Lèv. 19:12 - Ma Zhiklè

¹² Kin mboɗ a ncèkèlma a nzlembaɗ ga bai, man bai kin derɗa nzlembaɗ Zhiklè kinè a vna. Iyè Ndo nzi pèc pècèk.

Lèv. 19:12 ပူးပေါင်းရင်းမြစ်များ

Psaumes 15:4

Man a kwola ndo man a Zhiklè a kwolaʼa, a slebarde ta ndohi man ta gi zlau Zhiklè. A gi ara man a mbaɗa, ko skwi na a zi a verziaʼa.

Exode 20:7

Ka slefu nzlembaɗ Ndo nzi pèc pècèk, Zhiklè ngaya, ambali bai! Aman Ndo nzi pèc pècèk a jèkeda kita azbai a géɗ nengaʼa man a slefi nzlembaɗ Zhiklè ambalai.

Esaie 48:1

Kinè ndohi gi Jacob, man ta baha kinè a nzlembaɗ Israel, man kinè te verzi man a Juda, man kin mbèɗè a nzlembaɗ Ndo nzi pèc pècèk, a kin tsi ri a Zhiklè Israel; aman a ncè-a-ndav zura ka ɓai.

Jérémie 34:16

Te deɓaʼa, kin hur tsaɗ, a kin derɗè nzlembaɗ ga. Kin bahka ta ɓèlèlihi kinè, ko nguraʼa ko ngwoz, a deɓa, man kin pre ta ma, a kin ga ta wuɗai, a kin ge ta ndohi a ɓèlè zaʼa.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 5:2

Ta gaɗa: Ko Ndo nzi pèc pècèk a zhè, ta mbèɗè a ta cèkèl ma.

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Lèv. 18:21

Ka vau kra ngaya a Moloc bai; ka derdè nzlembaɗ Zhiklè a vna. Iyè Ndo nzi pèc nècèk.

Lèv. 20:3

I ngwoda na gèɗ a va ndo sa, a i zedkoɗauda te va ndohi na, a gèɗ man a mva na kra na staɗ a Moloc, a lizhè sam ga nkezlaʼa, a dérɗè nzlembaɗ ga nkezlaʼa.

Lèv. 24:11

A kra ngwoz Israel a nlüv nzlembaɗ Ndo nzi pèc pècèk, a ndurɗo. A ta feda na ma a sam Moise. Nzlembaɗ mam na Shelomith, dem Dibri, te verzi Dan.

Lèv. 6:3

Ndo mvi skwi a Zhiklè da feda maslaka ntsentsai a sajibèr a va, da hul mèrwècèʼa, da patseda sam mvi skwi a Zhiklè.

Zacharie 5:3

Nengaʼa a ngaɗayè: Nasa ma mphömdè herkeda tèlèba. Aman nʼnzi a zhè metsarhi tèlèba ta ga kita ta ɓai, ar na. Nʼnzi a zhè, ndohi man ta mbèɗè a nzlembaɗ ga a ncèkèlma, ta ga kita tengaʼa ɓai, ar na.

Zacharie 5:4

Zhiklè bi mbiaʼa a gaɗa: I zlündo a gi ndo metsar, a gi ndo mʼmbèɗè a nzlembaɗ ga a ncèkèlma, a nzi te gi na, a ndeda gi a ma a wof ba a kwa ba.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Deutéronome 5:11

Ka slefu nzlembaɗ Ndo nzi pèc pècèk, Zhiklè ngaya, ambali ɓai. Aman Ndo nzi pèc pècèk, a jèkeda kita azɓai a géɗ nengaʼa man a slefi nzlembaɗ Zhiklè ambali.

Jacques 5:12

Aman a géɗ skwi tèlè, dalahimam ga, kin mbaɗ ɓai, a giɗfèk ba, a herkeda ba, a ma mʼmbèɗè ngiɗè ba. Aman ma halau kinè da gu halau, ma aʼai kinè da gu aʼai, aman kita a gs kinè azɓai.