Lèv. 18:25 - Ma Zhiklè

²⁵ Herkeda nlizhèa a vna, a i ga ta kita a géɗ mali ta; a herkeda a nkwol ta ndohi na.

Lèv. 18:25 ပူးပေါင်းရင်းမြစ်များ

I Rois 21:26

Nengaʼa a ngau skwi man a ndèrè a ndo, a ndzodzor vrihai, lèmèlèmè ara ndohi Amor man ta gau, a Ndo nzi pèc pècèk a ndzam ta a ma ndohi Israel.

Esdras 9:11

man ka va ta ndohi nhadka ma, ɓèlèlihi ngaya, a ka gaɗa ta: Kokwar man kin da dè a pa, a kin kwè-rèʼa, kokwar mphomaʼa. Ndohi nte deɓa ta ga a kokwar mphomaʼa a mʼmbèh skwi tengaʼa, ta ndhaʼa a mali ta, a hünko te verzi ngiɗè a ndè a verzi ngiɗè.

Psaumes 106:38

Ta keɗa ndo man a nga, mali ɓai, pombaz wudahi a dalahi tengaʼa ta va na a mhlom ndohi Canaan. A kokwar mphomda a géɗ mali nkéɗè ndo.

Psaumes 89:32

aman ta derɗe ma man i senda ta, a ta jèjèr ma nkwèr ga azɓai,

Esaie 24:5

a géɗ man ndohi ta derɗe kokwar ta, ta tawaɗaha ma kita, ta dzadzara ma nkwèr ta ɓai, ta pra nderzlèma ta, man ta derzla a mèdèp.

Esaie 26:21

Na haha Ndo nzi pèc pècèk a nslambaɗkaɗa a sam nʼnzi nengaʼa ma, a nʼnga ta kita a ndohi herkeda. Te deɓaʼa herkeda a ngrédè pombaz ndohi mbazlaʼa auda, a nghédè asaɓai.

Jérémie 14:10

Aranta Ndo nzi pèc pècèk a ngaɗa ta ndohi haha: Ambaha ta aman ta hi auna, ta hi auna, ta hérè a géɗèʼa azɓai. Aman Ndo nzi pèc pècèk a wuffè a géɗ tengaʼa azɓai. A hér mali ta, a ga ta kita a gèɗ mai i ta.

Jérémie 16:18

Gar haha i jhèɗè skwi mpil gèɗ sak cèw a géɗ mali ta a mphömè ta, a gèɗ man ta derde kokwar ga, a skwi hori tengaʼa man nhusla sa.

Jérémie 2:7

I de kinè a herkeda nɗuzoʼa, a kin ndi skwi te pa kumba. Kin do a pa a kin lizhè herkeda ga, skwi nʼndi gi ga, a kin ndeda a skwi man a ndara ta ndohai.

Jérémie 23:2

Gar haha Ndo nzi pèc pècèk, Zhiklè Israel, a goɗ a géɗ ndohi mɓer ndohi Zhiklè, man ta wèr ndohi ga: Kin ksar ta ndohi ga, kin dzam ta, kin war ta bai. Na haha i gi kita a géɗ kinè, a géɗ maya man ambaɓai man kin gau, Ndo nzi pèc pècèk a gaɗa.

Jérémie 5:29

I gi ndzoan a pa azɓi ɗè? I ga ta kita a ndohi ar haha, a ta pil gèɗ, azɓi dè? Ndo nzi pèc pècèk a gaɗa.

Jérémie 5:9

I gi ndzoan a pa azɓi dè? Ndo nzi pèc pècèk a gaɗa. Ndohi herkeda aranta ta pil gèɗ azɓi dè?

Jérémie 9:9

A géɗ skwi haha i gi kita tengaʼa azɓi dè? Ndo nzi pèc pècèk a gaɗa. Ndohi aranta ta pelay gèɗ azɓi dè?

Osée 2:13

I da gedassa mwuffe nengaʼa tèlèba, a ngolala nengaʼa, a ngolala kia, a pats nshèk va na, a ngolala mbiaʼa tèlèba.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Osée 9:9

Nʼndi hwaɗ tengaʼa a gedas ta tèlèba, lèmèlèmè ara man ta gu te Guibea. Ndo nzi pèc pècèk a hér maharam ta, a da gi kita a géɗ mali ta.

Lèv. 18:26

Gar haha va-dzodzor ma nkwèr ga a ma kita ga, kin gu skwi man a ndèrè a ndo ɓai, ko ndo kokwar tas, ko ndo mbrok man a zhè a sam kinè.

Lèv. 18:28

Man bai man kin lizhè kokwar, a da kwol kinè ara man a gu a sam ndohi nte deɓa te pa, ga kin shkè.

Romans 8:22

Nga suna, skwi tèlèba, ha antanta, a ɗish va, ara ngwoz man a yi kra.

Deutéronome 18:12

Aman ndo man a gi skwi arsa, a ndara na Nco nzi pèc pècèk. A géɗ nengaʼa Ndo nzi pèc pècèk, Zhiklè ngaya, a da dzam ta auda a ma ngaya.

Deutéronome 21:23

Aman ka da rda a vèvèɗ a pats nasa. Aman ndo man ta ktsalda a wof, skwi mphomdaʼa a sam Zhiklè. Ka da lizhè kokwar ɓai, man Ndo nzi pèc pècèk, Zhiklè ngaya, a mva ka a skwi nʼndi gai!

Deutéronome 9:5

A géɗ nlèɓèslè ngaya ka ɓai, a gèɗ ndav ngaya man nzuraʼa ka ɓai, a gèɗ ngi-zuraʼa ngaya ka ɓai, man Ndo nzi pèc pècèk, Zhiklè ngaya, a ndzam ta ndohi herkeda haha; aman ka da dum kokwar tengaʼa, a géɗ man mali ta a ndev ɓai. A ma nengaʼa man a mbaɗa ta a Abraham, Isaac a Jacob, babhi ngaya, a ndikeda.