Lèv. 20:26 - Ma Zhiklè

²⁶ Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

Lèv. 20:26 ပူးပေါင်းရင်းမြစ်များ

Néhémie 10:29

ta mba ma a nda kramamhi ta, ndohi mbibihiaʼa, a ta gaɗda ma a hai a mʼmbèdè, ta jèjèr ma kita Zhiklè, man a vau te ma Moise, ɓèl Zhiklè, a ta jèjèr ma nkwèr Zhiklè, a ta gi skwi tèlèba ara man Ndo nzi pèc pècèk, Zhiklè nga, a goɗ te ma bai, te ma kita nengaʼa.

Psaumes 99:5

Va-nzala Ndo nzi pèc pècèk, Zhiklè nga, va-kalahai a deɓ skwi nfi sak nengaʼa! Zhiklè nkezlaʼa!

Psaumes 99:9

Va-nzala Ndo nzi pèc pècèk, Zhiklè nga, va-kalahai a deɓ sak nengaʼa a sam za nengaʼa nkezlaʼa! Aman Ndo nzi pèc pècèk, Zhiklè nga, nengaʼa nkezlaʼa.

Exode 33:16

Man bai nga da shinè te mè, nga a ndohi ngaya nga ngots pombai a sam ngaya; sèi man ka dè a nda nga, a nga a ndohi ngaya nga cko gèɗ auda aranta a sam ndohi a gèɗ herkeda tèlèba.

Esaie 30:11

Va-jèkeda civèɗ, va-beza zlawa, kin slefa nga Zhiklè Israel nkezlaʼa a tsagi nga ɓai!

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 19:2

Gada ta mpi ndohi Israel tèlèba aranta: A woy kin kezla, te man iyè, i kezla, i Ndo nzi pèc pècèk, Zhiklè kinè.

Lèv. 20:24

Aman a kinè, i gada kinè: Kin da ngècè kokwar tengaʼa a kokwar kinè. Iyè a ri ga i da va kinè; kokwar man wa a vongwom ta hi te pa. Iyè, Ndo nzi pèc pècèk, Zhiklè kinè, man i parka kinè auda te va ndohi herkeda.

Lèv. 20:7

Gar haha va-kezla ndav kinè, a kin ga a ndohi nkezlaʼa. Aman iyè, Ndo nzi pèc pè-cèk, Zhiklè kinè.

Lèv. 20:8

A kin dzodzor ma nkwèr ga a kin gi arsa. Iyè Ndo nzi pèc pècèk, man i ga kinè a ndohi nkezlaʼa.

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Deutéronome 7:6

Aman kinè ndohi nkezlaʼa a sam Ndo nzi pèc pècèk, Zhiklè ngaya. Kinè man Ndo nzi pèc pècèk a mpar kinè auda a kin gi a ndohi na te va ndohi herkeda ngidè tèlèba.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Josué 24:19

A Josué a ngaɗa ta ndohai: Kin slaha a kin jèjèr Ndo nzi pèc pècèk azɓai, te man nengaʼa Zhiklè nkezlaʼa, nengaʼa Zhiklè srak, a da pra kinè mphömè kinè a mali kinè azɓai.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 4:8

Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.