Lèv. 2:9 - Ma Zhiklè

⁹ A ndohi mvi skwi a Zhiklè da co te nengaʼa, aman a va na Ndo nzi pèc pècèk, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

Lèv. 2:9 ပူးပေါင်းရင်းမြစ်များ

Exode 29:18

a ka fa na vogwa a drok tèlèba a sam mvi skwi a Zhikiè nengaʼa skwi man ta ndara na Ndo nzi pèc pècèk, skwi man a zhkèha, skwi man ta va na Ndo nzi pèc pècèk te vogwa.

Esaie 53:10

Aman Ndo nzi pèc pècèk a woya a nkalda a matakwan. Aman a mvau nshèffè na a skwi mpil gèɗ, a da rka ndohi nte verzi nengaʼa man ta gi kumba; a pats nshèffè nengaʼa ta herda a ma ma; a skwi man Zhiklè a woyaʼa, a da rufa te nengaʼa.

Lèv. 1:9

Aman skwi hwaɗaʼa, a sakhiaʼa, da pana a iyam. Te deɓaʼa ndo mvi skwi a Zhiklè da ndara tèlèba, a géɗ sam mvi skwi a Zhiklè. Aranta a ndara na skwi a Zhiklè, skwi man a va na Ndo nzi pèc pècèk te vogwa, ambaha.

Lèv. 2:16

A ndo mvi skwi a Zhiklè da co te va tser dau mɓertsaʼa, a mbar, a burdi, aman a va na a skwi man ambaha Zhiklè, a fa na vogwa. Nasa skwi man a va na Ndo nzi pèc pècèk te vogwa.

Lèv. 2:2

Da hulkoɗi a sam wudahi Aaron, ndohi mvi skwi a Zhiklè. Ndo mvi skwi a Zhiklè da hul gufa, zlukri staɗ, a mbar, a burdi, tèlèba, da fa na vogwa a skwi man a va na Zhiklè, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

Lèv. 2:8

Skwi haha man ka ta a movar, aman ka va na Ndo nzi pèc pècèk, daʼa a ka va na a ri a ndo mvi skwi a Zhiklè, a nengaʼa da daʼa a sam mvi skwi a Zhiklè.

Lèv. 24:7

Cèw ba, pa na burdi a vaʼa, da gu a skwi man ambaha Ndo nzi pèc pècèk, movar man kin va na.

Lèv. 4:31

Aman mbeza tèlèba da zla na auda, ara man ta gu a sam skwi man ta zlu te pombai. A ndo mvi skwi a Zhiklè da fa na vogwa a sam mvi skwi a Zhiklè, a ngi ambaha Ndo nzi pèc pècèk. Aranta ndo mvi skwi a Zhiklè a ngatsa na skwi mpil gèɗ, a mali nengaʼa mpraʼa.

Lèv. 5:12

Da hulkoɗa a sam ndo mvi skwi a Zhiklè, a ndo mvi skwi a Zhiklè da hul zlukri staɗ a mva na Zhiklè, a nfa na vogwa a sam mvi skwi a Zhiklè, a va skwi man a va na Ndo nzi pèc pècèk te vogwa. Nasa skwi man a via a géɗ malai.

Lèv. 6:15

Ndo mvi skwi a Zhiklè te va wudahi Aaron, man ta bada na mbar a géɗ te di man a nengaʼa, da tau. Nasa skwi man Ndo nzi pèc pècèk a jhèɗè a mèdèp. Vogwa da ndau tèlèba.

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Nombres 5:26

Da hul gufa zlukri staɗ, a nkutèda a gèɗeʼa, a ndara na a sam mvi skwi a Zhiklè, a va na iyam a ngwoz a nsiaʼa.

Romans 12:1

Dalahimam ga, anai i bid kinè a géɗ man ndo a si Zhiklè te va: va-vau va kinè a skwi man kin va na Zhiklè, man nshèffè te pa, nkezlaʼa, ambaha Zhiklè. Nasa mizlinè Zhiklè nzuraʼa!

Romans 15:16

Pombi nengaʼa a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbelaʼa, aman ndohi nte deɓa ta ndi a skwi mvi a Zhiklè, man ambaha Zhiklè, ndohi nkezlaʼa te Mèzhèɓ Zhiklè nkezlaʼa.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Philippiens 2:17

i ga mizlinè ambali ɓai. Ko ta giyè a skwi man ta va na Zhiklè, nshèffè ga skwi man ta vi a Zhiklè a géɗ ncè-a-ndav kinè, i wuffè genè, a i wuffè a nda kinè tèlèba.

Philippiens 4:18

Aman antanta i ngreda kinè, ara man i ngots skwi tèlèba, kumba, a njèkèɗiaʼa a zhè. I tèkwèn skwi asaɓai, a géɗ skwi kinè man amba, man i ngots te ri Epaphrodite: ara skwi man kin va na Zhiklè man a wuffè a gèɗèʼa, ambaha, man a cèʼa.