21

A ndo man a lama na skwi nlizhèa, ko ndo man skwi a nlizhèa a va na ko skwi kudom nlizhèa, ko skwi nda a hwaɗ nlizhèa, a ndi zluèɗ man ta va na Zhiklè te pombai, sèi da zedkoɗauda te va gwoli na.

Nombres 19:13

Ko wawa man a lama na nckondo wawa, a pènè va na azɓai, a lizhè gi Ndo nzi pèc pècèk. Ta da zede nshèffè ndo matsa te va ndohi Israel. A gèɗ man ta guca iyam mpèn malai a va nengaʼa ɓai, a nzi ara ndo nlizhèa, a skwi nlizhèa a zhè a va nengaʼa dai.

Nombres 19:20

Aman ndo man nlizhèa, a pènè mali nengaʼa azɓai, sèi ta zede nshèffè nengaʼa auda te va mpi ndohai, te man a lizhè sam nkezlaʼa a Ndo nzi pèc pècèk; ta guceda iyam mpèn malai a va nengaʼa ɓai.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

1 Peter 3:12

Aman di Bi Zhiklè a zhè a gèɗ ndohi nzuraʼa, a fi zlembaɗ a ntsi ri tengaʼa. Aman a sassaya di na a sam ndohi man ta gi skwi man ambaɓai.