Lèv. 11:44 - Ma Zhiklè

⁴⁴ Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 11:44 ပူးပေါင်းရင်းမြစ်များ

Psaumes 99:5

Va-nzala Ndo nzi pèc pècèk, Zhiklè nga, va-kalahai a deɓ skwi nfi sak nengaʼa! Zhiklè nkezlaʼa!

Psaumes 99:9

Va-nzala Ndo nzi pèc pècèk, Zhiklè nga, va-kalahai a deɓ sak nengaʼa a sam za nengaʼa nkezlaʼa! Aman Ndo nzi pèc pècèk, Zhiklè nga, nengaʼa nkezlaʼa.

Exode 16:12

I tsena ma ndav ndohi Israel. Gada ta aranta: A dakwaɗ kin da ndi zluèd, a prèk movar, a kin ngézhè, a kin da suna, iyè Ndo nzi pèc pècèk, Zhiklè kinè.

Exode 19:10

A Ndo nzi pèc pècèk a ngaɗa na Moise: Do a sam ndohai, a ta til ndav a patsna, angoslèm, a ta pana maslaka ta.

Exode 19:6

Kinè ndohi mvi skwi a Zhiklè, Bai, a sam ga, ndohi ga nkezlaʼa. Na haha ma ga man ka da gada ta ndohi Israel.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 22:30

Lè-mèlèmè a sam zlè a tambak ngaya. Da nza a sam mam na mʼmèn 7; a pats matsamakaɗaʼa ka vayè.

Exode 22:31

Sèi kin ndi a ndohi ga nkezlaʼa. Zluèɗ man skwi dak a nkeɗaʼa, kin ndau bai! Va-kalda ta a kdadihai!

Exode 23:25

Va-gu mizlinè Ndo nzi pèc pècèk, Zhiklè kinè, a i pshè kinè ma a movar kinè a iyam nsi kinè, a i cè matakwan auda tèlèba a sam kinè.

Exode 6:7

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Esaie 43:3

Aman iyè, Ndo nzi pèc pècèk, i Zhiklè ngaya. Iyè, Zhiklè Israel nkezlaʼa, man i mbel ka. I vi Egypte a skwi mpil gèɗ ngaya. I vi Ethiopie a Saba te di man a ngaya.

Esaie 51:15

Iyè Ndo nzi pèc pècèk, Zhiklè ngaya, man i geda iyam mbiaʼa, a gi tsuvoɗoh-tsuvoɗohaʼa—nzlembaɗ ga Zhiklè bi mbiaʼa.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Lèv. 11:43

Kin ndeda va kinè a skwi man a ndara na Zhiklè ɓai. A skwi nda a hwaɗhai kin lizha va a vna bai, a lizhè kinè.

Lèv. 18:2

Gada ta ndohi Israel aranta: Iyè Ndo nzi pèc pècèk, Zhiklè kinè.

Lèv. 19:10

Ko te gi lak ba, ka porko njèkèdia te deb staɗ staɗ asaɓai! Ko nyi wof nwusha tʼhai ka por bai! Ka jèka na ndo ntawassaʼa, a ndo mbrok. Iyè Ndo nzi pèc pècèk, Zhiklè kinè.

Lèv. 19:2

Gada ta mpi ndohi Israel tèlèba aranta: A woy kin kezla, te man iyè, i kezla, i Ndo nzi pèc pècèk, Zhiklè kinè.

Lèv. 19:3

Staɗ staɗ tèlèba te ndev kinè, da gu zlau bab na a mam na, a kin slubordo pats nshèk va ga. Iyè Ndo nzi pèc pècèk, Zhiklè kinè.

Lèv. 19:4

Kin woy skwi mʼmbèh skwi bai, kin rom vri bai! Iyè Ndo nzi pèc pècèk, Zhiklè kinè.

Lèv. 20:26

Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

Lèv. 20:7

Gar haha va-kezla ndav kinè, a kin ga a ndohi nkezlaʼa. Aman iyè, Ndo nzi pèc pè-cèk, Zhiklè kinè.

Lèv. 21:8

Gar haha sèi ka rka ndo mvi skwi a Zhiklè ara ndo nkezlaʼa; te man a vi movar a Zhiklè ngaya. Da nza a sam ngaya ara ndo nkezlaʼa, te man iyè, i kezla, Ndo nzi pèc pècèk, man i ga kinè a ndohi nkezlaʼa.

Amos 3:3

Ndohi cèw ta slaha ta shèwèlè, man ta mba ma ta ka ɓi dè?

Nombres 15:40

A kin hér ma nkwèr ga tèlèba, a kin dzodzora, a kin gi a ndohi nkezlaʼa a sam Zhiklè kinè.

Matthew 5:48

Gar haha sèi kin ndikè a sam jèlèlèʼa, ara Bab kinè te zhiklè, jèlèlèʼa.

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

1 Thessalonians 4:7

Aman Zhiklè a baha nga a sam skwi nlizhè ka ɓai, aman a sam nkezlaʼa.

Josué 24:19

A Josué a ngaɗa ta ndohai: Kin slaha a kin jèjèr Ndo nzi pèc pècèk azɓai, te man nengaʼa Zhiklè nkezlaʼa, nengaʼa Zhiklè srak, a da pra kinè mphömè kinè a mali kinè azɓai.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 22:11

Ndo man a gi skwi ambaɓiaʼa, da gu ambaɓi a ma ma. Ndo man nlizhèʼa, da lüzho a ma ma. Ndo man a gi zuraʼa, da gu zuraʼa a ma ma. Ndo man ndav nengaʼa nkezlaʼa, da gu aman ndav nengaʼa nkezla a ma ma.

I Samuel 2:2

Nkezlaʼa gar Ndo nzi pèc pècèk, nʼazbai. Ngiɗè azɓai, sèi ka. Sam gedeng-gedengaʼa ngar Bi Zhiklè nga, azɓai.

I Samuel 6:20

Ndohi Beth-Shémesh ta gaɗa: Nslaha a nzlècè a sam Ndo nzi pèc pècèk, Zhiklè nkezlaʼa haha wa? Da da koti haha a ma? A ndè auda a sam nga.