Lèv. 19:10 - Ma Zhiklè

¹⁰ Ko te gi lak ba, ka porko njèkèdia te deb staɗ staɗ asaɓai! Ko nyi wof nwusha tʼhai ka por bai! Ka jèka na ndo ntawassaʼa, a ndo mbrok. Iyè Ndo nzi pèc pècèk, Zhiklè kinè.

Lèv. 19:10 ပူးပေါင်းရင်းမြစ်များ

Esaie 17:6

Ta jèkaha slèw-slèw kata, ara man ta kèldè nyi wof: cèw, makar, te ndev géɗèʼa, faɗ, zlam, te civèɗ ri wof ngiɗè, Ndo nzi pèc pècèk, Zhiklè Israel, a gaɗa.

Esaie 24:13

A da gi a géɗ herkeda, a sam ndohi herkeda, ara man ta kèldè ny i wof, ara man ta tsa dau klèng ma, a ta pèr iyamaʼa tʼhai.

Jérémie 49:9

Aman ndohi mpèr nyi wof ta dè a sam ngaya, ta jèkeda nyi wof a pa kètè. Aman metsarhi ta dè a sam ngaya a vaɗ, ta hil skwi a metsar ara man ta slaha.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 19:11

Kin gu metsar bai, kin ngwod ndo bai, kin tsokol ma bai!

Lèv. 19:25

Sèi te mvi mazlamaʼa kin ndi nyi wof kinè, a nda ya kinè skwi a ma ma. Iyè Ndo nzi pèc pècèk, Zhiklè kinè.

Lèv. 19:9

Aman ka tsi dau, ka ndikèda ma kuma gi dau bai; aman ka ɓica ma, ka por nksara tʼhi bai!

Lèv. 23:22

Aman kin tsi dau, kin ndikeda ma kuma gi dau bai! Aman kin ɓica ma, kin por nksara tʼhi bai. Kinjèka na a ndo ntawassaʼa, a ndo mbrok. Iyè Ndo nzi pèc pècèk, Zhiklè kinè.

Lèv. 25:6

A skwi man herkeda a yiè tʼhwaɗ mvi man a shèk va, va-ndau a pa a pa, kinè a bèlèlihi ngaya, ngu-raʼa a ngwoz, a ndohi mizlinè ngaya, a ndohi te gi ngaya.

Abdias 1:5

Ndo nzi pèc pècèk a gaɗa. Aman metsarhi ta slambaɗa ka va, a vaɗ, ka gedassa ma, ta hil skwi ara man ta woya ka ɓi ɗè? Aman ndohi mpèr nyi wof ta jèkeda pa slèw slèwaʼa azɓi ɗè?

Michée 7:1

Wobayè! Iyè ara ndo man ta ɓica-ma na skwi auda a ma: wondar azɓai, ko dil vanda ba azɓai, rua azɓai, man ndav ga a woyaʼa.

Deutéronome 24:19

Aman ka da ɓicè skwi te gi dau ngaya, a nkèl dau staɗ a pce na a pa, ka minè a deɓa aman ka da co ɓai: a gi a skwi ndo man verzi na tsaɗ, a skwi kra dikai, a skwi ngwoz mazai; a Ndo nzi pèc pècèk, Zhiklè ngaya a pshè ka ma te mizlinè ri ngaya tèlèba.

Deutéronome 24:20

Aman ka da slivè ny i wof, ka da por nslaw-slawaʼa te pa ɓai. Ta gi a skwi ndo man verzi na tsaɗ, a skwi kra dikai, a skwi ngwoz mazai.

Deutéronome 24:21

Aman ka da pèr nyi wof te gi lak ngaya, ka da poro njèkèɗiaʼa a pa te deɓaʼa ɓai: ta gi a skwi ndo man verzi na tsaɗ, a skwi kra dikai, a skwi ngwoz mazai.

Juges 8:2

Aman nengaʼa a ngaɗa ta: Aman nga lèmdè skwi man nga ngu cèw: skwi kinè a fena man a ga ka ɓi ɗè? Vanda man ta mbèdè te Ephraim kumba a fena man ta ria te Abiézer ka bi dè?

Ruth 2:2

Pats ngiɗè Ruth, dem Moab, a ngaɗa na Naomi: Vay civèɗ a i dè a gi dau ndo man a nda tsay gumi a gèɗ, a i pèr iyam dau. A nengaʼa a ngaɗa na: Do, dem ga!