Lèv. 19:31 - Ma Zhiklè

³¹ Kin gu vri bai, kin pu kwa bai, kin tsasl ta bai, kin lizhè va a sam ta bai! Iyè Ndo nzi pèc pècèk, Zhiklè kinè.

Lèv. 19:31 ပူးပေါင်းရင်းမြစ်များ

II Rois 17:17

Tazlündo wudahi a dalahi tengaʼa a ta bizhè a ndev vogwa, ta pi kwa, ta tèwèlè gèɗ, ta preda va ta a ma, a ta gi skwi man ambaha Ndo nzi pèc pècèk ɓai, a ta poko na gèɗ ndav auda a vna.

II Rois 21:6

A nzlündo kra nengaʼa a vogwa, a ɗèl skwi te bantihai, a pi kilèa, a ngu vrai, a pi kwa, a ngu skwi man ambaha Ndo nzi pèc pècèk bi kumba kumba, a mpoko na gèɗ ndav auda a vna.

II Rois 23:24

A ndohi vrai, a ndohi mpi kwa, a Theraphimhai, a skwi mʼmbèh skwi ambaɓihiaʼa, a skwi hori tèlèba man a zhè te kokwar Juda, te Jérusalem tèlèba, Josias a nzeda, a njèjèr ma kita man a Windo te ɗèlèwèr man Hilkija, ndo mvi skwi a Zhiklè, a nʼngots te gi Zhiklè.

I Chroniques 10:13

Aranta Saul a mʼmets na, a gèɗ mali nengaʼa man a gau a sam Ndo nzi pèc pècèk, a gèɗ man a ndzodzor ma Ndo nzi pèc pècèk ɓai, a gèɗ man a ndzhoɗo vrai, a mʼmboh skwai.

II Chroniques 33:6

A mbezde ta wudahi nengaʼa a ndev vogwa te slrats Ben-Himmon, a mpu kwa, a mʼmboh skwi a zhüzhokihai, a mʼmboh skwai, a ngu vrai, a tèwèlè gèɗ, a ngau skwi kumba, man ambaha Ndo nzi pèc pècèk ɓai, a mpoko na gèɗ ndav auda vna.

Exode 22:18

Ngwoz man a mbèh skwai, ka jèka na nshèffè bai.

Esaie 29:4

Te deɓaʼa ka da gèɗè tʼhai tʼherkeda, a ma ngaya a tsenkaɗauda te ndev hutsoɗ. Daʼai ngaya a cinè ara daʼai mèzhèɓ skwai te vèvèɗ, a ma ngaya a tsenkaɗauda te va mberfenèk ara daʼai mbatsa.

Esaie 47:13

Ka ge matakwan a va ngaya a sam ndohi nʼngatsa ka maya – sèi ta shkè! Ndohi man ta ngela giɗfèk, tengaʼa man ta ɗèlè te bantai, ta hér skwi te mvèng kia te mvèng kia, da takaha ka a ta ngra ka skwi man a da ga ka.

Esaie 8:19

Aman ta gaɗa kinè: Vo-goɗ vrai, vo-do a gi ngwozla man a gèɗ ma numnumaʼa a ngél kwa! — kin gada ta: Ndohi kokwar ta jhèɗè a sam Zhiklè nengaʼa ka ɓi ɗè? A ndohi man ta zhè a nshèffè ta jhèɗè ndohi mʼmetsa ʼa ɗè?

Lèv. 19:26

Kin ndau skwi man Pombaz a keɗa na va ɓai. Kin fu gèɗ a skwi nzhüzhor ndo ɓai! Kin mboh skwi ɓai!

Lèv. 19:3

Staɗ staɗ tèlèba te ndev kinè, da gu zlau bab na a mam na, a kin slubordo pats nshèk va ga. Iyè Ndo nzi pèc pècèk, Zhiklè kinè.

Lèv. 20:27

Aman ndo ngiɗè a zhè a mèzhèɓ mʼmbèh skwai, ko nguraʼa, ko ngwoz, sèi ta keɗaʼa, ta kèlè a kwa. Kita mʼmetsai da gs ta!

Actes 8:11

Ta pu diaʼa, te man ndo haha a mboh skwi a sam ta nʼnzi a zhè.

Galates 5:20

ngi vrai, mʼmbèh skwai, ngi mayam, ngi ndav, srak, ndzoan, mbèzl va, tiflè man a kezla ta ndohai, njèjèr ma civèɗ Zhiklè ngiɗè,

Apocalypse 21:8

Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

I Samuel 28:3

Samuel a mʼmets na ma, a ndohi Israel tèlèba ta kuɗa klèng ma, a ta rda a kokwar Rama. Saul a ndzam ta ndohi mpi kwa a ndohi mʼmbèh skwi tèlèba ma te kokwar.