Lèv. 16:21 - Ma Zhiklè

²¹ Te deɓaʼa Aaron da ngeda rihi na cèw a géɗ mazawal man a zhè a nshèffè, da ngreda mali tè-lèba, skwi man ambaɓi man Israel a gu mali a vna tèlèba, da fana a géɗ mazawal, a ndo ngiɗè man a zlatsa a pa da dzamda a hèshèkèʼd.

Lèv. 16:21 ပူးပေါင်းရင်းမြစ်များ

Esdras 10:1

Aman Esdras a ntsu rai, a nju ma mali na, a nkuɗai, a ngurɓahi a ma gi Zhiklè, ndohi Israel kumba kumba ta ɓica va a sam na, ngurhi a ngwozi a wudahi, a ta kuɗi a vata.

Psaumes 32:5

Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

Psaumes 51:3

Bi Zhiklè, i da se ka te va, vay pombi ngaya! Pray mali mphömè ga, a géɗ man ndo a se ka te va kumba!

Exode 29:10

Cko marai, a ma gi nkezlaʼa, a Aaron a wudahi nengaʼa ta nga na ri a gèɗ.

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Lèv. 1:4

Da ngeda rai a géɗ skwi man a ndara na, a da ambaha Zhiklè, aman gèd nengaʼa mpela.

Lèv. 16:20

Aman a ngatsa ta skwi mpil gèɗ a sam nkezlaʼa, a gi mbicè-va, a sam mvi skwi a Zhiklè, aranta ma, da cko mazawal man a zhè a nshèffè.

Lèv. 16:22

Aranta mazawal da hadeda mali tengaʼa tèlèba a hèshèkèɗ. A ndzamdauda a hèshèkèɗ.

Lèv. 26:40

Aman te deɓaʼa ta da ngreda mali ta a mali bab ta, ara man ta pra nderzlè-ma ga, a ta salay va a gèɗ –

Lèv. 5:5

Aman ndo ngiɗè a ngu mali te skwi ar haha, da ngreda mali na, man a ngau, auda.

Romans 10:10

Aman ndo man a cè a ndav a vava, a ngècè ngi-zuraʼa; a ndo man a ngrédèʼa a ma na, a mbel na. Ara man ɗèlèwèr Zhiklè a gaɗa:

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.